ਭਾਰਤ ਦੀ ਪੰਜਾਬ ਨੈਸ਼ਨਲ ਬੈਂਕ ਨੂੰ 13 ਹਜ਼ਾਰ ਕਰੋੜ ਦਾ ਚੂਨਾ ਲਗਾ ਵਿਦੇਸ਼ ਫਰਾਰ ਹੋਏ ਨੀਰਵ ਮੋਦੀ ਨੂੰ ਵਿਸ਼ੇਸ਼ ਅਦਾਲਤ ਵੱਲੋਂ ਵੱਡਾ ਝਟਕਾ ਦਿੱਤਾ ਗਿਆ ਹੈ।
ਮੁੰਬਈ : ਭਾਰਤ ਦੀ ਪੰਜਾਬ ਨੈਸ਼ਨਲ ਬੈਂਕ ਨੂੰ 13 ਹਜ਼ਾਰ ਕਰੋੜ ਦਾ ਚੂਨਾ ਲਗਾ ਵਿਦੇਸ਼ ਫਰਾਰ ਹੋਏ ਨੀਰਵ ਮੋਦੀ ਨੂੰ ਵਿਸ਼ੇਸ਼ ਅਦਾਲਤ ਵੱਲੋਂ ਵੱਡਾ ਝਟਕਾ ਦਿੱਤਾ ਗਿਆ ਹੈ। ਇਸ ਵਿਚ ਹੁਣ ਪੀਐਮਐਲਏ ਦੀ ਅਦਾਲਤ ਨੇ ਸਰਕਾਰ ਨੂੰ ਮਨੀ ਲਾਂਡਰਿੰਗ ਦੇ ਕੇਸ ਵਿਚ ਨੀਰਵ ਮੋਦੀ ਦੀ ਸਾਰੀ ਜਾਇਦਾਦ ਜਬਤ ਕਰਨ ਦੇ ਆਦੇਸ਼ ਦੇ ਦਿੱਤੇ ਹਨ। ਜ਼ਿਕਰਯੋਗ ਹੈ ਕਿ ਇਹ ਆਦੇਸ਼ ਆਰਥਿਕ ਅਪਰਾਧੀ ਭਗੋੜਾ ਐਕਟ ਦੇ ਤਹਿਤ ਦਿੱਤਾ ਹੈ।
Nirav Modi
ਉਧਰ ਅਦਾਲਤ ਵਿਚ ਨੀਰਵ ਮੋਦੀ ਦੀ ਜਾਇਦਾਦ ਬਾਰੇ ਇਨਫੋਰਸਮੈਂਟ ਡਾਇਰੈਕਟੋਰੇਟ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ, ਨੀਰਵ ਮੋਦੀ ਦੀ ਮੁੰਬਈ, ਦਿੱਲੀ, ਜੈਪੁਰ, ਅਲੀਬਾਗ, ਸੂਰਤ ਵਿਚ ਜਾਇਦਾਦ ਹੈ। ਹੁਣ ਲਗਭਗ 1400 ਕਰੋੜ ਦੀ ਜ਼ਾਇਦਾਦ ਤੇ ਭਾਰਤ ਸਰਕਾਰ ਦਾ ਅਧਿਕਾਰ ਹੋਵੇਗਾ। ਦੱਸ ਦੱਈਏ ਕਿ ਨੀਰਵ ਮੋਦੀ ਦੇ ਮੁੰਬਈ ਦੇ ਵਰਲੀ ਵਿਚ ਸਮੁੰਦਰ ਮਹਿਲ ਨਾਮਕ ਇਕ ਇਮਾਰਤ ਵਿਚ ਛੇ ਆਪਾਰਟਮੈਂਟ ਹਨ।
Nirav Modi
ਹਰੇਕ ਅਪਾਰਟਮੈਂਟ ਦੀ ਕੀਮਤ ਲਗਭਗ 100 ਕਰੋੜ ਹੈ। ਇਸ ਅਪਾਰਟਮੈਂਟ ਵਿਚ ਨੀਰਵ ਮੋਦੀ ਫਰਾਰ ਹੋਣ ਤੋਂ ਪਹਿਲਾਂ ਆਪਣੇ ਪਰਿਵਾਰ ਨਾਲ ਰਹਿੰਦਾ ਸੀ। ਇਸ ਤੋਂ ਇਲਾਵਾ ਨੀਰਵ ਮੋਦੀ ਕੋਲ ਕਰੋੜਾਂ ਰੁਪਏ ਦੇ ਗਹਿਣੇ ਅਤੇ ਵੱਡੀ ਰਕਮ ਸੀ ਜੋ ਜ਼ਬਤ ਕਰ ਲਈ ਜਾਵੇਗੀ। ਇਨਫੋਰਸਮੈਂਟ ਡਾਇਰੈਕਟੋਰੇਟ ਵੱਲੋਂ ਅਦਾਲਤ ਵਿਚ ਨੀਰਵ ਮੋਦੀ ਦੀ ਜਾਇਦਾਦ ਬਾਰੇ ਦਿੱਤੀ ਗਈ ਜਾਣਕਾਰੀ ਮੁਤਾਬਿਕ,
Nirav Modi
ਮੁੰਬਈ ਦੀ ਸੈਸ਼ਨ ਕੋਰਟ ਦੇ ਨੇੜੇ ਕਾਲਾਘੋੜਾ ਖੇਤਰ ਵਿਚ ਨੀਰਵ ਮੋਦੀ ਦੇ 3500 ਵਰਗ ਫੁੱਟ ਰਿਦਮ ਹਾਊਸ ਦੇ ਨਾਮ ਤੇ ਇਕ ਵੰਡਾ ਸੰਗੀਤ ਸਟੋਰ ਹੈ। ਬ੍ਰੈਚ ਕੈਂਡੀ ਰੋਡ ਨੇੜੇ ਦੱਖਣੀ ਮੁੰਬਈ ਚ ਪੇਡਰ ਰੋਡ ਤੇ ਜਾਇਦਾਦ ਦੀ ਇਕ ਉਚੀ ਇਮਾਰਤ ਚ ਇਕ ਫਲੈਟ ਹੈ, ਜੋ ਜ਼ਬਤ ਕਰ ਲਿਆ ਜਾਵੇਗਾ। ਇਸ ਦੇ ਨਾਲ ਹੀ ਮੁੰਬਈ ਦੇ ਓਪੇਰਾ ਹਾਊਸ ਵਿਚ 3 ਫਲੈਟ ਵੀ ਹਨ।
Nirav Modi
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
