ਹੁਣ ਸਾਰੇ ਹਸਪਤਾਲ ਇਹ ਮੌਤ ਸਮਰੀ ਭੇਜ ਦੇਣ ਇਸ ਤੋਂ ਬਾਅਦ ਅਗਲੇ 4-5 ਦਿਨਾਂ ਵਿਚ ਇਸ ਅੰਕੜਿਆਂ ਦੇ ਅਧਾਰ ਤੇ ਰਿਪੋਰਟ ਤਿਆਰ ਕੀਤੀ ਜਾਵੇਗੀ।
ਨਵੀਂ ਦਿੱਲੀ : ਰਾਜਧਾਨੀ ਦਿੱਲੀ ਵਿਚ ਕਰੋਨਾ ਵਾਇਰਸ ਨਾਲ ਹੋ ਰਹੀਆਂ ਮੌਤਾਂ ਦੇ ਅੰਕੜਿਆਂ ਤੇ ਉਠ ਰਹੇ ਸਵਾਲਾਂ ਨੂੰ ਲੈ ਕੇ ਦਿੱਲੀ ਸਰਕਾਰ ਨੇ ਡੀਡੀਐੱਮਏ ਐਕਟ ਦੇ ਤਹਿਤ ਸਾਰੇ ਸਰਕਾਰੀ ਅਤੇ ਪ੍ਰਾਈਵੇਟ ਹਸਪਤਾਲਾਂ ਨੂੰ ਆਦੇਸ਼ ਦਿੱਤਾ ਹੈ ਕਿ ਉਹ 24 ਘੰਟੇ ਦੇ ਵਿਚ ਜਿਹੜੀ ਵੀ ਮੌਤ ਹੁੰਦੀ ਹੈ ਉਸ ਸਬੰਧੀ ਜਾਣਕਾਰੀ ਸਰਕਾਰ ਨੂੰ ਭੇਜੀ ਜਾਵੇ।
ਉਧਰ RML ਹਾਰਡਿੰਗ ਅਤੇ AIIMS ਹਸਪਤਾਲ ਵਿਚ ਮੌਤਾਂ ਦੇ ਜ਼ਿਆਦਾ ਅੰਕੜੇ ਅਤੇ ਦਿੱਲੀ ਸਰਕਾਰ ਦੇ ਹੈਲਥ ਬੁਲੇਟਿਨ ਵਿਚ ਘੱਟ ਅੰਕੜੇ ਦਿਖਾਏ ਜਾਣ ਤੋਂ ਬਆਦ ਸਿਹਤ ਮੰਤਰੀ ਸਤਿੰਦਰ ਜੈਂਨ ਨੇ ਕਿਹਾ ਕਿ ਏਂਮਜ਼ ਦਾ ਝੱਜਰ ਵਾਲਾ ਮਾਮਲਾ ਹੋ ਸਕਦਾ ਹੈ, ਕਿਉਂਕਿ ਝੱਜਰ ਦਿੱਲੀ ਵਿਚ ਨਹੀਂ ਆਉਂਦਾ। ਉੱਥੇ ਹੀ ਕਈ ਹਸਪਤਾਲਾਂ ਨੇ 4 ਮੌਤਾਂ ਦੱਸ ਦਿੱਤੀਆਂ, ਪਰ ਡੈਥ ਸਮਰੀ ਨਹੀਂ ਭੇਜੀ, ਹਸਪਤਾਲ ਨੂੰ ਮੌਤ ਦੀ ਸਮਰੀ ਦੇਣਾ ਲਾਜ਼ਮੀ ਹੈ। ਸ਼ਨੀਵਾਰ ਨੂੰ ਡੀਡੀਐਮਏ ਐਕਟ ਦੇ ਤਹਿਤ, ਅਸੀਂ ਸਾਰੇ ਨਿੱਜੀ ਅਤੇ ਸਰਕਾਰੀ ਹਸਪਤਾਲਾਂ ਨੂੰ ਆਦੇਸ਼ ਦਿੱਤੇ ਹਨ
ਕਿ ਜੇ 24 ਘੰਟਿਆਂ ਦੇ ਅੰਦਰ ਮੌਤ ਹੋ ਜਾਂਦੀ ਹੈ, ਤਾਂ ਮੌਤ ਦੀ ਸਾਰਾਂਸ਼ ਅਤੇ ਸਾਰੀ ਜਾਣਕਾਰੀ ਦੇ ਨਾਲ ਇੱਕ ਰਿਪੋਰਟ ਭੇਜਣੀ ਹੋਵੇਗੀ। ਇਹ ਆਦੇਸ਼ ਇਸ ਲਈ ਜਾਰੀ ਕੀਤੇ ਗਏ ਸਨ ਕਿਉਂਕਿ ਹਸਪਤਾਲ ਮੌਤ ਦੀ ਸਮਰੀ ਨਹੀਂ ਦੇ ਰਹੇ ਸਨ। ਦੱਸ ਦੱਈਏ ਕਿ ਸਿਹਤ ਮੰਤਰੀ ਨੇ ਕਿਹਾ ਕਿ ਦਿੱਲੀ ਵਿਚ ਮੌਤਾਂ ਦੀ ਗਿਣਤੀ ਲੁਕਾਉਂਣਾ ਸੰਭਵ ਨਹੀਂ ਹੈ। ਸਾਰੇ ਰਾਜਾਂ ਵੱਲੋਂ ਆਪਣੀਆਂ ਡੈਥ ਕਮੇਟੀਆਂ ਬਣਾਈਆਂ ਹੋਈਆਂ ਹਨ।
ਉਨ੍ਹਾਂ ਵੱਲੋਂ ਮੌਤਾਂ ਦੇ ਮਾਮਲਿਆਂ ਬਾਰੇ ਜਾਂਚ ਕੀਤੀ ਜਾਂਦੀ ਹੈ। ਹਸਪਤਾਲਾਂ ਨੂੰ ਕਿਹਾ ਗਿਆ ਹੈ ਕਿ ਉਨ੍ਹਾਂ ਨੇ ਕੇਵਲ ਇਕ ਸੰਖਿਆ ਨਹੀਂ ਭੇਜਣੀ ਹੈ ਸਗੋਂ ਪੂਰੀ ਡੈਥ ਸਮਰੀ ਭੇਜਣੀ ਹੈ। ਹੁਣ ਤੱਕ ਜ਼ਿਆਦਾਤਰ ਹਸਪਤਾਲਾਂ ਦੇ ਵੱਲੋਂ ਡੈਥ ਸਮਰੀ ਨਹੀਂ ਭੇਜੀ ਗਈ। ਹੁਣ ਸਾਰੇ ਹਸਪਤਾਲ ਇਹ ਮੌਤ ਸਮਰੀ ਭੇਜ ਦੇਣ ਇਸ ਤੋਂ ਬਾਅਦ ਅਗਲੇ 4-5 ਦਿਨਾਂ ਵਿਚ ਇਸ ਅੰਕੜਿਆਂ ਦੇ ਅਧਾਰ ਤੇ ਰਿਪੋਰਟ ਤਿਆਰ ਕੀਤੀ ਜਾਵੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।