ਹਾਈਕੋਰਟ ਦੇ ਹੁਕਮ ਉੱਤੇ ਹਟਾਏ ਜਾ ਰਹੀ ਮੁਹਿੰਮ ਦੀ ਮਾਰ ਸਭ ਤੋਂ ਜ਼ਿਆਦਾ ਕਰਨਪੁਰ ਅਤੇ ਰਾਏਪੁਰ ਬਜ਼ਾਰ ਉੱਤੇ ਪਈ
ਦੇਹਰਾਦੂਨ, (ਏਜੰਸੀ), ਹਾਈਕੋਰਟ ਦੇ ਹੁਕਮ ਉੱਤੇ ਹਟਾਏ ਜਾ ਰਹੀ ਮੁਹਿੰਮ ਦੀ ਮਾਰ ਸਭ ਤੋਂ ਜ਼ਿਆਦਾ ਕਰਨਪੁਰ ਅਤੇ ਰਾਏਪੁਰ ਬਜ਼ਾਰ ਉੱਤੇ ਪਈ। ਇੱਥੇ ਸੜਕ ਦੇ ਦੋਵੇਂ ਪਾਸੇ ਅਜਿਹੀ ਕੋਈ ਦੁਕਾਨ ਨਹੀਂ ਬਚੀ, ਜਿਸ ਉੱਤੇ ਹਥੌੜਾ ਨਾ ਚੱਲਿਆ ਹੋਵੇ। ਡੀਏਵੀ, ਡੀਬੀਐਸ ਕਾਲਜ ਸਮੇਤ ਪ੍ਰਤੀਯੋਗੀ ਪਰੀਖਿਆਵਾਂ ਦੀ ਤਿਆਰੀ ਦਾ ਕੇਂਦਰ ਕਰਨਪੁਰ ਬਜ਼ਾਰ ਦੇ ਕਬਜ਼ੇ ਬੁਰੀ ਤਰਾਂ ਵਿਗਾੜ ਦਿੱਤੇ ਗਏ। ਸਰਵੇ ਚੌਕ ਤੋਂ ਮਹੇਸ਼ਵਰੀ ਸਵੀਟ ਸ਼ਾਪ ਤੱਕ ਬਜ਼ਾਰ ਦੀ ਅਜਿਹੀ ਕੋਈ ਦੁਕਾਨ, ਘਰ ਅਤੇ ਦੂਜੀ ਕੋਈ ਜਗ੍ਹਾ ਨਹੀਂ, ਜੋ ਢਾਏ ਨਾ ਗਏ ਹੋਣ।
ਰਾਏਪੁਰ ਰੋੜ ਚੂਨਾ ਭੱਠਾ ਵਿਚ ਨੋਟਿਸ ਅਤੇ ਲਾਲ ਨਿਸ਼ਾਨ ਤੋਂ ਬਾਅਦ ਵੀ ਲੋਕਾਂ ਨੇ ਕਬਜ਼ੇ ਨਹੀਂ ਹਟਾਏ ਗਏ। ਇੱਥੇ ਟਾਸਕ ਫੋਰਸ ਨੇ ਇਕੱਠੇ ਪੰਜ ਜੇਸੀਬੀ ਮੰਗਵਾਉਂਦੇ ਹੋਏ ਸੜਕ ਕੰਡੇ ਨਾਜਾਇਜ਼ ਕਬਜ਼ਿਆਂ ਵਾਲੀਆਂ ਦੁਕਾਨਾਂ ਨੂੰ ਮਿਟੀ 'ਚ ਮਿਲਾ ਦਿੱਤਾ।
ਰਾਏਪੁਰ ਰੋੜ ਵਿਚ ਦੋ ਦਿਨ ਤੱਕ ਨਾਜਾਇਜ਼ ਕਬਜ਼ੇ ਹਟਾਉਣ ਦੀ ਪ੍ਰਸ਼ਾਸ਼ਨਿਕ ਕਾਰਵਾਈ ਢਿੱਲੀ ਪੈਣ ਉੱਤੇ ਲੋਕਾਂ ਨੇ ਦੁਬਾਰਾ ਸੜਕਾਂ ਉੱਤੇ ਦੁਕਾਨਾਂ ਦਾ ਸਾਮਾਨ ਸਜਾ ਦਿੱਤਾ ਸੀ। ਨਾਜਾਇਜ਼ ਕਬਜ਼ੇ ਹਟਾਉਣ ਲਈ ਦੁਬਾਰਾ ਟੀਮ ਪਹੁੰਚੀ ਤਾਂ ਲੋਕਾਂ ਨੇ ਕਾਹਲੀ ਕਾਹਲੀ ਵਿਚ ਸਮਾਨ ਹਟਾਇਆ। ਇਸ ਉੱਤੇ ਐਸਡੀਐਮ ਨੇ ਅਜਿਹੇ ਲੋਕਾਂ ਨੂੰ ਮਾਰਕ ਕਰ ਕੇ ਮੁਕੱਦਮਾ ਦਰਜ ਕਰਨ ਦੇ ਨਿਰਦੇਸ਼ ਦਿੱਤਾ। ਕਬਜ਼ਾ ਹਟਾਓ ਮੁਹਿੰਮ ਦੇ ਤਹਿਤ ਸ਼ਨੀਵਾਰ ਨੂੰ ਚਕਰਾਉਂਦਾ ਰੋਡ ਦੇ ਛੇ ਕਬਜ਼ੇ ਹਟਾਏ ਗਏ। ਪ੍ਰਭਾਤ ਸਿਨੇਮਾ ਤੋਂ ਕਬਜ਼ਾ ਹਟਾਓ ਮੁਹਿੰਮ ਚਲਾਇਆ ਗਿਆ, ਜਿੱਥੇ ਕਬਜ਼ੇ ਅੰਦਰ ਆ ਰਹੀਆਂ ਦੋ ਦੁਕਾਨਾਂ ਸਮੇਤ ਛੇ ਹੋਰ ਕਬਜ਼ੇ ਹਟਾਏ ਗਏ।
ਸੜਕ ਦੇ ਕਿਨਾਰੀਆਂ ਦੇ ਘਰਾਂ ਅਤੇ ਦੁਕਾਨਾਂ ਦੇ ਲੋਕਾਂ ਨੇ ਪ੍ਰਸ਼ਾਸਨ ਦੀ ਟੀਮ ਆਉਣ ਤੋਂ ਪਹਿਲਾਂ ਹੀ ਕਬਜ਼ੇ ਵਾਲਿਆਂ ਦੀਵਾਰਾਂ ਨੂੰ ਤੋੜਨਾ ਸ਼ੁਰੂ ਕਰ ਦਿੱਤਾ ਸੀ। ਚਕਰਾਉਂਦਾ ਰੋੜ ਸਥਿਤ ਲੂਥਰਾ ਨਰਸਿੰਗ ਹੋਮ ਦੀ ਦੀਵਾਰ ਨੂੰ ਵੀ ਹਟਾਇਆ ਗਿਆ। ਜਮੁਨਾ ਕਲੋਨੀ ਚੌਕ ਦੇ ਕੋਲ ਬਣੀਆਂ ਦੁਕਾਨਾਂ ਨੂੰ ਦੁਕਾਨਦਾਰਾਂ ਨੇ ਅਪਣੇ ਆਪ ਹੀ ਤੋੜਨਾ ਸ਼ੁਰੂ ਕਰ ਦਿੱਤਾ। ਸ਼ਨੀਵਾਰ ਨੂੰ ਚਕਰਾਉਂਦਾ ਰੋੜ ਉੱਤੇ ਕੈਂਟ ਬੋਰਡ ਦੀ ਟੀਮ ਨੇ ਅਪਣੀ ਦੀਵਾਰ ਦੀ ਮਿਣਤੀ ਕੀਤੀ। ਬਿੰਦਾਲ ਪੁਲ ਦੇ ਕੋਲ ਬਣੇ ਕੁਕਰੇਜਾ ਰੇਸਟੋਰੇਂਟ ਉੱਤੇ ਕੋਈ ਕਾਰਵਾਈ ਨਹੀਂ ਹੋਣ ਉੱਤੇ ਸਥਾਨਕ ਲੋਕਾਂ ਨੇ ਸਵਾਲ ਖੜ੍ਹੇ ਕੀਤੇ ਹਨ।
ਐਸਡੀਐਮ ਮਿਨਾਕਸ਼ੀ ਪਟਵਾਲ ਦਾ ਕਹਿਣਾ ਹੈ ਕਿ ਕੁਕਰੇਜਾ ਰੇਸਟੋਰੇਂਟ ਦੀ ਦੁਬਾਰਾ ਤੋਂ ਜਾਂਚ ਕਾਰਵਾਈ ਜਾਵੇਗੀ। ਹਾਈਕੋਰਟ ਦੇ ਆਦੇਸ਼ ਉੱਤੇ ਚਲਾਈ ਜਾ ਰਹੀ ਮੁਹਿੰਮ ਦੇ ਤਹਿਤ ਸ਼ਨੀਵਾਰ ਨੂੰ ਸ਼ਹਿਰ ਦੇ ਚਾਰ ਜ਼ੋਨ ਵਿਚ 144 ਕਬਜ਼ੇ ਹਟਾਏ ਗਏ। ਇਸ ਦੌਰਾਨ ਕਰਨਪੁਰ ਬਜ਼ਾਰ ਅਤੇ ਰਾਏਪੁਰ ਵਿਚ ਸੜਕ ਤੱਕ ਫੈਲੀਆਂ 70 ਤੋਂ ਜ਼ਿਆਦਾ ਦੁਕਾਨਾਂ ਉੱਤੇ ਕਾਰਵਾਈ ਕੀਤੀ ਗਈ। ਇਸ ਤੋਂ ਇਲਾਵਾ ਹਰਦੁਆਰ ਰੋੜ ਉੱਤੇ ਅਰਾਮਘਰ ਚੌਕ ਤੋਂ ਪ੍ਰਿੰਸ ਚੌਕ ਦੇ ਵਿਚ ਕਈ ਬਾਉਂਡਰੀਵਾਲ ਤੋੜੀਆਂ ਗਈਆਂ।