Belgium News : ਕਿਹਾ ਕਿ ਭਾਰਤ ਵਿਸ਼ਾਲ ਬਾਜ਼ਾਰ ਅਤੇ ਹੁਨਰਮੰਦ ਪੇਸ਼ੇਵਰ ਪ੍ਰਦਾਨ ਕਰਦਾ ਹੈ, ਜਦਕਿ ਸਵਿਟਜ਼ਰਲੈਂਡ ਕੋਲ ਉੱਨਤ ਨਿਰਮਾਣ ਸਮਰੱਥਾ ਹੈ।
Belgium News in Punjabi : ਵਣਜ ਤੇ ਉਦਯੋਗ ਮੰਤਰੀ ਪੀਯੂਸ਼ ਗੋਇਲ ਨੇ ਮੰਗਲਵਾਰ ਨੂੰ ਕਿਹਾ ਕਿ ਭਾਰਤ ਅਤੇ ਚਾਰ ਦੇਸ਼ਾਂ ਦੇ ਯੂਰਪੀਅਨ ਬਲਾਕ ਈ.ਐਫ.ਟੀ.ਏ. ਵਿਚਾਲੇ ਮੁਕਤ ਵਪਾਰ ਸਮਝੌਤਾ (ਐੱਫ.ਟੀ.ਏ.) ਖੇਤਰਾਂ ’ਚ ਕਾਰੋਬਾਰਾਂ ’ਚ ਸਥਿਰਤਾ, ਭਵਿੱਖਬਾਣੀ ਅਤੇ ਨਿਰੰਤਰਤਾ ਲਿਆਏਗਾ। ਉਨ੍ਹਾਂ ਕਿਹਾ ਕਿ ਭਾਰਤ ਵਿਸ਼ਾਲ ਬਾਜ਼ਾਰ ਅਤੇ ਹੁਨਰਮੰਦ ਪੇਸ਼ੇਵਰ ਪ੍ਰਦਾਨ ਕਰਦਾ ਹੈ, ਜਦਕਿ ਸਵਿਟਜ਼ਰਲੈਂਡ ਕੋਲ ਉੱਨਤ ਨਿਰਮਾਣ ਸਮਰੱਥਾ ਹੈ।
ਦੋਹਾਂ ਧਿਰਾਂ ਨੇ 10 ਮਾਰਚ, 2024 ਨੂੰ ਵਪਾਰ ਅਤੇ ਆਰਥਕ ਭਾਈਵਾਲੀ ਸਮਝੌਤੇ (ਟੀ.ਈ.ਪੀ.ਏ.) ’ਤੇ ਦਸਤਖਤ ਕੀਤੇ ਸਨ। ਇਸ ਸਮਝੌਤੇ ਦੇ ਤਹਿਤ ਭਾਰਤ ਨੂੰ ਸਮੂਹ ਤੋਂ 15 ਸਾਲਾਂ ’ਚ 100 ਅਰਬ ਡਾਲਰ ਦਾ ਨਿਵੇਸ਼ ਕਰਨ ਦੀ ਵਚਨਬੱਧਤਾ ਮਿਲੀ ਹੈ, ਜਦਕਿ ਸਵਿਸ ਘੜੀਆਂ, ਚਾਕਲੇਟ ਅਤੇ ਕੱਟੇ ਅਤੇ ਪਾਲਿਸ਼ ਕੀਤੇ ਹੀਰੇ ਵਰਗੇ ਕਈ ਉਤਪਾਦਾਂ ਨੂੰ ਘੱਟ ਜਾਂ ਜ਼ੀਰੋ ਡਿਊਟੀ ’ਤੇ ਇਜਾਜ਼ਤ ਦਿਤੀ ਗਈ ਹੈ।
ਯੂਰਪੀਅਨ ਮੁਫ਼ਤ ਵਪਾਰ ਐਸੋਸੀਏਸ਼ਨ (ਈ.ਐਫ.ਟੀ.ਏ.) ਦੇ ਮੈਂਬਰ ਆਈਸਲੈਂਡ, ਲਿਕਟੇਨਸਟਾਈਨ, ਨਾਰਵੇ ਅਤੇ ਸਵਿਟਜ਼ਰਲੈਂਡ ਹਨ। ਗੋਇਲ ਨੇ ਦੋਹਾਂ ਖੇਤਰਾਂ ਦੇ ਕਾਰੋਬਾਰਾਂ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਕਿ ਇਹ ਸਮਝੌਤਾ ਸਾਂਝੇਦਾਰੀ ਵਿਚ ਸਥਿਰਤਾ, ਭਵਿੱਖਬਾਣੀ ਅਤੇ ਨਿਰੰਤਰਤਾ ਦੇਵੇਗਾ। ਇਹ ਸਮਝੌਤਾ ਅਕਤੂਬਰ ਤੋਂ ਲਾਗੂ ਹੋਣ ਦੀ ਉਮੀਦ ਹੈ।
(For more news apart from India and EFTA trade agreement will bring stability to partnership: Goyal News in Punjabi, stay tuned to Rozana Spokesman)
