ਲਖਨਊ 'ਚ ਰਾਹੁਲ ਗਾਂਧੀ ਦੇ ਨਾਲ ਪ੍ਰਿਅੰਕਾ ਗਾਂਧੀ ਅਤੇ ਜੋਤੀਰਾਦਿਤਿਅ ਸਿੰਧਿਆ ਰੋਡ ਸ਼ੋ ਕਰ ਰਹੇ ਹਨ। ਕਾਂਗਰਸ ਦੀ ਜਰਨਲ ਸਕੱਤਰ ਬਣਨ ਤੋਂ ਬਾਅਦ ਪ੍ਰਿਅੰਕਾ...
ਲਖਨਊ: ਲਖਨਊ 'ਚ ਰਾਹੁਲ ਗਾਂਧੀ ਦੇ ਨਾਲ ਪ੍ਰਿਅੰਕਾ ਗਾਂਧੀ ਅਤੇ ਜੋਤੀਰਾਦਿਤਿਅ ਸਿੰਧਿਆ ਰੋਡ ਸ਼ੋ ਕਰ ਰਹੇ ਹਨ। ਕਾਂਗਰਸ ਦੀ ਜਰਨਲ ਸਕੱਤਰ ਬਣਨ ਤੋਂ ਬਾਅਦ ਪ੍ਰਿਅੰਕਾ ਗਾਂਧੀ ਵਾਡਰਾ ਪਹਿਲੀ ਵਾਰ ਲਖਨਊ ਆਈ ਹੈ। ਦੱਸ ਦਈਏ ਕਿ ਇਹ ਤਿੰਨੇ ਇਕ ਬਸ ਦੀ ਛੱਤ 'ਤੇ ਸਵਾਰ ਹਨ। ਉਨ੍ਹਾਂ ਦੇ ਨਾਲ ਕਾਂਗਰਸ ਪ੍ਰਦੇਸ਼ ਪ੍ਰਧਾਨ ਰਾਜ ਬੱਬਰ, ਰਾਜੀਵ ਸ਼ੁਕਲਾ, ਪੀਐਲ ਪੁਨਿਆ ਅਤੇ ਆਰਪੀਐਨ ਸਿੰਘ ਸਮੇਤ ਕਈ ਨੇਤਾ ਵੀ ਹਨ।
ਇਹ ਬਸ ਕਾਂਗਰਸ ਦੀ ਲਕੀ ਬਸ ਦੱਸੀ ਜਾ ਰਹੀ ਹੈ। ਪ੍ਰਿਅੰਕਾ ਦੇ ਰੋਡ ਸ਼ੋ ਨੂੰ ਲੈ ਕੇ ਕਾਂਗਰੇਸੀਆਂ ਸਹਿਤ ਲਖਨਊ ਦੇ ਸਥਾਨਕ ਲੋਕਾਂ 'ਚ ਕਾਫ਼ੀ ਉਤਸ਼ਾਹ ਪਾਇਆ ਜਾ ਰਿਹਾ ਹੈ। ਲਖਨਊ ਨੂੰ ਪੋਸਟਰਾਂ ਅਤੇ ਹੋਰਡਿੰਗ ਤੋਂ ਵੰਡ ਦਿਤਾ ਗਿਆ ਹੈ ਜਿਸ 'ਚ ਪ੍ਰਿਅੰਕਾ ਦਾ ਦੁਰਗਾ ਅਵਤਾਰ ਦੇਖਣ ਨੂੰ ਮਿਲ ਰਿਹਾ ਹੈ। ਲਗਪਗ 20 ਕਿਲੋਮੀਟਰ ਦੀ ਲੰਮੀ ਰੋਡਸ਼ੋਅ ਅਮੋਸੀ ਹਵਾਈ ਅੱਡੇ ਤੋਂ ਸ਼ੁਰੂ ਹੋਈ ਸੀ ਅਤੇ ਉੱਤਰ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਨਹਿਰੂ ਭਵਨ ਦਫਤਰ ਵਿਚ ਸਮਾਪਤ ਹੋਵੇਗੀ।
ਪੱਛਮੀ ਉੱਤਰ ਪ੍ਰਦੇਸ਼ ਦੇ ਇੰਚਾਰਜ ਕਾਂਗਰਸ ਦੇ ਜਨਰਲ ਸਕੱਤਰ ਜੋਤੀਰਾਦਿਤਿਆ ਸਿੰਧੀਆ ਵੀ ਰੋਡ ਸ਼ੋਅ ਵਿਚ ਹਿੱਸਾ ਲੈ ਰਹੇ ਹਨ। ਪ੍ਰਿਯੰਕਾ ਗਾਂਧੀ ਦੇ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਪਾਰਟੀ ਦੇ ਸੀਨੀਅਰ ਆਗੂਆਂ ਅਤੇ ਅਹੁਦੇਦਾਰਾਂ ਨੂੰ ਮਿਲਣਗੇ।