18 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਜਲਦੀ ਤੋਂ ਜਲਦੀ ਕਿਸੇ ਟੀਕੇ ਦਾ ਪ੍ਰਬੰਧ ਕੀਤਾ ਜਾਵੇ। ਅੱਜ ਸਾਡੇ ਕੋਲ 5-6 ਦਿਨਾਂ ਦਾ ਟੀਕਾ ਦਿੱਲੀ ਵਿਚ ਬਚਿਆ ਹੈ।
ਨਵੀਂ ਦਿੱਲੀ - ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਕੋਰੋਨਾ ਸੰਕਟ ਦੇ ਚਲਦਿਆਂ ਅੱਜ ਪ੍ਰੈਸ ਕਾਨਫਰੰਸ ਕੀਤੀ। ਉਹਨਾਂ ਇਸ ਪ੍ਰੈਸ ਕਾਨਫਰੰਸ ਵਿਚ ਦੱਸਿਆ ਕਿ ਦਿੱਲੀ ਵਿਚ ਵੈਕਸੀਨ ਦੀ ਬਹੁਤ ਕਮੀ ਹੈ। ਉਹਨਾਂ ਦੱਸਿਆ ਕਿ ਦਿੱਲੀ ਦੇ ਸਕੂਲਾਂ ਵਿਚ ਟੀਕਾਕਰਨ ਅਭਿਆਨ ਸ਼ੁਰੂ ਕੀਤਾ ਗਿਆ ਹੈ ਅਤੇ ਯੂਥ ਇਸ ਨੂੰ ਲੈ ਕੇ ਬਹੁਤ ਖੁਸ਼ ਹਨ। ਆਉਣ ਵਾਲੇ ਸਮੇਂ ਵਿਚ 300 ਸਕੂਲਾਂ ਵਿਚ ਵੈਕਸੀਨ ਸੈਂਟਰ ਹੋਣਗੇ।
COVID-19 vaccination
ਉਹਨਾਂ ਕਿਹਾ ਕਿ ਉਹਨਾਂ ਨੇ ਲਗਭਗ 100 ਸਕੂਲਾਂ ਵਿਚ ਟੀਕਾਕਰਨ ਦਾ ਪ੍ਰਬੰਧ ਕੀਤਾ ਹੈ, ਆਉਣ ਵਾਲੇ ਸਮੇਂ ਵਿੱਚ ਉਨ੍ਹਾਂ ਨੂੰ ਵਧਾ ਕੇ 250-300 ਸਕੂਲ ਕਰ ਦਿੱਤਾ ਜਾਵੇਗਾ। ਅੱਜ ਦਿੱਲੀ ਵਿਚ ਰੋਜ਼ਾਨਾ ਇੱਕ ਲੱਖ ਟੀਕੇ ਲਗਾਏ ਜਾ ਰਹੇ ਹਨ। 50,000 ਟੀਕੇ 45 ਸਾਲ ਤੋਂ ਘੱਟ ਉਮਰ ਦੇ ਲੋਕਾਂ ਨੂੰ ਅਤੇ 50,000 ਟੀਕੇ 45 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਨੂੰ ਲਗਾਏ ਜਾ ਰਹੇ ਹਨ।
Covid vaccine
ਉਹਨਾਂ ਕਿਹਾ ਕਿ ਅੱਜ ਵੈਕਸੀਨ ਦੀ ਬਹੁਤ ਘਾਟ ਹੈ, ਜੇ ਸਾਨੂੰ ਵੱਡੀ ਮਾਤਰਾ ਵਿਚ ਟੀਕਾ ਮਿਲ ਜਾਵੇ ਤਾਂ ਅਸੀਂ ਤਿੰਨ ਮਹੀਨਿਆਂ ਵਿਚ ਪੂਰੀ ਦਿੱਲੀ ਦੇ ਲੋਕਾਂ ਦਾ ਟੀਕਾਕਰਨ ਕਰ ਸਕਦੇ ਹਾਂ। ਜੇ ਦਿੱਲੀ ਵਿਚ 18 ਸਾਲ ਤੋਂ ਵੱਧ ਉਮਰ ਦੇ 1.5 ਕਰੋੜ ਲੋਕ ਹਨ, ਤਾਂ 3 ਕਰੋੜ ਟੀਕਿਆਂ ਦੀ ਜ਼ਰੂਰਤ ਹੈ। ਦਿੱਲੀ ਸਰਕਾਰ ਨੂੰ ਹੁਣ ਤੱਕ ਕੁੱਲ 40 ਲੱਖ ਵੈਕਸੀਨ ਹੀ ਮਿਲੀ ਹੈ।
Corona Virus
ਅਗਲੇ 3 ਮਹੀਨਿਆਂ ਲਈ ਸਾਨੂੰ ਹਰ ਮਹੀਨੇ 80-85 ਲੱਖ ਵੈਕਸੀਨ ਚਾਹੀਦੀ ਹੈ। ਅਸੀਂ ਹਰ ਰੋਜ਼ ਇਕ ਲੱਖ ਟੀਕੇ ਲਗਾ ਰਹੇ ਹਾਂ, ਸਾਨੂੰ ਹਰ ਰੋਜ਼ 3 ਲੱਖ ਵੈਕਸੀਨ ਲਗਾਉਣੀ ਹੋਵੇਗੀ। ਅਸੀਂ ਆਪਣੀ ਸਮਰੱਥਾ 3 ਲੱਖ ਵੈਕਸੀਨ ਦੀ ਕਰ ਸਕਦੇ ਹਾਂ। ਕੇਂਦਰ ਸਰਕਾਰ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਸਾਨੂੰ ਢੁੱਕਵੀਂ ਮਾਤਰਾ ਵਿਚ ਟੀਕਾ ਮੁਹੱਈਆ ਕਰਵਾਉਣ।
दिल्ली में चल रहे अब तक के सबसे बड़े कोरोना वैक्सीनेशन अभियान पर महत्वपूर्ण प्रेस वार्ता | LIVE https://t.co/leUHSH6Krr
— Arvind Kejriwal (@ArvindKejriwal) May 8, 2021
ਉਹਨਾਂ ਕਿਹਾ ਕਿ ਮੈਂ ਸਾਰੇ ਮਾਹਰਾਂ ਅਤੇ ਕੇਂਦਰ ਸਰਕਾਰ ਨੂੰ ਅਪੀਲ ਕਰਦਾ ਹਾਂ ਕਿ 18 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਜਲਦੀ ਤੋਂ ਜਲਦੀ ਕਿਸੇ ਟੀਕੇ ਦਾ ਪ੍ਰਬੰਧ ਕੀਤਾ ਜਾਵੇ। ਅੱਜ ਸਾਡੇ ਕੋਲ 5-6 ਦਿਨਾਂ ਦਾ ਟੀਕਾ ਦਿੱਲੀ ਵਿਚ ਬਚਿਆ ਹੈ।
