ਮੁਕੇਸ਼ ਅੰਬਾਨੀ ਦੇ ਘਰ ਦੇ ਬਾਹਰ ਸਕਾਰਪੀਓ ਕਾਰ ਵਿਚ ਜਿਲੇਟਿਨ ਮਿਲਣ ਦਾ...
ਮੁੰਬਈ: ਮੁਕੇਸ਼ ਅੰਬਾਨੀ ਦੇ ਘਰ ਦੇ ਬਾਹਰ ਸਕਾਰਪੀਓ ਕਾਰ ਵਿਚ ਜਿਲੇਟਿਨ ਮਿਲਣ ਦਾ ਮਾਮਲਾ ਹੋਰ ਗੁੰਝਲਦਾਰ ਹੁੰਦਾ ਜਾ ਰਿਹਾ ਹੈ। ਹੁਣ ਇਸ ਮਾਮਲੇ ਦੇ ਤਾਰ ਤਿਹਾੜ ਜੇਲ੍ਹ ਨਾਲ ਜੁੜਦੇ ਨਜਰ ਆ ਰਹੇ ਹਨ। ਧਮਕੀ ਦੇਣ ਵਾਲੇ ਟੈਲੀਗ੍ਰਾਮ ਚੈਨਲ ਦੀ ਜਾਣਕਾਰੀ ਜਂਚ ਏਜੰਸੀ ਨੂੰ ਮਿਲੀ ਸੀ, ਜੈਸ਼-ਉਲ-ਹਿੰਦ ਦਾ ਉਹ ਟੈਲੀਗ੍ਰਾਮ ਚੈਨਲ ਤਿਹਾੜ ਜੇਲ੍ਹ ਵਿਚ ਬਣਿਆ ਸੀ।
Explosive car
ਸੁਰੱਖਿਆ ਏਜੰਸੀਆਂ ਨੇ ਇਹ ਨੰਬਰ ਟ੍ਰੈਕ ਕੀਤਾ ਹੈ ਅਤੇ ਇਸਦਾ ਤਿਹਾੜ ਜੇਲ੍ਹ ਨਾਲ ਲਿੰਕ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਾਣਕਾਰੀ ਮਿਲੀ ਹੈ ਕਿ ਧਮਕੀ ਦੇ ਨਾਲ-ਨਾਲ ਪੈਸਿਆਂ ਦੀ ਮੰਗ ਵੀ ਕੀਤੀ ਗਈ ਸੀ। ਹੁਣ ਜਾਂਚ ਏਜੰਸੀ ਤਿਹਾੜ ਜੇਲ੍ਹ ਵਿਚ ਜਾ ਕੇ ਪੜਤਾਲ ਕਰ ਸਕਦੀ ਹੈ। ਜਾਂਚ ਦੇ ਲਈ ਦਿੱਲੀ ਪੁਲਿਸ ਸਪੈਸ਼ਲ ਸੈੱਲ ਦੀ ਟੀਮ ਤਿਹਾੜ ਜੇਲ੍ਹ ਜਾ ਸਕਦੀ ਹੈ। ਤਿਹਾੜ ਜੇਲ੍ਹ ਦੇ ਸੂਤਰਾਂ ਨੇ ਵੀ ਇਸ ਖਬਰ ਦੀ ਪੁਸ਼ਟੀ ਕੀਤੀ ਹੈ, ਜਾਂਚ ਜਾਰੀ ਹੈ।
Tihar Jail
ਜਾਂਚ ਵਿਚ ਸਾਹਮਣੇ ਆਇਆ ਹੈ ਕਿ ਇਹ ਟੈਲੀਗ੍ਰਾਮ ਚੈਨਲ 26 ਫਰਵਰੀ ਨੂੰ ਬਣਾਇਆ ਗਿਆ ਸੀ, ਪਰ 27 ਤਰੀਕ ਨੂੰ ਬੰਦ ਹੋ ਗਿਆ ਸੀ। ਜਿਸ ਨੰਬਰ ਤੋਂ ਟੈਲੀਗ੍ਰਾਮ ਚੈਨਲ ਬਣਾਇਆ ਗਿਆ ਸੀ, ਉਸਨੂੰ ਵੀ ਟ੍ਰੈਕ ਕਰ ਲਿਆ ਗਿਆ ਹੈ। ਜੇਲ੍ਹ ਵਿਚ ਬੰਦ ਜਿਨ੍ਹਾਂ ਕੈਦੀਆਂ ਨੇ ਇਹ ਚੈਨਲ ਬਣਿਆ ਸੀ ਅਤੇ ਜਿਸ ਜੇਲ੍ਹ ਨੰਬਰ ਤੋਂ ਇਹ ਸਭ ਕੁਝ ਕੀਤਾ ਗਿਆ, ਇਸ ਕੰਮ ਦੀ ਜਾਣਕਾਰੀ ਸਪੈਸ਼ਲ ਸੈੱਲ ਨੂੰ ਹੈ।
mukesh and neeta ambani
ਸਪੈਸ਼ਲ ਸੈੱਲ ਦੇ ਅਫ਼ਸਰ, ਤਿਹਾੜ ਜੇਲ੍ਹ ਦੇ ਅਧਿਕਾਰੀਆਂ ਦੇ ਸੰਪਰਕ ਵਿਚ ਹਨ ਅਤੇ ਜਾਂਚ ਕਰ ਰਹੇ ਹਨ। ਦੱਸ ਦਈਏ ਕਿ 25 ਫਰਵਰੀ ਨੂੰ ਮੁਕੇਸ਼ ਅੰਬਾਨੀ ਦੀ 27 ਮੰਜ਼ਿਲਾ ਬਿਲਡਿੰਗ ਏਂਟੀਲਿਆ ਦੇ ਨੇੜੇ ਇਕ ਕਾਰ ਲਾਵਾਰਿਸ ਮਿਲੀ ਸੀ। ਇਸ ਕਾਰ ਦੀ ਤਲਾਸ਼ੀ ਦੇ ਦੌਰਾਨ ਬੰਬ ਰੋਕੂ ਦਸਤੇ ਨੂੰ 20 ਜਿਲੇਟਿਨ ਦੀਆਂ ਛੜਾਂ ਮਿਲੀਆਂ ਸਨ, ਜੋ ਬੇਹੱਦ ਖਤਰਨਾਕ ਵਿਸਫੋਟਕ ਮੰਨਿਆ ਜਾਂਦਾ ਹੈ।
Mukesh Ambani
ਇਸ ਵਿਸਫੋਟਕ ਸਮੱਗਰੀ ਦੇ ਨਾਲ ਇਕ ਧਮਕੀ ਵਾਲਾ ਖੱਤ ਵੀ ਮਿਲਿਆ ਸੀ। ਇਸ ਵਿਚ ਮੁਕੇਸ਼ ਅੰਬਾਨੀ ਅਤੇ ਉਨ੍ਹਾਂ ਦੀ ਪਤਨੀ ਨੀਤਾ ਅੰਬਾਨੀ ਨੂੰ ਕਿਹਾ ਗਿਆ ਸੀ ਕਿ ਇਸ ਵਾਰ ਇਸਨੂੰ ਅਸੈਂਬਲ ਨਹੀਂ ਕੀਤਾ ਗਿਆ ਹੈ, ਪਰ ਸਾਵਧਾਨ ਰਹਿਣਾ, ਅਗਲੀ ਵਾਰ ਅਜਿਹਾ ਨਹੀਂ ਹੋਵੇਗਾ।
