ਅਗਸਤਾ ਵੇਸਟਲੈਂਡ ਵੀਆਈਪੀ ਹੈਲੀਕਾਪਟਰ ਸੌਦੇ ਮਾਮਲੇ ਵਿਚ ਭਾਰਤ ਲਿਆਦੇ ਗਏ ਵਿਚੋਲੇ ਈਸਾਈ ਮਿਸ਼ੇਲ.......
ਨਵੀ ਦਿੱਲੀ : ਅਗਸਤਾ ਵੇਸਟਲੈਂਡ ਵੀਆਈਪੀ ਹੈਲੀਕਾਪਟਰ ਸੌਦੇ ਮਾਮਲੇ ਵਿਚ ਭਾਰਤ ਲਿਆਦੇ ਗਏ ਵਿਚੋਲੇ ਈਸਾਈ ਮਿਸ਼ੇਲ ਨੂੰ ਕਾਊਂਸਲਰ ਐਕਸੈਸ ਮਿਲ ਗਿਆ ਹੈ। ਭਾਰਤ ਵਿਚ ਮੌਜੂਦ ਬ੍ਰਿਟਿਸ਼ ਹਾਈ ਕਮੀਸ਼ਨ ਦੇ ਅਨੁਸਾਰ, ਉਨ੍ਹਾਂ ਨੇ ਮਿਸ਼ੇਲ ਲਈ ਕਾਊਂਸਲਰ ਐਕਸੈਸ ਦੀ ਮੰਗ ਕੀਤੀ ਸੀ। ਜਿਸ ਨੂੰ ਮਨਜ਼ੂਰ ਕਰ ਲਿਆ ਗਿਆ ਹੈ। ਬ੍ਰਿਟਿਸ਼ ਹਾਈ ਕਮੀਸ਼ਨ ਦੇ ਵਲੋਂ ਜਾਰੀ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਸਾਡਾ ਸਟਾਫ਼ ਇਕ ਬ੍ਰਿਟਿਸ਼ ਨਾਗਰਿਕ ਦੇ ਤੌਰ ਉਤੇ ਈਸਾਈ ਦੇ ਸੰਪਰਕ ਵਿਚ ਹੈ। ਜਿਸ ਨੂੰ ਭਾਰਤ ਹਿਰਾਸਤ ਵਿਚ ਰੱਖਿਆ ਗਿਆ ਹੈ। ਸਾਡੇ ਅਧਿਕਾਰੀ ਉਸ ਦਾ ਹਾਲਚਾਲ ਜਾਣਨ ਲਈ ਉਸ ਨੂੰ ਮਿਲੇ।
AgustaWestland Deal, Christian Mitchell
ਧਿਆਨ ਯੋਗ ਹੈ ਕਿ ਅਗਸਤਾ ਮਾਮਲੇ ਵਿਚ ਵਿਚੋਲੇ ਈਸਾਈ ਮਿਸ਼ੇਲ ਨੂੰ ਦਿੱਲੀ ਦੀ ਇਕ ਅਦਾਲਤ ਨੇ 26 ਫਰਵਰੀ ਤੱਕ ਕਾਨੂੰਨੀ ਹਿਰਾਸਤ ਵਿਚ ਭੇਜ ਦਿਤਾ ਸੀ। ਮਿਸ਼ੇਲ 3,600 ਕਰੋੜ ਰੁਪਏ ਦੇ ਅਗਸਤਾ ਵੇਸਟਲੈਂਡ ਵੀਆਈਪੀ ਹੈਲੀਕਾਪਟਰ ਸੌਦੇ ਮਾਮਲੇ ਵਿਚ ਵਿਚੋਲਾ ਹੈ। ਮਿਸ਼ੇਲ ਨੂੰ ਚਾਰ ਦਸੰਬਰ ਨੂੰ ਸੰਯੁਕਤ ਅਰਬ ਤੋਂ ਗ੍ਰਿਫ਼ਤਾਰ ਕਰਕੇ ਭਾਰਤ ਲਿਆਇਆ ਗਿਆ ਸੀ। ਉਹ 19 ਦਸੰਬਰ ਤੱਕ ਕੇਂਦਰੀ ਜਾਂਚ ਬਿਊਰੋ (ਸੀਬੀਆਈ) ਦੀ ਹਿਰਾਸਤ ਵਿਚ ਰਿਹਾ। ਧਿਆਨ ਯੋਗ ਹੈ ਕਿ ਮਿਸ਼ੇਲ ਦੇ ਭਾਰਤ ਅਉਣ ਤੋਂ ਬਾਅਦ ਹੀ ਇਹ ਮੁੱਦਾ ਰਾਜਨੀਤੀ ਵਿਚ ਵੀ ਗਰਮਾਇਆ ਹੋਇਆ ਹੈ।
Agusta
ਹਾਲ ਹੀ ਵਿਚ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਅਪਣੀਆਂ ਕਈ ਰੈਲੀਆਂ ਵਿਚ ਮਿਸ਼ੇਲ ਦੇ ਬਹਾਨੇ ਕਾਂਗਰਸ ਉਤੇ ਨਿਸ਼ਾਨਾ ਸਾਧਿਆ ਸੀ। ਪੀਐਮ ਮੋਦੀ ਨੇ ਰੈਲੀ ਵਿਚ ਕਿਹਾ ਸੀ ਕਿ ਵਿਦੇਸ਼ ਤੋਂ ਇਕ ਰਾਜਦਾਰ ਆਇਆ ਹੈ, ਜੋ ਏਜੰਸੀਆਂ ਦੀ ਪਕੜ ਵਿਚ ਹੈ। ਉਹ ਹੌਲੀ-ਹੌਲੀ ਰਾਜ ਖੋਲ ਰਿਹਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਬੀਤੇ ਦਿਨੀਂ ਈਡੀ ਨੇ ਦਾਅਵਾ ਕੀਤਾ ਸੀ ਕਿ ਪੁੱਛ-ਗਿੱਛ ਦੇ ਦੌਰਾਨ ਈਸਾਈ ਮਿਸ਼ੇਲ ਨੇ ਸ੍ਰੀਮਤੀ ਗਾਂਧੀ ਦਾ ਨਾਮ ਲਿਆ ਸੀ।
ਹਾਲਾਂਕਿ ED ਨੇ ਇਹ ਸਾਫ਼ ਨਹੀਂ ਕੀਤਾ ਸੀ ਕਿ ਮਿਸ਼ੇਲ ਨੇ ਕਿਸ ਸੰਦਰਭ ਵਿਚ ਸ੍ਰੀਮਤੀ ਗਾਂਧੀ ਦਾ ਨਾਮ ਲਿਆ। ਇਸ ਤੋਂ ਇਲਾਵਾ ਵੀ ਇਟਾਲੀਅਨ ਔਰਤ, ਆਰ ਵਰਗੇ ਕਈ ਸ਼ਬਦਾਂ ਦਾ ਇਸਤੇਮਾਲ ਮਿਸ਼ੇਲ ਨੇ ਈਡੀ ਦੀ ਪੁੱਛ-ਗਿੱਛ ਵਿਚ ਕੀਤਾ। ਜਿਸ ਨੂੰ ਲੈ ਕੇ ਕਾਫ਼ੀ ਬਵਾਲ ਹੋਇਆ ਸੀ।
