Advertisement
  ਖ਼ਬਰਾਂ   ਰਾਸ਼ਟਰੀ  08 Jul 2020  ਕੋਰੋਨਾ ਵਾਇਰਸ ਦੇ ਹਵਾ ਵਿਚ ਫੈਲਣ ਦੇ ਦਾਅਵੇ ਤੋਂ ਡਰਨ ਦੀ ਲੋੜ ਨਹੀਂ : ਮਾਹਰ

ਕੋਰੋਨਾ ਵਾਇਰਸ ਦੇ ਹਵਾ ਵਿਚ ਫੈਲਣ ਦੇ ਦਾਅਵੇ ਤੋਂ ਡਰਨ ਦੀ ਲੋੜ ਨਹੀਂ : ਮਾਹਰ

ਏਜੰਸੀ
Published Jul 8, 2020, 9:44 pm IST
Updated Jul 8, 2020, 9:44 pm IST
ਅਜਿਹੀ ਗੱਲ ਨਹੀਂ ਕਿ ਵਾਇਰਸ ਹਰ ਥਾਂ ਉਡ ਰਿਹੈ ਤੇ ਸਾਰਿਆਂ ਨੂੰ ਬੀਮਾਰ ਕਰ ਦੇਵੇਗਾ
Corona viruse
 Corona viruse

ਨਵੀਂ ਦਿੱਲੀ  : ਆਧੁਨਿਕ ਜੀਵ ਵਿਗਿਆਨ ਦੇ ਖੇਤਰ ਵਿਚ ਖੋਜ ਕਰਨ ਵਾਲੀ ਸਿਖਰਲੀ ਸੰਸਥਾ ਦੇ ਵਿਗਿਆਨੀ ਨੇ ਕਿਹਾ ਹੈ ਕਿ ਕੋਰੋਨਾ ਵਾਇਰਸ ਲਾਗ ਦੇ ਹਵਾ ਵਿਚ ਫੈਲਣ ਸਬੰਧੀ 200 ਤੋਂ ਵੱਧ ਵਿਗਿਆਨੀਆਂ ਦੇ ਦਾਅਵੇ ਤੋਂ ਘਬਰਾਉਣ ਦੀ ਲੋੜ ਨਹੀਂ।

CoronavirusCoronavirus

ਉਨ੍ਹਾਂ ਇਹ ਵੀ ਕਿਹਾ ਕਿ ਇਸ ਅਧਿਐਨ ਵਿਚ ਸਿਰਫ਼ ਇਹ ਦੱਸਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਕਿ ਇਹ ਵਾਇਰਸ ਹਵਾ ਵਿਚ ਕੁੱਝ ਸਮੇਂ ਤਕ ਰਹਿ ਸਕਦਾ ਹੈ ਅਤੇ ਇਸ ਦਾ ਇਹ ਮਤਲਬ ਨਹੀਂ ਕਿ ਵਾਇਰਸ ਹਰ ਜਗ੍ਹਾ ਪਹੁੰਚ ਰਿਹਾ ਹੈ ਅਤੇ ਹਰ ਕਿਸੇ ਨੂੰ ਬੀਮਾਰ ਕਰ ਰਿਹਾ ਹੈ।

Corona VirusCorona Virus

ਸੈਂਟਰ ਫ਼ਾਰ ਸੈਲੂਲਰ ਐਂਡ ਮਾਲੀਕਿਊਲਰ ਬਾਇਉਲੋਜੀ  ਦੇ ਨਿਰਦੇਸ਼ਕ ਰਾਕੇਸ਼ ਮਿਸ਼ਰਾ ਨੇ ਕਿਹਾ ਕਿ ਇਸ ਦਾ ਮਤਲਬ ਇਹ ਹੈ ਕਿ ਲੋਕਾਂ ਨੂੰ ਜ਼ਿਆਦਾ ਸਮੇਂ ਤਕ ਮੂੰਹ ਢੱਕ ਕੇ ਰਖਣਾ ਚਾਹੀਦਾ ਹੈ ਅਤੇ ਵਾਇਰਸ ਤੋਂ ਬਚਣ ਲਈ ਇਕ ਦੂਜੇ ਤੋਂ ਦੂਰੀ ਰਖਣੀ ਚਾਹੀਦੀ ਹੈ।

