Ludhiana News: ਪਤਨੀ ਨੇ ਪਹਿਲੇ ਵਿਆਹ ਦੀ ਲੁਕਾਈ ਸੀ ਗੱਲ, ਗੁੱਸੇ ਵਿਚ ਪਤੀ ਨੇ ਵਾਰਦਾਤ ਨੂੰ ਦਿੱਤਾ ਅੰਜਾਮ
Husband killed her wife ludhiana News: ਲੁਧਿਆਣਾ ਵਿਚ 21 ਸਾਲਾ ਵਿਆਹੁਤਾ ਔਰਤ ਰਾਧਿਕਾ ਦੇ ਕਤਲ ਦੀ ਗੁੱਥੀ ਸੁਲਝ ਗਈ ਹੈ। ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਰਾਧਿਕਾ ਨੇ ਆਪਣੇ ਪਹਿਲੇ ਵਿਆਹ ਦੀ ਗੱਲ ਆਪਣੇ ਪਤੀ ਸੁਨੀਲ ਤੋਂ ਛੁਪਾਈ ਸੀ, ਜਿਸ ਕਾਰਨ ਸੁਨੀਲ ਗੁੱਸੇ ਵਿੱਚ ਸੀ। ਇਸ ਗੱਲ ਨੂੰ ਲੈ ਕੇ ਹੋਈ ਲੜਾਈ ਵਿੱਚ ਸੁਨੀਲ ਨੇ ਰਾਧਿਕਾ ਨੂੰ ਗਲਾ ਘੁੱਟ ਕੇ ਮਾਰ ਦਿੱਤਾ ਤੇ ਭੱਜ ਗਿਆ।
ਰਾਧਿਕਾ ਦੀ ਲਾਸ਼ ਮੰਗਲਵਾਰ ਸ਼ਾਮ ਨੂੰ ਫ਼ਤਿਹਗੰਜ ਇਲਾਕੇ ਵਿੱਚ ਉਸ ਦੇ ਕਿਰਾਏ ਦੇ ਘਰ ਵਿੱਚੋਂ ਮਿਲੀ। ਸੁਨੀਲ ਅਤੇ ਰਾਧਿਕਾ ਨੇ 4 ਮਹੀਨੇ ਪਹਿਲਾਂ ਇੱਕ ਮੰਦਰ ਵਿੱਚ ਪ੍ਰੇਮ ਵਿਆਹ ਕਰਵਾਇਆ ਸੀ ਅਤੇ ਹੁਣ ਉਹ ਕੋਰਟ ਮੈਰਿਜ ਕਰਨ ਦੀ ਯੋਜਨਾ ਬਣਾ ਰਹੇ ਸਨ। ਇਸ ਦੌਰਾਨ ਸੁਨੀਲ ਨੂੰ ਰਾਧਿਕਾ ਦੇ ਪਹਿਲੇ ਪਤੀ ਬਾਰੇ ਪਤਾ ਲੱਗਾ।
ਇਸ ਘਟਨਾ ਨਾਲ ਸਬੰਧਤ ਇੱਕ ਸੀਸੀਟੀਵੀ ਫੁਟੇਜ ਸਾਹਮਣੇ ਆਈ ਹੈ ਜਿਸ ਵਿੱਚ ਦੋਸ਼ੀ ਸੁਨੀਲ 9 ਜੂਨ ਨੂੰ ਸਵੇਰੇ 4:36 ਵਜੇ ਮੋਢੇ 'ਤੇ ਬੈਗ ਲਟਕਾਉਂਦੇ ਹੋਏ ਸੜਕ 'ਤੇ ਤੁਰਦਾ ਦਿਖਾਈ ਦੇ ਰਿਹਾ ਹੈ। ਪੁਲਿਸ ਨੇ ਕਤਲ ਦਾ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਦੋਸ਼ੀ ਦੀ ਭਾਲ ਜਾਰੀ ਹੈ।
(For more news apart from 'Husband killed her wife ludhiana News', stay tuned to Rozana Spokesman)
