ਦੇਸ਼ 'ਚ ਔਰਤਾਂ ਯੋਨ ਸ਼ੋਸ਼ਣ ਦੇ ਮਾਮਲੇ ਰੁਕਣ ਦਾ ਨਾਮ ਨਹੀਂ ਲੈ ਰਹੇ ਹਨ। ਅਜਿਹੇ 'ਚ ਹੈਦਰਾਬਾਦ ਦੇ 23 ਸਾਲਾਂ ਨੌਜਵਾਨ ਨੇ ਇੱਕ 'ਸਮਾਰਟ' ਚੂੜੀ....
ਨਵੀਂ ਦਿੱਲੀ : ਦੇਸ਼ 'ਚ ਔਰਤਾਂ ਯੋਨ ਸ਼ੋਸ਼ਣ ਦੇ ਮਾਮਲੇ ਰੁਕਣ ਦਾ ਨਾਮ ਨਹੀਂ ਲੈ ਰਹੇ ਹਨ। ਅਜਿਹੇ 'ਚ ਹੈਦਰਾਬਾਦ ਦੇ 23 ਸਾਲਾਂ ਨੌਜਵਾਨ ਨੇ ਇੱਕ 'ਸਮਾਰਟ' ਚੂੜੀ ਦੀ ਮਦਦ ਨਾਲ ਮਹਿਲਾਵਾਂ ਦੀ ਰਾਖੀ ਕਰਨ ਦੀ ਇੱਕ ਨਿਵੇਕਲੀ ਕਾਢ ਕੱਢੀ ਹੈ। ਗਾਦੀ ਹਰੀਸ਼ ਨਾਂਅ ਦੇ ਇਸ ਨੌਜਵਾਨ ਨੇ ਆਪਣੇ ਇੱਕ ਦੋਸਤ ਸਾਈ ਤੇਜਾ ਨਾਲ ਮਿਲ ਕੇ ਇੱਕ ਅਜਿਹੀ ਸਮਾਰਟ ਚੂੜੀ ਬਣਾਈ ਹੈ।
youth made a smart bangle for the safety of women
ਜੋ ਖ਼ਤਰੇ ਦੀ ਹਾਲਤ ਵਿੱਚ ਹਮਲਾਵਰ ਨੂੰ ਬਿਜਲੀ ਦਾ ਝਟਕਾ ਮਾਰੇਗੀ ਤੇ ਤੁਰੰਤ ਉਸ ਕੁੜੀ ਜਾਂ ਔਰਤ ਦੇ ਰਿਸ਼ਤੇਦਾਰਾਂ ਅਤੇ ਪੁਲਿਸ ਨੂੰ ਇੱਕ ਐੱਸਐੱਮਐੱਸ ਰਾਹੀਂ ਸੁਨੇਹਾ ਵੀ ਭੇਜੇਗੀ। ਬਿਲਕੁਲ ਚੂੜੀ ਦੀ ਸ਼ਕਲ ਦਾ ਇਹ ਵਿਸ਼ੇਸ਼ ਉਪਕਰਣ ਉਦੋਂ ਐਕਟੀਵੇਟ ਹੋਵੇਗਾ, ਜਦੋਂ ਔਰਤ ਆਪਣੀ ਬਾਂਹ ਨੂੰ ਇੱਕ ਖ਼ਾਸ ਕੋਣ ਉੱਤੇ ਮੋੜੇਗੀ। ਜੇ ਕੋਈ ਹਮਲਾਵਰ ਔਰਤ ਦੀ ਬਾਂਹ ਫੜੇਗਾ, ਤਾਂ ਉਸ ਹਮਲਾਵਰ ਨੂੰ ਤੁਰੰਤ ਬਿਜਲੀ ਦਾ ਝਟਕਾ ਲੱਗੇਗਾ ਤੇ ਸਾਰੀਆਂ ਲੋੜੀਂਦੀਆਂ ਥਾਵਾਂ ਉੱਤੇ ਅਲਰਟ ਮੈਸੇਜ ਪੁੱਜ ਜਾਣਗੇ।
youth made a smart bangle for the safety of women
ਲਾਗਲੇ ਪੁਲਿਸ ਥਾਣਿਆਂ ਉੱਤੇ ਇਹ ਆਪਣੇ–ਆਪ ਪੁੱਜ ਜਾਣਗੇ। ਗਾਦੀ ਹਰੀਸ਼ ਨੇ ਦੱਸਿਆ ਕਿ ਬਾਜ਼ਾਰ ਵਿੱਚ ਅਜਿਹੇ ਹੋਰ ਬਹੁਤ ਸਾਰੇ ਉਪਕਰਣ ਤੇ ਯੰਤਰ ਉਪਲਬਧ ਹਨ ਪਰ ਇਹ ਯੰਤਰ ਹੋਰਨਾਂ ਸਭ ਤੋਂ ਵੱਖ ਹੈ। ਉਸ ਨੇ ਕਿਹਾ ਕਿ ਅੱਜ ਕੱਲ੍ਹ ਔਰਤਾਂ ਪ੍ਰਤੀ ਅਪਰਾਧ ਬਹੁਤ ਜ਼ਿਆਦਾ ਵਧਦੇ ਜਾ ਰਹੇ ਹਨ। ਇਸ ਲਈ ਅਜਿਹੇ ਉਪਕਰਣਾਂ, ਯੰਤਰਾਂ ਭਾਵ ਗੈਜੇਟਸ ਦੀ ਜ਼ਰੂਰਤ ਵੀ ਵਧਦੀ ਜਾ ਰਹੀ ਹੈ। ਹਰੀਸ਼ ਨੇ ਕਿਹਾ ਕਿ ਉਸ ਨੂੰ ਇਹ ਪ੍ਰੋਜੈਕਟ ਮੁਕੰਮਲ ਕਰਨ ਲਈ ਸਰਕਾਰੀ ਸਹਾਇਤਾ ਦੀ ਲੋੜ ਹੈ।