Corona VirusCorona Virus

ਉਨ੍ਹਾਂ ਕਿਹਾ ਕਿ 239 ਵਿਗਿਆਨੀਆਂ ਨੇ ਸੰਸਾਰ ਸਿਹਤ ਸੰਸਥਾ ਨੂੰ ਚਿੱਠੀ ਭੇਜ ਕੇ ਕਿਹਾ ਹੈ ਕਿ ਇਸ ਗੱਲ ਦੇ ਸਬੂਤ ਹਨ ਕਿ ਕੋਰਨਾ ਵਾਇਰਸ ਹਵਾ ਵਿਚ ਫੈਲ ਰਿਹਾ ਹੈ ਅਤੇ ਇਹ ਦੋ ਖੋਜ ਪੱਤਰਾਂ 'ਤੇ ਆਧਾਰਤ ਹੈ। ਮਿਸ਼ਰਾ ਨੇ ਕਿਹਾ, 'ਇਹ ਚੰਗੇ ਅਧਿਐਨ ਹਨ ਜਿਨ੍ਹਾਂ ਦੇ ਆਧਾਰ 'ਤੇ ਸਿਹਤ ਸੰਸਥਾ ਨਾਲ ਵਿਚਾਰ ਵਟਾਂਦਰਾ ਕੀਤਾ ਜਾ ਰਿਹਾ ਹੈ।'

corona viruscorona virus

ਉਨ੍ਹਾਂ ਕਿਹਾ ਕਿ ਵਿਗਿਆਨੀਆਂ ਦੇ ਅਧਿਐਨ ਮੁਤਾਬਕ ਇਹ ਵਾਇਰਸ ਪੰਜ ਮਾਈਕਰੋਨ ਤੋਂ ਘੱਟ ਆਕਾਰ ਦੇ ਛਿੱਟਿਆਂ ਵਿਚ ਹਵਾ ਵਿਚ ਇਧਰ-ਉਧਰ ਜਾ ਸਕਦਾ ਹੈ ਅਤੇ ਇਸ ਦਾ ਮਤਲਬ ਇਹ ਹੋਇਆ ਕਿ ਵੱਡੇ ਛਿੱÎਟਿਆਂ ਦੇ ਰੂਪ ਵਿਚ ਇਹ ਕੁੱਝ ਹੀ ਮਿੰਟਾਂ ਤਕ ਹਵਾ ਵਿਚ ਰਹੇਗਾ। ਉਨ੍ਹਾਂ ਕਿਹਾ ਕਿ ਜਦ ਕੋਈ ਵਿਅਕਤੀ ਬੋਲਦਾ ਹੈ ਜਾਂ ਸਾਹ ਲੈਂਦਾ ਹੈ ਤਾਂ ਛੋਟੀਆਂ ਬੂੰਦਾਂ ਛਡਦਾ ਹੈ ਅਤੇ ਇਹ ਕੁੱਝ ਸਮੇਂ ਲਈ ਹਵਾ ਵਿਚ ਰਹਿਣਗੀਆਂ। ਉਨ੍ਹਾਂ ਕਿਹਾ ਕਿ ਅਜਿਹੀ ਗੱਲ ਨਹੀਂ ਕਿ ਵਾਇਰਸ ਹਰ ਥਾਂ ਉਡ ਰਿਹਾ ਹੈ ਅਤੇ ਸਾਰਿਆਂ ਨੂੰ ਬੀਮਾਰ ਕਰ ਦੇਵੇਗਾ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ ।

Location: India, Delhi, New Delhi
Advertisement
Advertisement

 

Advertisement