ਜਲੰਧਰ ਦੇ ਬਿਸ਼ਪ ਫਰੈਂਕੋ ਮੁਲੱਕਲ ਵਿਰੁਧ ਬਲਾਤਕਾਰ ਦਾ ਇਲਜ਼ਾਮ ਲਗਾਉਣ ਵਾਲੀ ਨਨ ਨੂੰ ਲੈ ਕੇ ਇਕ ਵਿਧਾਇਕ ਨੇ ਵਿਵਾਦਿਤ ਅਤੇ ਸ਼ਰਮਨਾਕ ਬਿਆਨ ਦਿਤਾ ਹੈ। ਬਿਸ਼ਪ 'ਤੇ...
ਨਵੀਂ ਦਿੱਲੀ : ਜਲੰਧਰ ਦੇ ਬਿਸ਼ਪ ਫਰੈਂਕੋ ਮੁਲੱਕਲ ਵਿਰੁਧ ਬਲਾਤਕਾਰ ਦਾ ਇਲਜ਼ਾਮ ਲਗਾਉਣ ਵਾਲੀ ਨਨ ਨੂੰ ਲੈ ਕੇ ਇਕ ਵਿਧਾਇਕ ਨੇ ਵਿਵਾਦਿਤ ਅਤੇ ਸ਼ਰਮਨਾਕ ਬਿਆਨ ਦਿਤਾ ਹੈ। ਬਿਸ਼ਪ 'ਤੇ ਬਲਾਤਕਾਰ ਦਾ ਇਲਜ਼ਾਮ ਲਗਾਉਣ ਵਾਲੀ ਨਨ ਦੇ ਦੋਸ਼ਾਂ 'ਤੇ ਹੀ ਕੇਰਲ ਦੇ ਅਜ਼ਾਦ ਵਿਧਾਇਕ ਪੀਸੀ ਜਾਰਜ ਨੇ ਸਵਾਲ ਖੜੇ ਕਰ ਦਿਤੇ ਅਤੇ ਇਕ ਵਿਵਾਦਿਤ ਬਿਆਨ ਵੀ ਦਿਤਾ। ਇੰਨਾ ਹੀ ਨਹੀਂ, ਵਿਧਾਇਕ ਨੇ ਪੀੜਿਤਾ ਨਨ ਨੂੰ ਵੇਸਵਾ ਤਕ ਕਹਿ ਦਿਤਾ। ਦਰਅਸਲ, ਇਕ ਨਨ ਨੇ ਜੂਨ ਵਿਚ ਇਲਜ਼ਾਮ ਲਗਾਇਆ ਸੀ ਕਿ ਮੁਲੱਕਲ ਨੇ ਕੇਰਲ ਦੇ ਨੇੜੇ ਕੋੱਟਾਇਮ ਦੇ ਇਕ ਕਾਨਵੈਂਟ ਵਿਚ ਸਾਲ 2014 ਤੋਂ 2016 'ਚ ਉਸ ਦੇ ਨਾਲ ਯੋਨ ਸ਼ੋਸ਼ਨ ਕੀਤਾ।
No one has doubt that the nun is a prostitute. 12 times she enjoyed it and the 13th time it is rape? Why didn't she complain the first time?: PC George, Kerala MLA (Independent) on the nun who levelled rape allegations against Jalandhar Bishop Franco Mulackal. pic.twitter.com/Br2sxyhVgX
— ANI (@ANI) 8 September 2018
ਜਲੰਧਰ ਦੇ ਬਿਸ਼ਪ ਫਰੈਂਕੋ ਮੁਲੱਕਲ ਵਿਰੁਧ ਬਲਾਤਕਾਰ ਦਾ ਇਲਜ਼ਾਮ ਲਗਾਉਣ ਵਾਲੀ ਨਨ ਨੂੰ ਲੈ ਕੇ ਕੇਰਲ ਦੇ ਅਜ਼ਾਦ ਵਿਧਾਇਕ ਪੀਸੀ ਜਾਰਜ ਨੇ ਕਿਹਾ ਇਸ ਵਿਚ ਕਿਸੇ ਨੂੰ ਕੋਈ ਸ਼ੱਕ ਨਹੀਂ ਕਿ ਨਨ ਵੇਸਵਾ ਹੈ। 12 ਵਾਰ ਉਸ ਨੇ ਮਜੇ ਲਈ ਅਤੇ 13ਵੀਂ ਵਾਰ ਇਹ ਬਲਾਤਕਾਰ ਹੋ ਗਿਆ ? ਜਦੋਂ ਉਸ ਨਾਲ ਪਹਿਲੀ ਵਾਰ ਬਲਾਤਕਾਰ ਹੋਇਆ ਤਾਂ ਉਸ ਨੇ ਪਹਿਲੀ ਵਾਰ ਹੀ ਸ਼ਿਕਾਇਤ ਕਿਉਂ ਨਹੀਂ ਕੀਤੀ ?
