ਦੇਸ਼ ਵਿਚ ਜਲਦ ਹੀ ਪਹਿਲੀ ਵਾਰ ਕਿਸੇ ਨਦੀ ਦੇ ਹੇਠੋਂ ਮੈਟਰੋ ਟਰੇਨ ਗੁਜ਼ਰੇਗੀ।
ਨਵੀਂ ਦਿੱਲੀ: ਦੇਸ਼ ਵਿਚ ਜਲਦ ਹੀ ਪਹਿਲੀ ਵਾਰ ਕਿਸੇ ਨਦੀ ਦੇ ਹੇਠੋਂ ਮੈਟਰੋ ਟਰੇਨ ਗੁਜ਼ਰੇਗੀ। ਕੋਲਕਾਤਾ ਦੀ ਹੁਗਲੀ ਨਦੀ ਦੇ ਹੇਠੋਂ ਇਹ ਟਰੇਨ ਗੁਜ਼ਰੇਗੀ, ਜਿਸ ਦਾ ਕੰਮ ਲਗਭਗ ਪੂਰਾ ਹੋ ਚੁੱਕਾ ਹੈ ਅਤੇ ਜਲਦ ਹੀ ਇਸ ਦੀ ਸ਼ੁਰੂਆਤ ਹੋ ਜਾਵੇਗੀ। ਇਹ ਸੁਰੰਗ 520 ਮੀਟਰ ਲੰਬੀ ਅਤੇ ਲਗਭਗ 30 ਮੀਟਰ ਡੂੰਗੀ ਹੈ। ਨਦੀ ਦੇ ਹੇਠੋਂ ਹੋ ਕੇ ਜਾਣ ਵਾਲੀ ਮੈਟਰੋ ਨੂੰ ਇਹ ਸੁਰੰਗ ਪਾਰ ਕਰਨ ਵਿਚ ਕੁੱਲ 60 ਸੈਕਿੰਡ ਦਾ ਸਮਾਂ ਲੱਗੇਗਾ।
ਰੇਲ ਮੰਤਰੀ ਪੀਊਸ਼ ਗੋਇਲ ਨੇ ਇਕ ਵੀਡੀਓ ਟਵੀਟ ਕੀਤੀ ਹੈ ਅਤੇ ਦੱਸਿਆ ਹੈ ਕਿ ਜਲਦ ਹੀ ਇਹ ਟਰੇਨ ਚੱਲੇਗੀ। ਪੀਊਸ਼ ਗੋਇਲ ਨੇ ਵੀਡੀਓ ਟਵੀਟ ਕਰਦੇ ਹੋਏ ਲਿਖਿਆ ਹੈ ਕਿ, ‘ਭਾਰਤ ਦੀ ਪਹਿਲੀ ਅੰਡਰ ਵਾਟਰ ਟਰੇਨ ਜਲਦ ਹੀ ਕੋਲਕਾਤਾ ਵਿਚ ਹੁਗਲੀ ਨਦੀਂ ਦੇ ਹੇਠੋਂ ਚੱਲਣੀ ਸ਼ੁਰੂ ਹੋਵੇਗੀ। ਸ਼ਾਨਦਾਰ ਇੰਜੀਨੀਅਰਿੰਗ ਦੀ ਉਦਾਹਰਣ ਇਹ ਟਰੇਨ ਦੇਸ਼ ਵਿਚ ਲਗਾਤਾਰ ਹੋ ਰਹੇ ਵਿਕਾਸ ਦਾ ਪ੍ਰਤੀਕ ਹੈ। ਇਸ ਦੇ ਬਣਨ ਨਾਲ ਕੋਲਕਾਤਾ ਵਾਸੀਆਂ ਨੂੰ ਸਹੂਲਤਾਂ ਅਤੇ ਦੇਸ਼ ਨੂੰ ਮਾਣ ਮਹਿਸੂਸ ਹੋਵੇਗਾ’।
भारत की पहली अंडर वॉटर ट्रेन शीघ्र ही कोलकाता में हुगली नदी के नीचे चलना आरंभ होगी। उत्कृष्ट इंजीनियरिंग का उदाहरण यह ट्रेन देश में निरंतर हो रही रेलवे की प्रगति का प्रतीक है।
— Piyush Goyal (@PiyushGoyal) August 8, 2019
इसके बनने से कोलकाता निवासियों को सुविधा, और देश को गर्व का अनुभव होगा। pic.twitter.com/MDzj42s5XZ
ਵੀਡੀਓ ਵਿਚ ਦੱਸਿਆ ਗਿਆ ਹੈ ਕਿ ਪਹਿਲੀ ਅੰਡਰ ਵਾਟਰ ਕੋਲਕਾਤਾ ਮੈਟਰੋ ਸਾਲਟ ਲੇਕ ਸੈਕਟਰ ਤੋਂ ਹਾਵੜਾ ਮੈਦਾਨ ਤੱਕ ਯਾਤਰਾ ਕਰਨ ਲਈ ਤਕਰੀਬਨ ਤਿਆਰ ਹੈ। 2 ਫੇਜ਼ਾਂ ਵਿਚ ਵੰਡੀ ਇਸ ਲਾਈਨ ਵਿਚ ਫੈਜ਼ 1 ਨੂੰ ਜਲਦ ਹੀ ਆਮ ਲੋਕਾਂ ਲਈ ਚਾਲੂ ਕਰ ਦਿੱਤਾ ਜਾਵੇਗਾ। ਕੋਲਕਾਤਾ ਵਾਸੀਆਂ ਲਈ ਇਹ ਬੇਹੱਦ ਰਾਹਤ ਵਾਲਾ ਕਦਮ ਹੈ।
ਅੰਡਰ ਵਾਟਰ ਟਰੇਨ ਨੂੰ ਪਾਣੀ ਤੋਂ ਬਚਾਉਣ ਲਈ ਚਾਰ ਉੱਚ ਪੱਧਰੀ ਸੁਰੱਖਿਆ ਕਵਚ ਲਗਾਏ ਗਏ ਹਨ। ਇਹ 520 ਮੀਟਰ ਲੰਬੀ ਦੋਹਰੀ ਸੁਰੰਗ ਹੈ, ਜਿਸ ਵਿਚ ਇਕ ਪੂਰਬ ਵੱਲ ਜਦਕਿ ਦੂਜੀ ਪੱਛਮ ਵੱਲ ਜਾਣ ਵਾਲੀ ਹੈ। ਇਸ ਦਾ ਨਿਰਮਾਣ ਨਦੀ ਦੇ ਤਲ ਤੋਂ 30 ਮੀਟਰ ਹੇਠਾਂ ਕੀਤਾ ਗਿਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।