Top US counterterrorism official Joe Kent resigns
ਟਰੰਪ ਪ੍ਰਸ਼ਾਸਨ ਦੀ ਇਰਾਨ ਜੰਗ ਨੂੰ ਦਸਿਆ ਗ਼ੈਰਜ਼ਰੂਰੀ
ਵਾਸ਼ਿੰਗਟਨ: ਅਮਰੀਕਾ ਦੇ ਕੌਮੀ ਅਤਿਵਾਦ ਵਿਰੋਧੀ ਕੇਂਦਰ ਦੇ ਨਿਰਦੇਸ਼ਕ ਜੋਅ ਕੈਂਟ ਨੇ ਅਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿਤਾ ਹੈ। ਉਨ੍ਹਾਂ ਅਸਤੀਫ਼ਾ ਦਿੰਦਿਆਂ ਕਿਹਾ ਕਿ ਉਹ ਟਰੰਪ ਪ੍ਰਸ਼ਾਸਨ ਵਲੋਂ ਇਰਾਨ ’ਚ ਛੇੜੀ ਜੰਗ ਦੀ ਹਮਾਇਤ ‘ਆਪਣੇ ਹੋਸ਼ੋ-ਹਵਾਸ ’ਚ ਨਹੀਂ’ ਕਰ ਸਕਦੇ। ਜੋਅ ਕੈਂਟ ਨੇ ਸੋਸ਼ਲ ਮੀਡੀਆ ’ਤੇ ਕਿਹਾ, ‘‘ਇਰਾਨ ਤੋਂ ਸਾਡੇ ਦੇਸ਼ ਨੂੰ ਕੋਈ ਖ਼ਤਰਾ ਨਹੀਂ ਸੀ, ਅਤੇ ਇਹ ਸਾਫ਼ ਹੈ ਕਿ ਅਸੀਂ ਇਹ ਜੰਗ ਇਜ਼ਰਾਈਲ ਅਤੇ ਇਸ ਦੀ ਤਾਕਤਵਰ ਅਮਰੀਕੀ ਲਾਬੀ ਦੇ ਦਬਾਅ ਕਾਰਨ ਸ਼ੁਰੂ ਕੀਤੀ।’’ ਕੈਂਟ ਸਾਬਕਾ ਸਿਆਸੀ ਉਮੀਦਵਾਰ ਵੀ ਹਨ ਜਿਨ੍ਹਾਂ ਦੇ ਸੱਜੇ ਪੱਖੀ ਕੱਟੜਵਾਦੀਆਂ ਨਾਲ ਸਬੰਧ ਹਨ। ਕੈਂਟ ਨੂੰ ਪਿਛਲੇ ਸਾਲ ਜੁਲਾਈ ’ਚ 52-44 ਦੀ ਵੋਟ ਨਾਲ ਅਪਣਾ ਅਹੁਦਾ ਮਿਲਿਆ ਸੀ।
