ਹਲਕਾ ਅਮੇਠੀ ਅਤੇ ਗੌਰੀਗੰਜ ਜ਼ਿਲ੍ਹੇ ਦੇ ਸਾਰੇ ਥਾਣਾ ਖੇਤਰਾਂ ਵਿਚ ਲੋੜੀਂਦੇ ਅਪਰਾਧੀਆਂ ਦੀ ਗ੍ਰਿਫ਼ਤਾਰੀ ਦੇ ਲਈ ਸਨਿਚਰਵਾਰ ਰਾਤ ਸਾਢੇ 10 ਵਜੇ ਤੋਂ ਦੋ ...
ਗੌਰੀਗੰਜ : ਹਲਕਾ ਅਮੇਠੀ ਅਤੇ ਗੌਰੀਗੰਜ ਜ਼ਿਲ੍ਹੇ ਦੇ ਸਾਰੇ ਥਾਣਾ ਖੇਤਰਾਂ ਵਿਚ ਲੋੜੀਂਦੇ ਅਪਰਾਧੀਆਂ ਦੀ ਗ੍ਰਿਫ਼ਤਾਰੀ ਦੇ ਲਈ ਸਨਿਚਰਵਾਰ ਰਾਤ ਸਾਢੇ 10 ਵਜੇ ਤੋਂ ਦੋ ਵਜੇ ਤਕ ਵਿਸ਼ੇਸ਼ ਮੁਹਿੰਮ 'ਅਪਰੇਸ਼ਨ ਆਲ ਆਊਟ' ਚਲਾਇਆ ਗਿਆ। ਰਾਤ ਭਰ ਚੱਲੀ ਛਾਪੇਮਾਰੀ ਵਿਚ ਹੱÎਤਆ, ਬਲਵਾ, ਦਹੇਜ ਹੱਤਿਆ ਸਮੇਤ ਹੋਰ ਮਾਮਲਿਆਂ ਵਿਚ ਲੋੜੀਂਦੇ ਕੁੱਲ 61 ਅਪਰਾਧੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ। ਇਸ ਦੌਰਾਨ ਅਮੇਠੀ ਥਾਣਾ ਖੇਤਰ ਵਿਚ ਸਭ ਤੋਂ ਜ਼ਿਆਦਾ 13 ਤਾਂ ਬਜ਼ਾਰ ਸ਼ੁਕੁਲ ਅਤੇ ਪੀਪਰਪੁਰ ਥਾਣਾ ਖੇਤਰ ਵਿਚ ਮਹਿਜ਼ ਇਕ-ਇਕ ਗ੍ਰਿਫ਼ਤਾਰੀ ਹੋ ਸਕੀ।
ਸ਼ਾਸਨ ਦੇ ਆਦੇਸ਼ ਅਤੇ ਐਸਪੀ ਕੁੰਤਲ ਕਿਸ਼ੋਰ ਦੇ ਨਿਰਦੇਸ਼ 'ਤੇ ਇਨ੍ਹੀਂ ਦਿਨੀਂ ਪੂਰੇ ਜ਼ਿਲ੍ਹੇ ਵਿਚ ਅਪਰਾਧੀਆਂ ਦੇ ਵਿਰੁਧ ਡੂੰਘਾਈ ਨਾਲ ਮੁਹਿੰਮ 'ਅਪਰੇਸ਼ਨ ਆਲ ਆਊਟ' ਚਲਾਈ ਜਾ ਰਹੀ ਹੈ। ਵਿਸ਼ੇਸ਼ ਮੁਹਿੰਮ ਦਾ ਸਮਾਂ ਰਾਤ 10:30 ਵਜੇ ਤੋਂ 2 ਵਜੇ ਤਕ ਰਖਿਆ ਗਿਆ। ਅਪਰੇਸ਼ਨ ਦੌਰਾਨ ਸਾਰੇ ਥਾਣਾ ਮੁਖੀਆਂ ਤੋਂ ਇਲਾਵਾ ਹਲਕੇ ਦੇ ਉਚ ਪੁਲਿਸ ਅਧਿਕਾਰੀ ਅਤੇ ਸਿਪਾਹੀ ਤਕ ਸਰਗਰਮ ਰਹੇ।
