ਅਦਾਲਤਾਂ 'ਚ 'ਟਾਈਮ ਮਸ਼ੀਨ' ਹੈ ਜਿਥੇ ਬੰਦੇ ਮਰ ਜਾਂਦੇ ਹਨ, ਫ਼ੈਸਲੇ ਨਹੀਂ ਹੁੰਦੇ: ਬੰਬਈ ਹਾਈ ਕੋਰਟ

ਏਜੰਸੀ | Edited by : ਕਮਲਜੀਤ ਕੌਰ
Published Sep 8, 2019, 8:17 am IST
Updated Sep 8, 2019, 12:58 pm IST
ਬੰਬਈ ਹਾਈ ਕੋਰਟ ਨੇ ਕਿਹਾ ਕਿ ਅਜਿਹਾ ਲਗਦਾ ਹੈ ਜਿਵੇਂ ਅਦਾਲਤਾਂ 'ਚ 'ਟਾਈਮ ਮਸ਼ੀਨ' ਹੈ ਜਿੱਥੇ ਮਾਮਲੇ ਅਣਮਿੱਥੇ ਸਮੇਂ ਤਕ ਚਲਦੇ ਰਹਿੰਦੇ ਹਨ।
Bombay High Court
 Bombay High Court

ਮੁੰਬਈ : ਭਾਰਤੀ ਅਦਾਲਤਾਂ 'ਚ ਮੁਕੱਦਮਿਆਂ ਨੂੰ ਖ਼ਤਮ ਹੋਣ 'ਚ ਕਾਫ਼ੀ ਜ਼ਿਆਦਾ ਸਮਾਂ ਲੱਗਣ ਦਾ ਜ਼ਿਕਰ ਕਰਦਿਆਂ ਬੰਬਈ ਹਾਈ ਕੋਰਟ ਨੇ ਕਿਹਾ ਕਿ ਅਜਿਹਾ ਲਗਦਾ ਹੈ ਜਿਵੇਂ ਅਦਾਲਤਾਂ 'ਚ 'ਟਾਈਮ ਮਸ਼ੀਨ' ਹੈ ਜਿੱਥੇ ਮਾਮਲੇ ਅਣਮਿੱਥੇ ਸਮੇਂ ਤਕ ਚਲਦੇ ਰਹਿੰਦੇ ਹਨ। ਕਿਰਾਇਆ ਕਿਰਾਇਆ ਕੰਟਰੋਲ ਨਾਲ ਸਬੰਧਤ ਇਕ ਮਾਮਲੇ 'ਚ ਅਦਾਲਤ ਨੇ ਸ਼ੁਕਰਵਾਰ ਨੂੰ ਕਿਹਾ ਕਿ ਇਹ ਮੁਕੱਦਮਾ 1986 'ਚ ਸ਼ੁਰੂ ਹੋਇਆ ਸੀ। ਇਸ ਤੋਂ ਬਾਅਦ ਕਈ ਅਪੀਲਾਂ, ਬਿਨੈ ਅਤੇ ਦਰਖ਼ਾਸਤਾਂ ਦਾਇਰ ਹੋਈਆਂ ਪਰ ਮਾਮਲਾ ਫਿਰ ਵੀ ਨਹੀਂ ਸੁਲਝਿਆ, ਜਦਕਿ ਅਸਲ ਮਕਾਨ ਮਾਲਕ ਅਤੇ ਕਿਰਾਏਦਾਰ ਹੁਣ ਜਿਊਂਦੇ ਨਹੀਂ ਰਹੇ।

Bombay High CourtBombay High Court

Advertisement

ਜਸਟਿਸ ਦਾਮਾ ਐਸ. ਨਾਇਡੂ ਨੇ ਕਿਹਾ ਕਿ ਕਈ ਮਾਮਲਿਆਂ 'ਚ ਦੋਹਾਂ ਧਿਰਾਂ ਦੇ ਪੱਖਕਾਰਾਂ ਦੀ ਮੌਤ ਹੋ ਜਾਂਦੀ ਹੈ ਪਰ ਮੁਕੱਦਮੇਬਾਜ਼ੀ ਬਾਅਦ ਦੀਆਂ ਪੀੜ੍ਹੀਆਂ ਵਲੋਂ ਕੀਤੀ ਜਾਂਦੀ ਹੈ। ਸ਼ਹਿਰ ਵਾਸੀ ਰੁਕਮਣੀ ਬਾਈ ਵਲੋਂ ਇਹ ਅਪੀਲ ਦਾਇਰ ਕੀਤੀ ਗਈ ਸੀ। ਅਪੀਲ 'ਚ ਉਸ ਨੇ ਅਪਣੀ ਜਾਇਦਾਦ 'ਚੋਂ ਕੁੱਝ ਕਿਰਾਏਦਾਰਾਂ ਨੂੰ ਬਾਹਰ ਕੀਤੇ ਜਾਣ ਦੀ ਅਪੀਲ ਕੀਤੀ ਸੀ। ਮਾਮਲੇ ਦੌਰਾਨ ਉਸ ਦੀ ਮੌਤ ਹੋ ਗਈ ਅਤੇ ਉਸ ਦੇ ਵਾਰਿਸਾਂ ਨੇ ਇਸ ਮਾਮਲੇ ਨੂੰ ਸੰਭਾਲ ਲਿਆ। 

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।

Advertisement

 

Advertisement
Advertisement