Advertisement
  ਖ਼ਬਰਾਂ   ਰਾਸ਼ਟਰੀ  10 Feb 2020  ਕਾਂਗਰਸ ਨੇ ਜਾਰੀ ਕੀਤਾ ਖ਼ੁਦ ਦਾ Oscar ਐਵਾਰਡ, ਮੋਦੀ ਬੈਸਟ ਐਕਟਰ, ਜਾਣੋ

ਕਾਂਗਰਸ ਨੇ ਜਾਰੀ ਕੀਤਾ ਖ਼ੁਦ ਦਾ Oscar ਐਵਾਰਡ, ਮੋਦੀ ਬੈਸਟ ਐਕਟਰ, ਜਾਣੋ

ਸਪੋਕਸਮੈਨ ਸਮਾਚਾਰ ਸੇਵਾ | Edited by : ਗੁਰਬਿੰਦਰ ਸਿੰਘ
Published Feb 10, 2020, 5:09 pm IST
Updated Feb 10, 2020, 5:09 pm IST
ਸਿਨੇਮਾ ਜਗਤ ਦੇ ਸਭ ਤੋਂ ਵੱਡੇ ਇਨਾਮ ਸਮਾਰੋਹ ਆਸਕਰ ਦਾ ਐਲਾਨ ਕਰ ਦਿੱਤਾ ਗਿਆ ਹੈ...
Modi
 Modi

ਨਵੀਂ ਦਿੱਲੀ: ਸਿਨੇਮਾ ਜਗਤ ਦੇ ਸਭ ਤੋਂ ਵੱਡੇ ਇਨਾਮ ਸਮਾਰੋਹ ਆਸਕਰ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਅਮਰੀਕਾ ਦੇ ਲਾਸ ਏਂਜ਼ਲਸ ਵਿੱਚ ਇਨ੍ਹਾਂ ਇਨਾਮਾਂ ਦਾ ਐਲਾਨ ਕੀਤਾ ਗਿਆ। ਲੇਕਿਨ ਭਾਰਤ ‘ਚ ਕਾਂਗਰਸ ਪਾਰਟੀ ਨੇ ਵੱਖ ਤੋਂ ਆਪਣਾ ਆਪਣੇ-ਆਪ ਦਾ ਆਸਕਰ ਅਵਾਰਡ ਸਨਮਾਨ ਜਾਰੀ ਕੀਤਾ ਹੈ।

ਪਾਰਟੀ ਤੋਂ ਕਈ ਟਵੀਟ ਕਰਕੇ ਵੱਖ-ਵੱਖ ਸ਼੍ਰੇਣੀ ਵਿੱਚ ਆਪਣੇ ਆਪ ਦੇ ਰਾਜਨੀਤਕ ਅਵਾਰਡ ਦਾ ਐਲਾਨ ਕੀਤਾ ਗਿਆ ਹੈ। ਜਿਸ ਵਿੱਚ ਕਾਂਗਰਸ ਨੇ ਸਭ ਤੋਂ ਚੰਗੇ ਐਕਟਰ ਦਾ ਇਨਾਮ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਦਿੱਤਾ ਹੈ। ਕਾਂਗਰਸ ਦੇ ਇਹ ਟਵੀਟ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਤੇਜੀ ਨਾਲ ਵਾਇਰਲ ਹੋ ਰਹੇ ਹਨ ਅਤੇ ਲੋਕ ਇਸ ‘ਤੇ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ।

ਬੈਸਟ ਐਕਟਰ ਅਤੇ ਬੈਸਟ ਵਿਲੇਨ ਦਾ ਖਿਤਾਬ

ਐਕਸ਼ਨ ਰੋਲ ‘ਚ ਸਭ ਤੋਂ ਚੰਗੇ ਐਕਟਰ ਦਾ ਇਨਾਮ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਦਿੱਤਾ ਗਿਆ ਹੈ। ਇਸਦੇ ਇਨਾਮ  ਦੇ ਹੋਰ ਦਾਅਵੇਦਾਰਾਂ ਦੀ ਰੇਸ ਵਿੱਚ ਸਾਧਵੀ ਪ੍ਰਗਿਆ ਠਾਕੁਰ, ਯੋਗੀ ਆਦਿਤਿਅਨਾਥ ਸ਼ਾਮਿਲ ਸਨ। ਟਵੀਟ ਵਿੱਚ ਲਿਖਿਆ ਗਿਆ ਹੈ ਕਿ ਇਸ ਖਿਤਾਬ ਨੂੰ ਜਿੱਤਣ ਲਈ 56 ਇੰਚ ਦਾ ਸੀਨਾ ਅਤੇ ਮੁੜ੍ਹਕਾ-ਹੰਝੂ ਲੱਗਦਾ ਹੈ। ਉਥੇ ਹੀ ਕਾਂਗਰਸ ਪਾਰਟੀ ਨੇ ਬੈਸਟ ਐਕਟਰ ਨਿਗੇਟਿਵ ਰੋਲ ਦਾ ਖਿਤਾਫ ਅਮਿਤ ਸ਼ਾਹ ਨੂੰ ਦਿੱਤਾ ਹੈ। ਇਸ ਖਿਤਾਬ ਦੀ ਰੇਸ ਵਿੱਚ ਯੋਗੀ ਆਦਿਤਿਅਨਾਥ, ਅਨੁਰਾਗ ਠਾਕੁਰ ਸਨ।