ਏਐਸਪੀ ਬੀਸੀ ਦੂਬੇ ਤੋਂ ਇਲਾਵਾ ਦੋ-ਦੋ ਸੀਓ ਸਰਕਲ ਦਾ ਕੰਮ ਦੇਖ ਰਹੇ ਸੀਓ ਸੂਖ਼ਮ ਪ੍ਰਕਾਸ਼ ਅਤੇ ਪਿਊਸ਼ ਕਾਂਤ ਰਾਏ ਵੀ ਖੇਤਰ ਵਿਚ ਨਿਕਲੇ। ਸਾਢੇ ਤਿੰਨ ਘੰਟੇ ਤਕ ਚੱਲੇ ਅਪਰੇਸ਼ਨ ਦੌਰਾਨ ਕੋਤਵਾਲੀ ਅਮੇਠੀ ਵਿਚ 11 ਵਾਰੰਟੀ ਅਤੇ ਸ਼ਾਂਤੀ ਭੰਗ ਦੇ ਦੋ, ਮੁਸਾਫ਼ਰਖ਼ਾਨਾ ਵਿਚ ਹੱਤਿਆ ਦਾ ਇਕ, ਬਲਵਾ ਦੇ ਤਿੰਨ, ਐਸਟੀਐਸਟੀ ਦੇ ਤਿੰਨ ਅਤੇ ਹੋਰ ਮੁਕੱਦਮਿਆਂ ਵਿਚ ਲੋੜੀਂਦੇ ਅਪਰਾਧੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ।
ਮੁਨਸ਼ੀ ਗੰਜ ਪੁਲਿਸ ਨੇ ਲੁੱਟ ਸਮੇਤ ਸੱਤ ਹੋਰ ਗੌਰੀਗੰਜ ਪੁਲਿਸ ਨੇ ਤਿੰਨ ਲੋੜੀਂਦੇ ਅਪਰਾਧੀ, ਜਾਮੋ, ਜਗਦੀਸ਼ਪੁਰ, ਜਾਇਸ ਅਤੇ ਸੰਗਰਾਮਪੁਰ ਪੁਲਿਸ ਨੇ ਤਿੰਨ-ਤਿੰਨ ਲੋੜੀਂਦੇ, ਪੀਪਰਪੁਰ ਅਤੇ ਬਾਜ਼ਾਰ ਸ਼ੁਕੁਲ ਪੁਲਿਸ ਨੇ ਇਕ-ਇਕ ਲੋੜੀਂਦਾ ਅਪਰਾਧੀ, ਮੋਹਨਗੰਜ ਪੁਲਿਸ ਨੇ ਸੱਤ, ਫੁਰਸਤਗੰਜ ਪੁਲਿਸ ਨੇ ਛੇ ਤਾਂ ਸ਼ਿਵਰਤਨਗੰਜ ਨੇ ਦੋ ਲੋੜੀਂਦੇ ਅਪਰਾਧੀਆਂ ਨੂੰ ਗ੍ਰਿਫ਼ਤਾਰ ਕੀਤਾ।
ਐਤਵਾਰ ਦੁਪਹਿਰ 12 ਵਜੇ ਐਸਪੀ ਦੂਬੇ ਅਤੇ ਸੀਓ ਅਮੇਠੀ ਪਿਊਸ਼ ਕਾਂਤ ਰਾਏ ਨੇ ਪੁਲਿਸ ਦਫ਼ਤਰ ਹਾਲ ਵਿਚ ਪ੍ਰੈੱਸ ਕਾਨਫਰੰਸ ਕੀਤੀ। ਏਐਸਪੀ ਨੇ ਕਿਹਾ ਕਿ ਜਿਨ੍ਹਾਂ ਥਾਣਿਆਂ ਨੇ ਬਹੁਤ ਘੱਟ ਲੋੜੀਂਦੇ ਅਪਰਾਧੀਆਂ ਨੂੰ ਫੜਿਆ ਹੈ, ਉਨ੍ਹਾਂ ਨੂੰ ਚਿਤਾਵਨੀ ਪੱਤਰ ਜਾਰੀ ਕਰ ਕੇ ਜਵਾਬ ਮੰਗਿਆ ਜਾਵੇਗਾ।