Advertisement

ਕੇਂਦਰੀ ਮੰਤਰੀ ਦੀ ਸਲਾਹ : ਸੋਨੀਆ ਜੀ ਅਪਣੇ ਪੱਪੂ ਜੀ ਨੂੰ ਰਾਜਸੀ ਪਲੇਅ ਸਕੂਲ ਵਿਚ ਭੇਜਣ!

ਏਜੰਸੀ
Published Feb 9, 2020, 9:45 pm IST
Updated Feb 9, 2020, 9:45 pm IST
ਸਿਆਸਤ ਦੀ ਏਬੀਸੀਡੀ, ਸ਼ਾਲੀਨਤਾ ਅਤੇ ਭਾਸ਼ਾ ਦੇ ਸੰਸਕਾਰ ਸਿੱਖਣ ਦਾ ਦਿਤਾ ਸੁਝਾਅ
file photo
 file photo

ਇੰਦੌਰ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵਿਰੁਧ ਸੀਨੀਅਰ ਕਾਂਗਰਸ ਆਗੂ ਰਾਹੁਲ ਗਾਂਧੀ ਦੇ 'ਡੰਡਾ' ਵਾਲੇ ਵਿਵਾਦਮਈ ਬਿਆਨ ਸਬੰਧੀ ਕੇਂਦਰੀ ਘੱਟਗਿਣਤੀ ਮੰਤਰੀ ਮੁਖ਼ਤਾਰ ਅੱਬਾਸ ਨਕਵੀ ਨੇ ਵਿਅੰਗ ਕਸਦਿਆਂ ਕਿਹਾ ਕਿ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਨੂੰ ਅਪਣੇ 49 ਸਾਲਾ ਪੁੱਤਰ ਨੂੰ ਰਾਜਨੀਤਕ ਪਲੇਅ ਸਕੂਲ ਵਿਚ ਭੇਜਣਾ ਚਾਹੀਦਾ ਹੈ ਤਾਕਿ ਉਹ ਭਾਸ਼ਾ ਦੇ ਸੰਸਕਾਰ ਸਿੱਖ ਸਕੇ।

PhotoPhoto

ਇਥੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ, 'ਕਾਂਗਰਸ ਦੇ ਨੇਤਾ ਅਪਣੇ ਹੱਥ ਵਿਚ ਕੁਹਾੜੀ ਲੈ ਕੇ ਘੁੰਮਦੇ ਹਨ ਅਤੇ ਮੌਕਾ ਮਿਲਦਿਆਂ ਹੀ ਇਸ ਨੂੰ ਅਪਣੇ ਪੈਰ 'ਤੇ ਮਾਰ ਦਿੰਦੇ ਹਨ। ਮੈਂ ਕਾਂਗਰਸ ਦੇ ਲੋਕਾਂ ਖ਼ਾਸਕਰ ਸੋਨੀਆ ਗਾਂਧੀ ਨੂੰ ਸਲਾਹ ਦਿੰਦਾ ਹਾਂ ਕਿ ਉਹ ਅਪਣੇ ਪੱਪੂ ਜੀ ਨੂੰ ਕਿਸੇ ਰਾਜਸੀ ਪਲੇਅ ਸਕੂਲ ਵਿਚ ਭੇਜਣ ਤਾਕਿ ਉਹ ਸਿਆਸਤ ਦੀ ਏਬੀਸੀਡੀ, ਸ਼ਾਲੀਨਤਾ ਅਤੇ ਭਾਸ਼ਾ ਦੇ ਸੰਸਕਾਰ ਸਿੱਖ ਸਕਣ।'

PhotoPhoto

ਉਨ੍ਹਾਂ ਰਾਹੁਲ ਦੀ ਆਲੋਚਨਾ ਕਰਦਿਆਂ ਕਿਹਾ, 'ਲੋਕਾਂ ਦੇ ਚੁਣੇ ਪ੍ਰਧਾਨ ਮੰਤਰੀ ਨੂੰ ਡੰਡਾ ਮਾਰੇ ਜਾਣ ਦੀ ਗੱਲ ਆਮ ਮਾਨਸਿਕ ਸੰਤੁਲਨ ਵਾਲਾ ਕੋਈ ਵੀ ਵਿਅਕਤੀ ਨਹੀਂ ਕਹਿ ਸਕਦਾ।'

PhotoPhoto

ਦਿੱਲੀ ਵਿਧਾਨ ਸਭਾ ਚੋਣਾਂ ਦੇ ਐਗਜ਼ਿਟ ਪੋਲਾਂ ਵਿਚ ਸੱਤਾਧਿਰ ਆਮ ਆਦਮੀ ਪਾਰਟੀ ਦੀ ਸਰਕਾਰ ਵਿਚ ਆਸਾਨ ਵਾਪਸੀ ਦੇ ਅਨੁਮਾਨ ਬਾਰੇ ਨਕਵੀ ਨੇ ਕਿਹਾ, 'ਅਸੀਂ ਐਗਜ਼ਿਟ ਪੋਲਾਂ ਦੇ ਰੁਝਾਨਾਂ ਬਾਰੇ ਭਲਾ ਕੀ ਟਿਪਣੀ ਕਰੀਏ? ਚੋਣ ਨਤੀਜੇ ਆਉਣ ਦਿਉ।'

PhotoPhoto

ਘੱਟਗਿਣਤੀ ਮੰਤਰੀ ਨੇ ਕਿਹਾ ਕਿ ਜੰਮੂ ਕਸ਼ਮੀਰ ਦੀ ਧਾਰਾ 370 ਖ਼ਤਮ ਕੀਤੇ ਜਾਣ, ਤਿੰਨ ਤਲਾਕ ਪ੍ਰਥਾ ਵਿਰੋਧੀ ਕਾਨੂੰਨ ਅਤੇ ਸੀਏਏ ਦੇ ਮੁੱਦੇ ਰਾਸ਼ਟਰ ਦੇ ਸਰੋਕਾਰਾਂ ਅਤੇ ਹਿਤਾਂ ਨਾਲ ਜੁੜੇ ਹਨ। ਇਨ੍ਹਾਂ ਮੁੱਦਿਆਂ ਨੂੰ ਮਾੜੀ ਰਾਜਨੀਤੀ ਅਤੇ ਦਿੱਲੀ ਵਿਧਾਨ ਸਭਾ ਚੋਣਾਂ ਦੇ ਆਗਾਮੀ ਨਤੀਜਿਆਂ ਨਾਲ ਜੋੜ ਕੇ ਨਹੀਂ ਵੇਖਿਆ ਜਾਣਾ ਚਾਹੀਦਾ।

Advertisement
Advertisement