ਕਿਹਾ - ਕੱਲ੍ਹ ਦਾ ਦਿਨ ਮੇਰੀ ਜ਼ਿੰਦਗੀ ਦਾ ਇੱਕ ਮਹੱਤਵਪੂਰਨ ਪੜਾਅ
Vinesh Phogat News : ਹਰਿਆਣਾ ਵਿਧਾਨ ਸਭਾ ਚੋਣਾਂ ਲਈ ਪਹਿਲਵਾਨ ਅਤੇ ਕਾਂਗਰਸ ਉਮੀਦਵਾਰ ਵਿਨੇਸ਼ ਫੋਗਾਟ ਬੁੱਧਵਾਰ ਨੂੰ ਆਪਣਾ ਨਾਮਜ਼ਦਗੀ ਪੱਤਰ ਦਾਖਲ ਕਰੇਗੀ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਇਕ ਪੋਸਟ ਸ਼ੇਅਰ ਕਰਦਿਆਂ ਇਸ ਦੀ ਜਾਣਕਾਰੀ ਦਿੱਤੀ ਹੈ।
ਵਿਨੇਸ਼ ਫੋਗਾਟ ਨੇ ਲਿਖਿਆ ਕਿ ਕੱਲ੍ਹ ਦਾ ਦਿਨ ਮੇਰੀ ਜ਼ਿੰਦਗੀ ਦਾ ਇੱਕ ਮਹੱਤਵਪੂਰਨ ਪੜਾਅ ਹੈ। ਤੁਹਾਡੇ ਸਾਰਿਆਂ ਦੇ ਆਸ਼ੀਰਵਾਦ ਅਤੇ ਸਹਿਯੋਗ ਨਾਲ ਮੈਂ ਵਿਧਾਨ ਸਭਾ ਹਲਕਾ ਜੁਲਾਨਾ ਤੋਂ ਕਾਂਗਰਸ ਉਮੀਦਵਾਰ ਵਜੋਂ ਨਾਮਜ਼ਦਗੀ ਦਾਖਲ ਕਰਨ ਜਾ ਰਹੀ ਹਾਂ।
ਤੁਹਾਡਾ ਪਿਆਰ ਅਤੇ ਸਮਰਥਨ ਮੇਰੇ ਲਈ ਪ੍ਰੇਰਨਾ ਸਰੋਤ ਹੈ, ਜੋ ਇਸ ਯਾਤਰਾ ਨੂੰ ਸਫਲ ਬਣਾਉਣ ਵਿੱਚ ਮਦਦ ਕਰੇਗਾ। ਆਓ ਮਿਲ ਕੇ ਬਦਲਾਅ ਵੱਲ ਕਦਮ ਵਧਾਏ ਅਤੇ ਨਵੀਂ ਸ਼ੁਰੂਆਤ ਕਰੀਏ।
कल का दिन मेरे जीवन का एक महत्वपूर्ण पड़ाव है। आप सभी के आशीर्वाद और समर्थन से मैं जुलाना विधानसभा से कांग्रेस प्रत्याशी के रूप में नामांकन दाखिल करने जा रही हूँ। ?
— Vinesh Phogat (@Phogat_Vinesh) September 10, 2024
आपका स्नेह और सहयोग मेरे लिए प्रेरणा का स्रोत है, जो इस सफर को सफल बनाने में मदद करेगा। आइए, एक साथ मिलकर बदलाव… pic.twitter.com/IUal6nUK9b
ਫੋਗਾਟ ਨੇ ਦੂਜੇ ਟਵੀਟ 'ਚ ਲਿਖਿਆ,ਕੱਲ੍ਹ 11 ਸਤੰਬਰ 2024 ਨੂੰ ਸੰਸਦ ਮੈਂਬਰ ਮੇਰੇ ਵੱਡੇ ਭਰਾ ਦੀਪੇਂਦਰ ਸਿੰਘ ਹੁੱਡਾ (ਰੋਹਤਕ) ਅਤੇ ਸੋਨੀਪਤ ਤੋਂ ਲੋਕ ਸਭਾ ਸੰਸਦ ਮੈਂਬਰ ਸਤਪਾਲ ਬ੍ਰਹਮਚਾਰੀ ਦੀ ਮੌਜੂਦਗੀ ਵਿੱਚ ਮੈਂ ਜੁਲਾਨਾ ਵਿਧਾਨ ਸਭਾ ਤੋਂ ਕਾਂਗਰਸ ਉਮੀਦਵਾਰ ਵਜੋਂ ਆਪਣੀ ਨਾਮਜ਼ਦਗੀ ਦਾਖਲ ਕਰਨ ਜਾ ਰਹੀ ਹਾਂ।
ਆਪ ਸਭ ਨੂੰ ਨਿਮਰਤਾ ਸਹਿਤ ਬੇਨਤੀ ਹੈ ਕਿ ਇਸ ਮਹੱਤਵਪੂਰਨ ਮੌਕੇ ਤੇ ਆਪਣੇ ਆਸ਼ੀਰਵਾਦ ਅਤੇ ਸਹਿਯੋਗ ਨਾਲ ਮੇਰੇ ਸਾਥ ਚੱਲੋ। ਆਓ ਅਸੀਂ ਸਾਰੇ ਰਲ ਕੇ ਜੁਲਾਨਾ ਦੇ ਵਿਕਾਸ ਦੀ ਨਵੀਂ ਅਤੇ ਚਮਕਦਾਰ ਕਹਾਣੀ ਲਿਖੀਏ।
कल, 11 सितंबर 2024 को, आदरणीय सांसद मेरे बड़े भाई श्री दीपेंद्र सिंह हुड्डा जी (रोहतक) और सोनीपत लोकसभा सांसद श्री सतपाल ब्रह्मचारी जी की उपस्थिति में, मैं जुलाना विधानसभा से कांग्रेस प्रत्याशी के रूप में अपना नामांकन दाखिल करने जा रही हूँ। आप सभी से विनम्र अनुरोध है कि अपने… pic.twitter.com/YyeSHcFeuc
— Vinesh Phogat (@Phogat_Vinesh) September 10, 2024
ਤੁਹਾਨੂੰ ਦੱਸ ਦੇਈਏ ਕਿ ਕਾਂਗਰਸ ਨੇ ਵਿਨੇਸ਼ ਫੋਗਾਟ ਨੂੰ ਜੀਂਦ ਦੀ ਜੁਲਾਨਾ ਸੀਟ ਤੋਂ ਉਮੀਦਵਾਰ ਬਣਾਇਆ ਹੈ। ਇਥੇ ਜੁਲਾਨਾ ਵਿੱਚ ਵਿਨੇਸ਼ ਫੋਗਾਟ ਦਾ ਮੁਕਾਬਲਾ ਭਾਜਪਾ ਦੇ ਕੈਪਟਨ ਯੋਗੇਸ਼ ਬੈਰਾਗੀ ਨਾਲ ਹੋਵੇਗਾ। ਜਦੋਂਕਿ ਇਨੈਲੋ ਨੇ ਇੱਥੋਂ ਸੁਰਿੰਦਰ ਸਿੰਘ ਲਾਠੜ ਨੂੰ ਆਪਣਾ ਉਮੀਦਵਾਰ ਬਣਾਇਆ ਹੈ।
