ਬੈਨਰਜੀ ਨੇ ਰਾਨੀਗੰਜ ’ਚ ਜਨਸਭਾ ’ਚ ਦੋਸ਼ ਲਗਾਇਆ, ‘‘ਭਾਜਪਾ ਝੂਠ ਫੈਲਾਉਣ ’ਚ ਸ਼ਾਮਲ ਹੈ।
ਰਾਨੀਗੰਜ (ਪਛਮੀ ਬੰਗਾਲ) : ਸਿਲੀਗੁੜੀ ’ਚ ਪ੍ਰਦਰਸ਼ਨ ਮਾਰਚ ਦੌਰਾਨ ਭਾਜਪਾ ਦੇ ਇਕ ਵਰਕਰ ਦੀ ਮੌਤ ਦੇ ਇਕ ਦਿਨ ਬਾਅਦ ਪਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਮੰਗਲਵਾਰ ਨੂੰ ਦਾਅਵਾ ਕੀਤਾ ਕਿ ਭਗਵਾ ਪਾਰਟੀ ਆਪਣੀਆਂ ਰੈਲੀਆਂ ’ਚ ਲੋਕਾਂ ਨੂੰ ਮਾਰ ਰਹੀ ਹੈ। ਭਾਜਪਾ ਨੇ ਪਾਰਟੀ ਵਰਕਰ ਉਲੇਨ ਰਾਏ ਦੇ ਕਤਲ ਦੇ ਵਿਰੋਧ ’ਚ ਅਤੇ ਉੱਤਰ ਬੰਗਾਲ ’ਚ ਸੂਬਾ ਸਕੱਤਰੇਤ ‘ਉਤਰਕੰਨਿਆ’ ਤਕ ਸੋਮਵਾਰ ਦੇ ਮਾਰਚ ਦੌਰਾਨ ਪੁਿਲਸ ਦੀ ਕਾਰਵਾਈ ਨੂੰ ਲੈ ਕੇ ਮੰਗਲਵਾਰ 12 ਘੰਟੇ ਦੇ ਬੰਦ ਦੀ ਅਪੀਲ ਕੀਤੀ ਸੀ।
ਬੈਨਰਜੀ ਨੇ ਰਾਨੀਗੰਜ ’ਚ ਜਨਸਭਾ ’ਚ ਦੋਸ਼ ਲਗਾਇਆ,‘‘ਭਾਜਪਾ ਝੂਠ ਫੈਲਾਉਣ ’ਚ ਸ਼ਾਮਲ ਹੈ। ਉਹ ਲੋਕਾਂ ਦੇ ਕਤਲ ਕਰਵਾ ਰਹੀ ਹੈ। ਉਹ ਧਰਨਾ, ਰੈਲੀ ਕਰ ਕੇ ਲੋਕਾਂ ਦੇ ਕਤਲ ਕਰਵਾ ਰਹੀ ਹੈ।’ ’ਬੈਨਰਜੀ ਨੇ ਕਿਹਾ ਕਿ ਤਿ੍ਰਣਮੂਲ ਕਾਂਗਰਸ ਭਾਜਪਾ ਦੀ ਅਗਵਾਈ ਵਾਲੀ ਕੇਂਦਰ ਸਰਕਾਰ ਨੂੰ ਸਰਕਾਰੀ ਕੰਟਰੋਲ ਵਾਲੀਆਂ ਕੋਲ ਖਾਨਾਂ ਨੂੰ ਵੇਚਣ ਦੀ ਮਨਜ਼ੂਰੀ ਨਹੀਂ ਦੇਵੇਗੀ।
ਉਨ੍ਹਾਂ ਕਿਹਾ, ‘‘ਕੋਲਾ ਮਾਫ਼ੀਆ ਭਗਵਾ ਪਾਰਟੀ ਦੀ ਸੁਰੱਖਿਆ ’ਚ ਵੱਧ ਰਹੇ ਹਨ।’’ ਮੁੱਖ ਮੰਤਰੀ ਨੇ ਕਿਹਾ, ‘‘ਮੈਂ ਪੇਸ਼ਕਸ਼ ਕੀਤੀ ਸੀ ਕਿ ਗ਼ੈਰ ਕਾਨੂੰਨੀ ਖਾਨਾਂ (ਕੋਲਾ) ਨੂੰ ਕੇਂਦਰ ਅਤੇ ਸੂਬੇ ਨਾਲ ਮਿਲ ਕੇ ਕਾਨੂੰਨੀ ਮਨਜ਼ੂਰੀ ਦੇਣ। ਹਾਲਾਂਕਿ ਕੇਂਦਰ ਸਰਕਾਰ ਨੇ ਇਸ ’ਤੇ ਕੋਈ ਜਵਾਬ ਨਹੀਂ ਦਿਤਾ।’’