ਸੀਮਾ ਪਾਰ ਤੋਂ ਭਾਰਤੀ ਸੈਨਿਕਾਂ ਉਤੇ ਸਨਾਇਪਰ ਰਾਇਫਲਾਂ ਨਾਲ ਹਮਲੀਆਂ.......
ਨਵੀਂ ਦਿੱਲੀ : ਸੀਮਾ ਪਾਰ ਤੋਂ ਭਾਰਤੀ ਸੈਨਿਕਾਂ ਉਤੇ ਸਨਾਇਪਰ ਰਾਇਫਲਾਂ ਨਾਲ ਹਮਲੀਆਂ ਤੋਂ ਬਾਅਦ ਹੁਣ ਭਾਰਤੀ ਫ਼ੌਜ ਵੀ ਅਪਣੇ ਸੈਨਿਕਾਂ ਨੂੰ ਸਨਾਇਪਰ ਰਾਇਫਲਾਂ ਨਾਲ ਲੈਸ ਕਰਨ ਜਾ ਰਹੀ ਹੈ। ਫ਼ੌਜ ਪ੍ਰਧਾਨ ਜਨਰਲ ਬਿਪਿਨ ਰਾਵਤ ਨੇ ਵੀਰਵਾਰ ਨੂੰ ਕਿਹਾ ਕਿ 20 ਜਨਵਰੀ ਨੂੰ ਭਾਰਤੀ ਫ਼ੌਜ ਦੀ ਉੱਤਰੀ ਕਮਾਨ ਨੂੰ ਨਵੀਂ ਸਨਾਇਪਰ ਰਾਇਫਲਾਂ ਦਿਤੀਆਂ ਜਾਣਗੀਆਂ।
Bipin Rawat
ਜਨਰਲ ਰਾਵਤ ਨੇ ਵੀਰਵਾਰ ਨੂੰ ਦਿੱਲੀ ਵਿਚ ਸਾਲਾਨਾ ਪ੍ਰੈਸ ਕਾਂਨਫਰੰਸ ਨੂੰ ਸੰਬੋਧਿਤ ਕਰਦੇ ਹੋਏ ਇਹ ਜਾਣਕਾਰੀ ਦਿਤੀ ਹੈ। ਬੀਤੇ ਅਕਤੂਬਰ ਵਿਚ ਕੁੱਝ ਅਜਿਹੀ ਰਿਪੋਰਟਸ ਆਈ ਸੀ ਕਿ ਭਾਰਤੀ ਸੈਨਿਕਾਂ ਉਤੇ ਸੀਮਾਪਾਰ ਤੋਂ ਸਨਾਇਪਰ ਰਾਇਫਲਾਂ ਦੇ ਨਾਲ ਹਮਲੇ ਕੀਤੇ ਜਾ ਰਹੇ ਹਨ, ਇਸ ਤਰ੍ਹਾਂ ਦੀ ਰਿਪੋਰਟਸ ਵੀ ਸੀ ਕਿ ਜੰਮੂ-ਕਸ਼ਮੀਰ ਵਿਚ ਅਤਿਵਾਦੀ ਵੀ ਫੌਜ ਉਤੇ ਹਮਲਾ ਕਰਨ ਲਈ ਸਨਾਇਪਰ ਰਾਇਫਲਾਂ ਦਾ ਇਸਤੇਮਾਲ ਕਰ ਰਹੇ ਹਨ।
Bipin Rawat
ਇਸੇ ਤਰ੍ਹਾਂ ਦੇ ਹਮਲੀਆਂ ਦਾ ਜਵਾਬ ਦੇਣ ਲਈ ਹੁਣ ਫੌਜ ਵੀ ਅਪਣੇ ਸੈਨਿਕਾਂ ਨੂੰ ਸਨਾਇਪਰ ਰਾਇਫਲਾਂ ਨਾਲ ਲੈਸ ਕਰ ਰਹੀ ਹੈ। ਫੌਜ ਪ੍ਰਧਾਨ ਨੇ ਤਾਲਿਬਾਨ ਦੇ ਨਾਲ ਗੱਲਬਾਤ ਦੇ ਮੁੱਦੇ ਉਤੇ ਵੀ ਅਪਣੀ ਰਾਏ ਦਿਤੀ, ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਤਾਲਿਬਾਨ ਦੇ ਨਾਲ ਬਹੁਤ ਸਾਰੇ ਦੇਸ਼ ਗੱਲਬਾਤ ਕਰ ਰਹੇ ਹਨ ਅਤੇ ਅਫ਼ਗਾਨਿਸਤਾਨ ਵਿਚ ਭਾਰਤ ਦੇ ਹਿੱਤ ਹਨ ਤਾਂ ਅਜਿਹੇ ਵਿਚ ਭਾਰਤ ਨੂੰ ਵੀ ਗੱਲਬਾਤ ਕਰਨੀ ਚਾਹੀਦੀ ਹੈ, ਹਾਲਾਂਕਿ ਉਹ ਪਹਿਲਾਂ ਹੀ ਕਹਿ ਚੁੱਕੇ ਹਨ ਕਿ ਗੱਲਬਾਤ ਬਿਨਾਂ ਕਿਸੀ ਸ਼ਰਤ ਦੇ ਹੋਣੀ ਚਾਹੀਦੀ ਹੈ।