ਦੱਸ ਦਈਏ ਕਿ ਵੱਖਰੇ ਕੈਥੋਲੀਕ ਸੁਧਾਰ ਸੰਗਠਨਾਂ ਦੇ ਮੈਬਰਾਂ ਨੇ ਸ਼ਨਿਚਰਵਾਰ ਨੂੰ ਇਥੇ ਸੜਕਾਂ 'ਤੇ ਉਤਰ ਕੇ ਇਕ ਰੋਮਨ ਕੈਥੋਲੀਕ ਗਿਰਜਾ ਘਰ ਦੇ ਬਿਸ਼ਪ ਵਿਰੁਧ ਇਕ ਨਨ ਵਲੋਂ ਦਰਜ ਬਲਾਤਕਾਰ ਦੀ ਸ਼ਿਕਾਇਤ ਦੀ ਜਾਂਚ ਵਿਚ ਪੁਲਿਸ ਤੋਂ ਕਥਿਤ ਤੌਰ 'ਤੇ ਕਮਜ਼ੋਰੀ ਵਰਤੇ ਜਾਣ ਵਿਰੁਧ ਪ੍ਰਦਰਸ਼ਨ ਕੀਤਾ। ਕੋੱਟਾਇਮ ਦੇ ਕਾਨਵੈਂਟ ਦੀ ਪੰਜ ਨਨਾਂ ਨੇ ਵੀ ਪ੍ਰਦਰਸ਼ਨ ਵਿਚ ਹਿੱਸਾ ਲਿਆ। ਉਨ੍ਹਾਂ ਨੇ ਇਲਜ਼ਾਮ ਲਗਾਇਆ ਕਿ ਗਿਰਜਾ ਘਰ, ਪੁਲਿਸ ਅਤੇ ਸਰਕਾਰ ਨੇ ਜਲੰਧਰ ਡਾਇਓਸਿਸ ਦੇ ਆਰੋਪੀ ਬਿਸ਼ਪ ਫਰੈਂਕੋ ਮੁਲੱਕਲ ਵਿਰੁਧ ਕੋਈ ਕਾਰਵਾਈ ਨਹੀਂ ਕਰਕੇ ਪੀੜਤਾ ਨੂੰ ਨਿਆਂ ਤੋਂ ਵਾਂਝਾ ਕੀਤਾ ਹੈ।
ਬਿਸ਼ਪ ਫਰੈਂਕੋ ਦੀ ਗ੍ਰਿਫ਼ਤਾਰੀ ਦੀ ਮੰਗ ਵਾਲੀ ਤਖਤੀਆਂ ਲਈ ਪ੍ਰਦਰਸ਼ਨਕਾਰੀ ਇਕ ਨਨ ਨੇ ਕਿਹਾ ਕਿ ਅਸੀਂ ਅਪਣੀ ਸਿਸਟਰ ਲਈ ਲੜ ਰਹੇ ਹਾਂ। ਉਸ ਨੂੰ ਗਿਰਜਾ ਘਰ, ਸਰਕਾਰ ਅਤੇ ਪੁਲਿਸ ਤੋਂ ਨਿਆਂ ਨਹੀਂ ਮਿਲਿਆ ਹੈ। ਅਸੀਂ ਅਪਣੀ ਸਿਸਟਰ ਨੂੰ ਨਿਆਂ ਦਿਵਾਉਣ ਲਈ ਕਿਸੇ ਵੀ ਹੱਦ ਤੱਕ ਜਾਣ ਲਈ ਤਿਆਰ ਹਾਂ। ਉਨ੍ਹਾਂ ਨੇ ਕਿਹਾ ਕਿ ਬਿਸ਼ਪ ਫਰੈਂਕੋ ਵਿਰੁਧ ਸਮਰਥ ਸਬੂਤ ਹੋਣ ਤੋਂ ਬਾਅਦ ਵੀ ਉਨ੍ਹਾਂ ਨੂੰ ਕਿਉਂ ਗ੍ਰਿਫ਼ਤਾਰ ਨਹੀਂ ਕੀਤਾ ਗਿਆ। ਉਨ੍ਹਾਂ ਨੇ ਇਸ ਮਾਮਲੇ ਵਿਚ ਗਿਰਜਾ ਘਰ ਦੇ ਰਵੱਈਏ 'ਤੇ ਵੀ ਸਵਾਲ ਚੁੱਕਿਆ।