ਦਸਿਆ ਕਿ ਪੁਲਵਾਮਾ ਜ਼ਿਲ੍ਹੇ ਦੇ ਅਵੰਤੀਪੋਰ ਇਲਾਕੇ ’ਚ ਸਰਗਰਮ ਲਸ਼ਕਰ ਤੇ ਜੈਸ਼ ਦੇ ਜਿਨ੍ਹਾਂ ਸੱਤ ਅਤਿਵਾਦੀਆਂ ਨੂੰ ਫੜਿਆ ਗਿਆ ਹੈ,
ਸ੍ਰੀਨਗਰ : ਪੁਲਿਸ ਨੇ ਦਖਣੀ ਕਸ਼ਮੀਰ ’ਚ ਅਤਿਵਾਦੀਆਂ ਵਲੋਂ ਇਕ ਵਾਰ ਫਿਰ 14 ਫ਼ਰਵਰੀ 2019 ਦੇ ਪੁਲਵਾਮਾ ਕਾਂਡ ਦੁਹਰਾਉਣ ਦੀ ਰਚੀ ਜਾ ਰਹੀ ਸਾਜਸ਼ ਨੂੰ ਬੁਧਵਾਰ ਨੂੰ ਨਾਕਾਮ ਬਣਾਉਣ ਦਾ ਦਾਅਵਾ ਕੀਤਾ ਹੈ। ਪੁਲਿਸ ਨੇ ਇਕ ਫ਼ੌਜੀ ਕਾਫ਼ਲੇ ਤੋਂ ਇਲਾਵਾ ਮਿਊਂਸੀਪਲ ਕਮੇਟੀ ਪਾਂਪੋਰ ਦੀ ਇਮਾਰਤ ਉਡਾਉਣ ਦੀ ਸਾਜਸ਼ ਰਚ ਰਹੇ ਇਕ ਆਤਮਘਾਤੀ ਸਮੇਤ ਸੱਤ ਨਵੇਂ ਅਤਿਵਾਦੀਆਂ ਨੂੰ ਗਿ੍ਰਫ਼ਤਾਰ ਕੀਤਾ ਹੈ। ਲਸ਼ਕਰ ਤੇ ਜੈਸ਼ ਨਾਲ ਜੁੜੇ ਇਨ੍ਹਾਂ ਅਤਿਵਾਦੀਆਂ ਕੋਲੋਂ ਦੋ ਸ਼ਕਤੀਸ਼ਾਲੀ ਆਈਈਡੀ ਤੇ ਵਾਹਨ ਬੰਬ ਲਈ ਤਿਆਰ ਕੀਤੀ ਜਾ ਰਹੀ ਇਕ ਕਾਰ ਵੀ ਬਰਾਮਦ ਕੀਤੀ ਗਈ ਹੈ। ਇਹ ਦਾਅਵਾ ਆਈਜੀਪੀ ਕਸ਼ਮੀਰ ਰੇਂਜ ਵਿਜੈ ਕੁਮਾਰ ਨੇ ਕੀਤਾ ਹੈ।
Indian Armyਅੱਜ ਇੱਥੇ ਪੱਤਰਕਾਰਾਂ ਨਾਲ ਗੱਲਬਾਤ ’ਚ ਉਨ੍ਹਾਂ ਦਸਿਆ ਕਿ ਪੁਲਵਾਮਾ ਜ਼ਿਲ੍ਹੇ ਦੇ ਅਵੰਤੀਪੋਰ ਇਲਾਕੇ ’ਚ ਸਰਗਰਮ ਲਸ਼ਕਰ ਤੇ ਜੈਸ਼ ਦੇ ਜਿਨ੍ਹਾਂ ਸੱਤ ਅਤਿਵਾਦੀਆਂ ਨੂੰ ਫੜਿਆ ਗਿਆ ਹੈ, ਉਨ੍ਹਾਂ ਵਿਚੋਂ ਇਕ ਬੀਏ ਪਹਿਲੇ ਸਾਲ ਦਾ ਵਿਦਿਆਰਥੀ ਹੈ। ਉਨ੍ਹਾਂ ਦਸਿਆ ਕਿ ਸਾਨੂੰ ਅਪਣੇ ਸੂਤਰਾਂ ਤੋਂ ਪਤਾ ਚਲਿਆ ਸੀ ਕਿ ਪਾਂਪੋਰ ’ਚ ਜੈਸ਼-ਏ-ਮੁਹੰਮਦ ਨੇ ਕੁੱਝ ਨਵੇਂ ਲੜਕਿਆਂ ਨੂੰ ਭਰਤੀ ਕੀਤਾ ਹੈ।
Armyਇਹ 14 ਫ਼ਰਵਰੀ 2019 ਦੀ ਤਰ੍ਹਾਂ ਦੀ ਕੋਈ ਵੱਡਾ ਬੰਬ ਧਮਾਕਾ ਕਰਨ ਦੀ ਸਾਜਸ਼ ਦੀ ਤਿਆਰੀ ਕਰ ਰਹੇ ਹਨ। ਅਸੀਂ ਸਾਰੇ ਸ਼ੱਕੀ ਤੱਤਾਂ ਦੀ ਨਿਗਰਾਨੀ ਸ਼ੁਰੂ ਕੀਤੀ ਤੇ ਸਾਹਿਲ ਨਜੀਰ ਨਾਂ ਦੇ ਇਕ ਨੌਜਵਾਨ ਨੂੰ ਫੜ ਲਿਆ। ਬੀਏ ਪਹਿਲੇ ਸਾਲ ਦਾ ਵਿਦਿਆਰਥੀ ਸਾਹਿਲ ਪਾਂਪੋਰ ’ਚ ਰਹਿੰਦਾ ਹੈ। ਉਹ ਇੰਟਰਨੈੱਟ ਮੀਡੀਆ ਜਰੀਏ ਜੇਹਾਦੀ ਤੱਤਾਂ ਨਾਲ ਸੰਪਰਕ ’ਚ ਅਤਿਵਾਦੀ ਸੰਗਠਨ ਦਾ ਹਿੱਸਾ ਬਣਿਆ ਸੀ।
