ਕਿਸਾਨ ਅੰਦੋਲਨ ਨੇ ਹੁਣ ਤੱਕ ਬਹੁਤ ਵੱਡਾ ਰੂਪ ਧਾਰ ਲਿਆ ਦੇਸ਼ਾਂ-ਵਿਦੇਸ਼ਾਂ...
ਨਵੀਂ ਦਿੱਲੀ (ਅਰਪਨ ਕੌਰ): ਕਿਸਾਨ ਅੰਦੋਲਨ ਨੇ ਹੁਣ ਤੱਕ ਬਹੁਤ ਵੱਡਾ ਰੂਪ ਧਾਰ ਲਿਆ ਦੇਸ਼ਾਂ-ਵਿਦੇਸ਼ਾਂ ਵਿੱਚ ਵੀ ਕਿਸਾਨ ਅੰਦੋਲਨ ਦੀਆਂ ਗੱਲਾਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਕੇਂਦਰ ਸਰਕਾਰ ਆਪਣਾ ਅਡੀਅਲ ਰਵੱਈਆ ਛੱਡਣ ਨੂੰ ਤਿਆਰ ਨਹੀਂ ਪਰ ਕਿਸਾਨਾਂ ਦੇ ਜਜ਼ਬਿਆਂ ਅੱਗੇ ਕਿਸਾਨਾਂ ਨੂੰ ਝੁਕਣ ਤੋਂ ਸਿਵਾਏ ਹੋਰ ਕੋਈ ਰਾਸਤਾ ਨਹੀਂ ਹੈ। ਕਿਸਾਨੀ ਅੰਦੋਲਨ ਇਸ ਸਮੇਂ ਸਾਡੇ ਕੌਮੀਆਂ ਲਈ ਇੰਨਾ ਜਰੂਰੀ ਹੋ ਚੁੱਕਿਆ ਕਿ ਇਸਦੀ ਮਿਸਾਲ ਕਿਸਾਨ ਅੰਦੋਲਨ ਵਿਚ ਆਪਣੇ ਪੋਤੇ-ਪੋਤੀਆਂ ਨਾਲ ਇਕ ਵ੍ਹੀਲ ਚੇਅਰ ‘ਤੇ ਕਿਸਾਨ ਧਰਨਾ ਪ੍ਰਦਰਸ਼ਨ ਵਿਚ ਪਹੁੰਚਿਆ।
ਸਪੋਕਸਮੈਨ ਦੀ ਸੀਨੀਅਰ ਪੱਤਰਕਾਰ ਅਰਪਨ ਕੌਰ ਨਾਲ ਦੇਸਾ ਸਿੰਘ ਅਬੋਹਰ ਤੋਂ ਆਏ ਕਿਸਾਨ ਅੰਦੋਲਨ ਬਾਰੇ ਕੁਝ ਗੱਲ ਸਾਂਝੀਆਂ ਕੀਤੀਆਂ। ਇਸ ਦੌਰਾਨ ਉਨ੍ਹਾਂ ਕਿਹਾ ਕਿ ਅਸੀਂ ਜਿਮੀਂਦਾਰ ਹਾਂ, ਸਾਡੀਆਂ ਜਮੀਨਾਂ ਦੇ ਹੱਕ ਮੋਦੀ ਵੱਲੋਂ ਖੋਹੇ ਜਾ ਰਹੇ ਹਨ, ਇਸ ਲਈ ਮੈਂ ਵੀ ਆਪਣੀ ਕਿਸਾਨ ਅੰਦੋਲਨ ਵਿਚ ਜਰੂਰਤ ਸਮਝਦਿਆਂ ਵ੍ਹੀਲ ਚੇਅਰ ਸਮੇਤ ਇੱਥੇ ਪਹੁੰਚਿਆ ਹਾਂ ਕਿਉਂਕਿ ਇਹ ਅੰਦੋਲਨ ਸਾਡਾ ਆਪਣੇ ਹੱਕਾਂ ਲਈ ਹੈ ਤੇ ਇਹ ਅੰਦੋਲਨ ਬਹੁਤ ਵੱਡਾ ਰੂਪ ਧਾਰਨ ਕਰ ਚੁੱਕਿਆ ਹੈ।
