ਕਿਹਾ-ਗੁਰੂ ਸਾਹਿਬ ਵੱਲੋਂ ਬਖ਼ਸ਼ੀ ਦਸਤਾਰ ਸਿੱਖਾਂ ਦਾ ਤਾਜ ਹੈ
ਰੁਦਰਪੁਰ: ਦਿੱਲੀ ਦੇ ਇਕ ਸਿੱਖ ਨੇ ਸੋਸ਼ਲ ਮੀਡੀਆ 'ਤੇ ਪੁਰਾਣੀਆਂ ਦਸਤਾਰਾਂ ਦੇ ਮਾਸਕ ਬਣਾਉਣ ਦੀ ਪੋਸਟ 'ਤੇ ਬੋਲਦਿਆਂ ਸਮੂਹ ਸਿੱਖਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਪੁਰਾਣੀਆਂ ਦਸਤਾਰਾਂ ਦੇ ਮਾਸਕ ਬਣਾ ਕੇ ਨਾ ਵੰਡਣ ਕਿਉਂਕਿ ਦਸਤਾਰ ਗੁਰੂ ਸਾਹਿਬ ਵੱਲੋਂ ਸਿੱਖਾਂ ਨੂੰ ਬਖ਼ਸ਼ਿਆ ਹੋਇਆ ਇਕ ਤਾਜ ਹੈ ਅਤੇ ਤਾਜ ਕਿੰਨਾ ਹੀ ਪੁਰਾਣਾ ਕਿਉਂ ਨਾ ਹੋਵੇ, ਉਸ ਨੂੰ ਸੁੱਟਿਆ ਨਹੀਂ ਜਾਂਦਾ।
Sikh
ਸਿੱਖ ਨੌਜਵਾਨ ਨੇ ਅੱਗੇ ਕਿਹਾ ਕਿ ਉਹਨਾਂ ਨੇ ਸੋਸ਼ਲ ਮੀਡੀਆ ਤੇ ਇਕ ਵੀਡੀਉ ਦੇਖੀ ਸੀ ਜਿਸ ਵਿਚ ਇਕ ਸਿਖ ਨੌਜਵਾਨ ਅਪੀਲ ਕਰ ਰਿਹਾ ਸੀ ਕਿ ਉਹ ਪੁਰਾਣੀਆਂ ਪੱਗਾਂ ਨੂੰ ਸੰਸਥਾਵਾਂ ਨੂੰ ਸੌਂਪਿਆ ਜਾਵੇ ਤਾਂ ਜੋ ਉਸ ਦੇ ਮਾਸਕ ਬਣਾ ਕੇ ਲੋਕਾਂ ਵਿਚ ਵੰਡੇ ਜਾਣ। ਪੱਗ ਸਿਰ ਦਾ ਤਾਜ ਹੁੰਦੀ ਹੈ ਇਸ ਦਾ ਕੋਈ ਮੁੱਲ ਨਹੀਂ ਹੈ ਇਸ ਇਕ ਅਨਮੋਲ ਹੀਰਾ ਹੈ।
Mask
ਤਾਜ ਕਿੰਨਾ ਵੀ ਪੁਰਾਣਾ ਹੋਵੇ ਉਹ ਤਾਜ ਹੀ ਰਹਿੰਦਾ ਹੈ ਉਸ ਦੀ ਕੀਮਤ ਨਹੀਂ ਘਟ ਜਾਂਦੀ ਅਤੇ ਨਾ ਹੀ ਉਹ ਬੇਕਾਰ ਚੀਜ਼ ਹੁੰਦੀ ਹੈ। ਜੇ ਇਸ ਦੇ ਮਾਸਕ ਬਣਾ ਕੇ ਵੰਡੇ ਗਏ ਤਾਂ ਇਸ ਦੀ ਵਰਤੋਂ ਉਹ ਲੋਕ ਵੀ ਕਰਨਗੇ ਜੋ ਕਿ ਨਸ਼ੇ ਦਾ ਸੇਵਨ ਕਰਦੇ ਹਨ ਤੇ ਜਦੋਂ ਇਹ ਪੁਰਾਣਾ ਹੋ ਜਾਵੇਗਾ ਉਹ ਸੜਕ ਤੇ ਸੁੱਟ ਦੇਣਗੇ ਅਤੇ ਫਿਰ ਉਹਨਾਂ ਨੂੰ ਮੁਫਤ ਵਿਚ ਮਿਲ ਜਾਵੇਗਾ।
