ਜਾਣੋ ਕੀ ਹੈ ਪੂਰਾ ਮਾਮਲਾ
ਨਵੀਂ ਦਿੱਲੀ: ਸੁਪਰੀਮ ਕੋਰਟ ਦੀ ਸੀਨੀਅਰ ਵਕੀਲ ਇੰਦਿਰਾ ਜੈਸਿੰਘ ਅਤੇ ਉਸ ਦੇ ਪਤੀ ਵਕੀਲ ਆਨੰਦ ਗ੍ਰੋਵਰ ਦੇ ਘਰ ਸੀਬੀਆਈ ਨੇ ਛਾਪਾ ਮਾਰਿਆ ਹੈ। ਸੀਬੀਆਈ ਨੇ ਉਸ ਦੇ ਦਿੱਲੀ ਅਤੇ ਮੁੰਬਈ ਦੇ ਘਰ 'ਤੇ ਰੇਡ ਮਾਰਿਆ ਹੈ। ਦਸਿਆ ਜਾ ਰਿਹਾ ਹੈ ਕਿ ਇਹ ਛਾਪੇਮਾਰੀ ਉਹਨਾਂ ਦੇ ਐਨਜੀਓ ਲਾਇਰਸ ਕਲੇਕਟਿਵ ਵਿਚ ਫੰਡਿੰਗ ਦੇ ਮਾਮਲੇ 'ਤੇ ਹੋਈ ਹੈ। ਇਸ ਮਾਮਲੇ ਵਿਚ ਸੀਬੀਆਈ ਨੇ ਉਹਨਾਂ 'ਤੇ ਕੇਸ ਦਰਜ ਕੀਤਾ ਸੀ।
House
ਮੀਡੀਆ ਰਿਪੋਰਟ ਮੁਤਾਬਕ ਦੋਵਾਂ ਘਰਾਂ 'ਤੇ ਰੇਡ ਦੀ ਜਾਣਕਾਰੀ ਮਿਲਦੇ ਹੀ ਇੰਦਰਾ ਜੈਸਿੰਘ ਦੇ ਵਕੀਲ ਵੀ ਮੌਕੇ ਤੇ ਰਵਾਨਾ ਹੋਏ। ਜਿਹਨਾਂ ਨੇ ਸੀਬੀਆਈ ਦੀ ਇਸ ਰੇਡ ਬਾਰੇ ਪੂਰੀ ਕਾਨੂੰਨੀ ਪ੍ਰਕਿਰਿਆ ਦੀ ਜਾਣਕਾਰੀ ਲਈ। ਇੰਦਿਰਾ ਜੈਸਿੰਘ ਅਤੇ ਆਨੰਦ ਗ੍ਰੋਵਰ ਨੂੰ ਸੁਪਰੀਮ ਕੋਰਟ ਨੇ ਵੀ ਮਈ ਵਿਚ ਨੋਟਿਸ ਜਾਰੀ ਕੀਤਾ ਸੀ। ਇਸ ਮਾਮਲੇ ਵਿਚ ਦਾਇਰ ਪਟੀਸ਼ਨ 'ਤੇ ਸੁਣਵਾਈ ਕਰਦ ਹੋਏ ਸੁਪਰੀਮ ਕੋਰਟ ਨੇ ਐਫਸੀਆਰਏ ਉਲੰਘਣ ਦੇ ਆਰੋਪਾਂ 'ਤੇ ਉਹਨਾਂ ਦੇ ਐਨਜੀਓ ਅਤੇ ਉਹਨਾਂ ਨੂੰ ਨੋਟਿਸ ਭੇਜਿਆ ਸੀ।
CBI raids at residence of Indira Jaisingh & Anand Grover in case of alleges misuse of foreign funding to their NGO is a clear act of Vendetta. Registration of cases & raids by Govt agencies has now become the way of govt to harass & intimidate opponentshttps://t.co/TrzChQXg9Q
— Prashant Bhushan (@pbhushan1) July 11, 2019
ਇੰਦਿਰਾ ਜੈਸਿੰਘ ਨੇ ਉਹਨਾਂ ਦੇ ਘਰ ਤੇ ਹੋਈ ਸੀਬੀਆਈ ਰੇਡ ਬਾਰੇ ਕਿਹਾ ਉਸ ਨੂੰ ਅਤੇ ਉਸ ਦੇ ਪਤੀ ਆਨੰਦ ਗ੍ਰੋਵਰ ਨੂੰ ਕਈ ਸਾਲਾਂ ਤੋਂ ਮਨੁੱਖੀ ਅਧਿਕਾਰ ਦੇ ਘਟ ਕਰਨ ਕਰ ਕੇ ਟਾਰਗੇਟ ਕੀਤਾ ਜਾ ਰਿਹਾ ਹੈ। ਸੁਪਰੀਮ ਕੋਰਟ ਦੇ ਵਕੀਲ ਦੇ ਘਰ ਸੀਬੀਆਈ ਦੀ ਇਸ ਛਾਪੇਮਾਰੀ 'ਤੇ ਹੁਣ ਰਿਐਕਸ਼ਨ ਵੀ ਆਉਣੇ ਸ਼ੁਰੂ ਹੋ ਚੁੱਕੇ ਹਨ। ਸੁਪਰੀਮ ਕੋਰਟ ਦੇ ਸੀਨੀਅਰ ਵਕੀਲ ਪ੍ਰਸ਼ਾਂਤ ਭੂਸ਼ਣ ਨੇ ਇਸ ਰੇਡ ਨੂੰ ਬਦਲੇ ਦੀ ਭਾਵਨਾ ਦਸਿਆ ਹੈ।
ਪ੍ਰਸ਼ਾਂਤ ਭੂਸ਼ਣ ਨੇ ਟਵਿਟਰ 'ਤੇ ਲਿਖਿਆ ਕਿ ਇੰਦਿਰਾ ਜੈਸਿੰਘ ਅਤੇ ਆਨੰਦ ਗ੍ਰੋਵਰ ਦੇ ਘਰਾਂ 'ਤੇ ਸੀਬੀਆਈ ਰੇਡ ਬਦਲੇ ਦੀ ਭਾਵਨਾ ਦਰਸਾਉਂਦਾ ਹੈ। ਕੇਸ ਦਰਜ ਕਰਨਾ ਅਤੇ ਸਰਕਾਰੀ ਸੰਸਥਾਵਾਂ ਤੋਂ ਰੇਡ ਕਰਵਾਉਣਾ ਸਰਕਾਰ ਲਈ ਹੈਰੇਸਮੈਂਟ ਕਰਨ ਅਤੇ ਵਿਰੋਧੀਆਂ ਨੂੰ ਡਰਾਉਣ ਦਾ ਤਰੀਕਾ ਬਣ ਚੁੱਕਿਆ ਹੈ।
