Advertisement
  ਖ਼ਬਰਾਂ   ਰਾਸ਼ਟਰੀ  09 Jul 2020  ਜ਼ਿਆਦਾ ਅਬਾਦੀ ਦੇ ਬਾਵਜੂਦ ਭਾਰਤ ਵਿਚ ਹਾਲਾਤ ਬਿਹਤਰ- ਸਿਹਤ ਮੰਤਰਾਲਾ

ਜ਼ਿਆਦਾ ਅਬਾਦੀ ਦੇ ਬਾਵਜੂਦ ਭਾਰਤ ਵਿਚ ਹਾਲਾਤ ਬਿਹਤਰ- ਸਿਹਤ ਮੰਤਰਾਲਾ

ਏਜੰਸੀ
Published Jul 9, 2020, 5:10 pm IST
Updated Jul 9, 2020, 5:10 pm IST
ਦੇਸ਼ ਵਿਚ ਕੋਰੋਨਾ ਵਾਇਰਸ ਦੇ ਮੌਜੂਦਾ ਹਾਲਾਤਾਂ ਨੂੰ ਲੈ ਕੇ ਵੀਰਵਾਰ ਨੂੰ ਸਿਹਤ ਮੰਤਰਾਲੇ ਨੇ ਪ੍ਰੈੱਸ ਕਾਨਫਰੰਸ ਕੀਤੀ।
Corona virus
 Corona virus

ਨਵੀਂ ਦਿੱਲੀ: ਦੇਸ਼ ਵਿਚ ਕੋਰੋਨਾ ਵਾਇਰਸ ਦੇ ਮੌਜੂਦਾ ਹਾਲਾਤਾਂ ਨੂੰ ਲੈ ਕੇ ਵੀਰਵਾਰ ਨੂੰ ਸਿਹਤ ਮੰਤਰਾਲੇ ਨੇ ਪ੍ਰੈੱਸ ਕਾਨਫਰੰਸ ਕੀਤੀ। ਮੰਤਰਾਲੇ ਨੇ ਕਿਹਾ ਕਿ ਅਬਾਦੀ ਦੇ ਅਧਾਰ ‘ਤੇ ਭਾਰਤ ਦੁਨੀਆ ਦਾ ਦੂਜਾ ਸਭ ਤੋਂ ਵੱਡਾ ਦੇਸ਼ ਹੈ। ਇੰਨੀ ਵੱਡੀ ਗਿਣਤੀ ਹੋਣ ਦੇ ਬਾਵਜੂਦ ਅਸੀਂ ਕੋਰੋਨਾ ‘ਤੇ ਸੰਤੁਸ਼ਟੀ ਵਾਲਾ ਕੰਮ ਕੀਤਾ ਹੈ। ਅਬਾਦੀ ਦੇ ਹਿਸਾਬ ਨਾਲ ਦੇਖਿਆ ਜਾਵੇ ਤਾਂ ਕੋਰੋਨਾ ਨੂੰ ਲੈ ਕੇ ਭਾਰਤ ਦੁਨੀਆ ਦੇ ਹੋਰ ਦੇਸ਼ਾਂ ਦੀ ਤੁਲਨਾ ਵਿਚ ਸਭ ਤੋਂ ਹੇਠਾਂ ਹੈ।

health ministryHealth ministry

ਸਿਹਤ ਮੰਤਰਾਲੇ ਨੇ ਕਿਹਾ ਕਿ ਪ੍ਰਤੀ 10 ਲੱਖ ਅਬਾਦੀ ਦੇ ਹਿਸਾਬ ਨਾਲ ਅੱਜ 538 ਮਾਮਲੇ ਹਨ। ਅਬਾਦੀ ਨੂੰ ਧਿਆਨ ਵਿਚ ਰੱਖਦੇ ਹੋਏ ਕਈ ਦੇਸ਼ਾਂ ਵਿਚ ਤਾਂ ਭਾਰਤ ਤੋਂ 16-17 ਗੁਣਾ ਜ਼ਿਆਦਾ ਮਾਮਲੇ ਹਨ। ਭਾਰਤ ਵਿਚ ਮੌਤ ਦਰ ਵੀ ਕਾਫੀ ਘੱਟ ਹੈ। ਮੰਤਰਾਲੇ ਨੇ ਕਿਹਾ ਕਿ ਦੇਸ਼ ਵਿਚ ਪ੍ਰਤੀ 10 ਲੱਖ ਜਨਸੰਖਿਆ ‘ਤੇ 15 ਮੌਤਾਂ ਹਨ।