Mask
ਜੇ ਦਸਤਾਰ ਦੇ ਮਾਸਕ ਬਣਾ ਕੇ ਵੰਡੇ ਗਏ ਤਾਂ ਦਸਤਾਰ ਦੀ ਬੇਅਦਬੀ ਹੋਵੇਗੀ। ਇੰਨੀ ਵੀ ਸਖ਼ਤ ਜ਼ਰੂਰਤ ਨਹੀਂ ਹੈ ਕਿ ਪੱਗਾਂ ਦੇ ਮਾਸਕ ਬਣਾ ਕੇ ਲੋਕਾਂ ਵਿਚ ਵੰਡੇ ਜਾਣ ਤੇ ਦਸਤਾਰ ਦੀ ਬੇਅਦਬੀ ਹੋਵੇ। ਇਸ ਤੋਂ ਇਲਾਵਾ ਉਹਨਾਂ ਕਿਹਾ ਕਿ ਗਰੀਬ ਤੋਂ ਗਰੀਬ ਆਦਮੀ ਵੀ ਮਹਿੰਗੀ ਸ਼ਰਾਬ ਖਰੀਦ ਸਕਦਾ ਹੈ ਤਾਂ ਕੀ ਉਹ 10 ਰੁਪਏ ਦਾ ਮਾਸਕ ਨਹੀਂ ਖਰੀਦ ਸਕਦਾ?
Sikh
ਮਾਸਕ ਵੰਡਣਾ ਸਰਕਾਰ ਦਾ ਕੰਮ ਹੈ ਇਸ ਲਈ ਉਹ ਅਪਣੇ ਵੱਲੋਂ ਲੋਕਾਂ ਨੂੰ ਮਾਸਕ ਵੰਡੇ ਤੇ ਦਸਤਾਰ ਦੀ ਬੇਅਦਬੀ ਹੋਣ ਤੋਂ ਰੋਕ ਜਾਵੇ। ਦਰਅਸਲ ਕੁੱਝ ਸਿੱਖ ਨੌਜਵਾਨਾਂ ਵੱਲੋਂ ਪੁਰਾਣੀਆਂ ਦਸਤਾਰਾਂ ਦੇ ਮਾਸਕ ਬਣਾ ਕੇ ਵੰਡਣ ਦੀ ਸੇਵਾ ਸ਼ੁਰੂ ਕੀਤੀ ਗਈ ਸੀ, ਜਿਸ ਤੋਂ ਬਾਅਦ ਇਸ ਸਿੱਖ ਨੇ ਇਹ ਅਪੀਲ ਕੀਤੀ ਹੈ। ਸਿੱਖ ਨੌਜਵਾਨ ਵੱਲੋਂ ਕੀਤੀ ਗਈ ਇਸ ਅਪੀਲ ਨੂੰ ਲੈ ਕੇ ਲੋਕਾਂ ਵੱਲੋਂ ਤਰ੍ਹਾਂ ਤਰ੍ਹਾਂ ਦੇ ਕੁਮੈਂਟ ਕੀਤੇ ਜਾ ਰਹੇ ਹਨ।
Sikh
ਕੁੱਝ ਲੋਕਾਂ ਦਾ ਕਹਿਣਾ ਹੈ ਕਿ ਜੇ ਪੁਰਾਣੀ ਦਸਤਾਰ ਨੂੰ ਮਾਸਕ ਬਣਾਉਣ ਲਈ ਦੇ ਦਿੱਤਾ ਜਾਵੇ ਤਾਂ ਇਸ ਵਿਚ ਕੋਈ ਬੁਰਾਈ ਨਹੀਂ ਬਲਕਿ ਇਸ ਨਾਲ ਦਸਤਾਰ ਦਾ ਰੁਤਬਾ ਹੋਰ ਜ਼ਿਆਦਾ ਵਧੇਗਾ। ਇਸ ਦੇ ਨਾਲ ਹੀ ਕੁੱਝ ਲੋਕਾਂ ਨੇ ਸਿੱਖ ਨੌਜਵਾਨ ਦੀ ਅਪੀਲ ਨੂੰ ਸਹੀ ਦੱਸਿਆ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