ਬੇਸਟ ਕਾਮੇਡੀ ਐਕਟਰ ਦਾ ਖਿਤਾਬ

ਕਾਂਗਰਸ ਪਾਰਟੀ ਨੇ ਇਸ ਸਬੰਧ ਵਿੱਚ ਜੋ ਵੀਡੀਓ ਟਵੀਟ ਕੀਤਾ ਗਿਆ ਹੈ ਉਸ ਵਿਚ ਲਿਖਿਆ ਗਿਆ ਹੈ ਕਿ ਗੱਬਰ ਸਿੰਘ ਅਤੇ ਮੋਗੈਂਬੋ ਪੁਰਾਣੇ ਸਨ, ਨਵੇਂ ਭਾਰਤ ਦੇ ਨਵੇਂ ਵਿਲਨ ਆਏ ਹਨ। ਉਥੇ ਹੀ ਕਾਮੇਡੀ ਲਈ ਬੈਸਟ ਐਕਟਰ ਦਾ ਖਿਤਾਬ ਪਾਰਟੀ ਨੇ ਭਾਜਪਾ ਨੇਤਾ ਮਨੋਜ ਤੀਵਾੜੀ ਨੂੰ ਦਿੱਤਾ ਹੈ। ਇਸ ਸ਼੍ਰੇਣੀ ਵਿੱਚ ਹੋਰ ਪ੍ਰਤੀਭਾਗੀ ਵਿੱਤ ਮੰਤਰੀ  ਨਿਰਮਲਾ ਸੀਤਾਰਮਣ ਅਤੇ ਰੇਲਵੇ ਮੰਤਰੀ ਪੀਊਸ਼ ਗੋਇਲ ਹਨ। ਵੀਡੀਓ ਵਿੱਚ ਮਨੋਜ ਤੀਵਾੜੀ ਨੂੰ ਯੋਗਾ ਕਰਦੇ ਹੋਏ ਵਿਖਾਇਆ ਗਿਆ ਹੈ।

ਬੈਸਟ ਡਰਾਮਾ ਐਕਟਰ ਦਾ ਖਿਤਾਬ

ਉਥੇ ਹੀ ਡਰਾਮਾ ਲਈ ਬੈਸਟ ਐਕਟਰ ਦਾ ਖਿਤਾਬ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਦਿੱਤਾ ਗਿਆ ਹੈ।  ਕਾਂਗਰਸ ਪਾਰਟੀ ਵਲੋਂ ਜਦੋਂ ਇਸ ਵੀਡੀਓ ਨੂੰ ਸਾਂਝਾ ਕੀਤਾ ਗਿਆ ਤਾਂ ਇਹ ਸਾਂਝਾ ਕਰਦੇ ਹੋਏ ਸੋਸ਼ਲ ਮੀਡੀਆ ‘ਤੇ ਤੇਜੀ ਨਾਲ ਵਾਇਰਲ ਹੋ ਗਈ। ਲੋਕਾਂ ਨੇ ਜੱਮਕੇ ਇਸ ਵੀਡੀਓ ਨੂੰ ਸ਼ੇਅਰ ਕੀਤਾ ਅਤੇ ਇਸ ਉੱਤੇ ਆਪਣੀ ਵੱਖ-ਵੱਖ ਪ੍ਰਤੀਕਿਰਿਆ ਦਿੱਤੀ।

ਦੱਸ ਦਈਏ ਕਿ 11 ਫਰਵਰੀ ਨੂੰ ਦਿੱਲੀ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ ਆਉਣ ਹਨ, 8 ਫਰਵਰੀ ਨੂੰ ਵੋਟਿੰਗ ਖਤਮ ਹੋਣ ਤੋਂ ਬਾਅਦ ਜੋ ਐਗਜਿਟ ਪੋਲ ਦੇ ਆਂਕੜੇ ਸਾਹਮਣੇ ਆਏ ਹਨ ਉਸ ਵਿਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣਦੀ ਨਜ਼ਰ ਆ ਰਹੀ ਹੈ, ਜਦਕਿ ਕਾਂਗਰਸ ਇੱਕ ਵਾਰ ਫਿਰ ਤੋਂ ਆਪਣੇ ਭੈੜੇ ਪ੍ਰਦਰਸ਼ਨ ਨੂੰ ਦੁਹਰਾਉਂਦੀ ਨਜ਼ਰ ਆ ਰਹੀ ਹੈ।

Advertisement
Advertisement

 

Advertisement
Advertisement