Corona virusCorona virus

ਉੱਥੇ ਹੀ ਕੁਝ ਅਜਿਹੇ ਦੇਸ਼ ਹਨ, ਜਿੱਥੇ ਭਾਰਤ ਨਾਲੋਂ 40 ਗੁਣਾ ਮੌਤਾਂ ਹਨ। ਭਾਰਤ ਵਿਚ ਠੀਕ ਹੋਣ ਵਾਲੇ ਮਰੀਜਾਂ ਦੀ ਗਿਣਤੀ ਵਧ ਰਹੀ ਹੈ।  ਅੱਜ ਦੇਸ਼ ਵਿਚ ਕੋਰੋਨਾ ਦੇ 2,69,000 ਐਕਟਿਵ ਕੇਸ ਹਨ, ਜਦਕਿ 4,76,378 ਲੋਕ ਠੀਕ ਹੋ ਚੁੱਕੇ ਹਨ। ਕੋਰੋਨਾ ਨਾਲ 15 ਤੋਂ 29 ਸਾਲ ਦੇ ਉਮਰ ਦੇ ਲੋਕਾਂ ਦੀ ਮੌਤ ਦੀ ਗੱਲ ਕਰੀਏ ਤਾਂ ਸਿਰਫ ਤਿੰਨ ਫੀਸਦੀ ਹੈ। ਜਦਕਿ 30 ਤੋਂ 44 ਸਾਲ ਦੀ ਉਮਰ ਵਿਚ 11 ਫੀਸਦੀ ਮੌਤਾਂ ਹੋਈਆਂ ਹਨ।

Corona VirusCorona Virus

ਸਿਹਤ ਮੰਤਰਾਲੇ ਦੇ ਸਕੱਤਰ ਰਾਜੇਸ਼ ਭੂਸ਼ਣ ਨੇ ਕਿਹਾ ਕਿ ਕੋਰੋਨਾ ਵਾਇਰਸ ਨਾਲ ਹੋਣ ਵਾਲੀਆਂ ਮੌਤਾਂ ਵਿਚ 60 ਤੋਂ 74 ਸਾਲ ਵਾਲਿਆਂ ਦੀ ਗਿਣਤੀ ਜ਼ਿਆਦਾ ਹੈ। 45 ਤੋਂ 75 ਸਾਲ ਵਾਲੇ ਜ਼ਿਆਦਾ ਚਪੇਟ ਵਿਚ ਆਏ ਹਨ ਅਤੇ ਇਸੇ ਵਰਗ ਵਿਚ ਮਰਨ ਵਾਲਿਆਂ ਦੀ ਗਿਣਤੀ ਵੀ ਜ਼ਿਆਦਾ ਰਹੀ ਹੈ।

Covid 19Covid 19

ਉੱਥੇ ਹੀ ਇੰਡੀਅਨ ਕੌਂਸਲ ਆਫ ਮੈਡੀਕਲ ਰਿਸਰਚ ਨੇ ਕਿਹਾ ਕਿ ਦੇਸ਼ ਵਿਚ ਲੈਬਾਂ ਦੀ ਗਿਣਤੀ ਵਧਾਉਣ ਦੀ ਕੋਸ਼ਿਸ਼ ਜਾਰੀ ਹੈ।  ਇਸ ਸਮੇਂ ਦੇਸ਼ ਵਿਚ 1132 ਲੈਬ ਓਪਰੇਸ਼ਨ ਹਨ। ਕਈ ਲੈਬ ਪਾਈਪਲਾਈਨ ਵਿਚ ਹਨ। ਆਈਸੀਐਮਆਰ ਵੱਲੋਂ ਕਿਹਾ ਗਿਆ ਹੈ ਕਿ ਹਰ ਦਿਨ ਔਸਤਨ 2.6 ਲੱਖ ਟੈਸਟਿੰਗ ਹੋ ਰਹੀ ਹੈ।

Location: India, Delhi, New Delhi
Advertisement
Advertisement

 

Advertisement