Kissan
ਉਨ੍ਹਾਂ ਕਿਹਾ ਕਿ ਮੈਂ ਪਰਵਾਰ ਸਮੇਤ ਇਸ ਅੰਦੋਲਨ ਵਿਚ ਪਹੁੰਚਿਆ ਹੋਇਆ ਹਾਂ ਅਤੇ ਜੇ ਅਸੀਂ ਆਪਣੇ ਹੱਕਾਂ ਲਈ ਅੱਜ ਇੱਥੇ ਨਹੀਂ ਆਏ ਤਾਂ ਫਿਰ ਕਦੋਂ ਆਵਾਂਗੇ। ਇਸ ਦੌਰਾਨ ਦੇਸਾ ਸਿੰਘ ਨੇ ਕਿਹਾ ਕਿ ਮੋਦੀ ਨੇ ਅੰਬਾਨੀਆਂ ਤੇ ਅਡਾਨੀਆਂ ਦਾ ਕਹਿਣਾ ਮੰਨ ਕੇ ਬਣੇ-ਬਣਾਏ ਕਾਨੂੰਨ ਲਿਆ ਕੇ ਧੱਕੇ ਨਾਲ ਪਾਸ ਕਰਵਾ ਦਿੱਤੇ ਪਰ ਮੋਦੀ ਕਿਹੜਾ ਸਦਾ ਹੀ ਰਹਿਣਾ ਹੈ ਨਾ ਕੋਈ ਸਦਾ ਰਿਹਾ ਹੈ।
Kissan Morcha
ਦੇਸਾ ਸਿੰਘ ਨੇ ਕਿਹਾ ਕਿ ਮੈਨੂੰ ਇੱਥੇ ਆਉਣ ਵਿਚ ਕੋਈ ਪ੍ਰੇਸ਼ਾਨੀ ਨਹੀਂ ਹੋਈ ਲੇਕਿਨ ਜੇ ਅਸੀਂ ਆਪਣੇ ਹੱਕਾਂ ਲਈ ਅੱਜ ਨਾ ਉੱਠੇ ਤਾਂ ਫਿਰ ਕਦੋਂ ਉੱਠਾਂਗੇ। ਉਨ੍ਹਾਂ ਕਿਹਾ ਕਿ ਇੱਥੇ ਸੇਵਾਵਾਂ ਬਹੁਤ ਵਧੀਆ ਤਰੀਕੇ ਨਾਲ ਨਿਭਾਈਆਂ ਜਾ ਰਹੀਆਂ ਹਨ ਤੇ ਲੰਗਰ ਸੇਵਾ ਵੀ ਬਹੁਤ ਵਧੀਆ ਚੱਲ ਰਹੀ ਹੈ।
Kissan
ਦੇਸਾ ਸਿੰਘ ਨੇ ਲੋਕਾਂ ਨੂੰ ਸੁਨੇਹਾ ਦਿੱਤਾ ਕਿ ਸੋਸ਼ਲ ਮੀਡੀਆ ਰਾਹੀਂ ਸੇਵਾ ਕਰਨ ਨਾਲੋਂ ਇੱਥੇ ਇੱਕ ਵਾਰ ਆਉਣਾ ਬਹੁਤ ਵਧੀਆ ਉਪਰਾਲਾ ਹੋਵੇਗਾ ਕਿਉਂਕਿ ਆਪਣੇ ਹੱਕਾਂ ਲਈ ਇਹ ਅੰਦੋਲਨ ਆਪਣਾ ਤੇ ਸਭ ਦਾ ਸਾਂਝਾ ਅੰਦੋਲਨ ਹੈ।
