ਕਿਸਾਨਾਂ ਲਈ ਦਿੱਤੀ ਜਾ ਰਹੀ ਮੁਫਤ ਸਿਲਾਈ ਸੇਵਾ
ਨਵੀਂ ਦਿੱਲੀ (ਦਿਲਬਾਗ ਸਿੰਘ): ਦਿੱਲੀ ਬਾਰਡਰ ‘ਤੇ ਜਾਰੀ ਕਿਸਾਨੀ ਮੋਰਚੇ ਵਿਚ ਡਟੇ ਹੋਏ ਕਿਸਾਨਾਂ ਨੂੰ ਵੱਖ-ਵੱਖ ਸਹੂਲਤਾਂ ਦੇਣ ਲਈ ਸੰਸਥਾਵਾਂ ਤੇ ਸਮਾਜਸੇਵੀਆਂ ਵੱਲੋਂ ਵਿਸ਼ੇਸ਼ ਉਪਰਾਲੇ ਕੀਤੇ ਜਾ ਰਹੇ ਹਨ। ਇਸ ਦੌਰਾਨ ਆਮ ਲੋਕ ਵੀ ਕਿਸਾਨਾਂ ਦੀ ਮਦਦ ਲਈ ਅੱਗੇ ਆ ਰਹੇ ਹਨ।
Free stitching facility at Delhi border
ਇਸ ਦੇ ਚਲਦਿਆਂ ਬਰਨਾਲੇ ਤੋਂ ਇਕ ਵਿਅਕਤੀ ਕਿਸਾਨ ਵੀਰਾਂ ਦੇ ਫਟੇ ਹੋਏ ਕੱਪੜੇ ਸਿਉਣ ਲਈ ਦਿੱਲੀ ਪਹੁੰਚਿਆ ਹੈ। ਇਸ ਵੀਰ ਵੱਲੋਂ ਕਿਸਾਨਾਂ ਲਈ ਮੁਫਤ ਸਿਲਾਈ ਸੇਵਾ ਦਿੱਤੀ ਜਾ ਰਹੀ ਹੈ। ਬਰਨਾਲਾ ਦੇ ਰਹਿਣ ਵਾਲੇ ਦਲਬੀਰ ਸਿੰਘ ਨੇ ਰੋਜ਼ਾਨਾ ਸਪੋਕਸਮੈਨ ਨੂੰ ਦੱਸਿਆ ਕਿ ਉਹ 28 ਦਸੰਬਰ ਤੋਂ ਹੀ ਬਾਰਡਰ ‘ਤੇ ਸੇਵਾ ਕਰ ਰਹੇ ਹਨ। ਦਲਬੀਰ ਸਿੰਘ ਅਪਣੇ ਦੋਸਤ ਤਜਿੰਦਰ ਸਿੰਘ ਨਾਲ ਦਿੱਲੀ ਆਏ ਸੀ।
Free stitching facility at Delhi border
ਦਲਬੀਰ ਸਿੰਘ ਨੇ ਦੱਸਿਆ ਕਿ ਉਹ ਪਹਿਲਾਂ ਟਿਕਰੀ ਬਾਰਡਰ ‘ਤੇ ਸੀ। ਜਦੋਂ ਉਹ ਸਿੰਘੂ ਬਾਰਡਰ ਆਏ ਤਾਂ ਉਹਨਾਂ ਨੂੰ ਵੱਖਰਾ ਹੀ ਨਜ਼ਾਰਾ ਦੇਖਣ ਲਈ ਮਿਲਿਆ। ਇਕ ਪਾਸੇ ਨੌਜਵਾਨ ਠੰਢ ਵਿਚ ਬਜ਼ੁਰਗਾਂ ਦੇ ਕੱਪੜੇ ਧੋ ਰਹੇ ਸਨ ਤਾਂ ਦੂਜੇ ਪਾਸੇ ਨੌਜਵਾਨ ਬਜ਼ੁਰਗਾਂ ਦੇ ਮਾਲਿਸ਼ ਕਰ ਰਹੇ ਸਨ। ਇਕ ਪਾਸੇ ਮੋਚੀ ਜੁੱਤੀਆਂ ਨੂੰ ਟਾਂਕੇ ਲਗਾ ਰਿਹਾ ਸੀ।
Free stitching facility at Delhi border
ਇਸ ਦੌਰਾਨ ਹੀ ਦਲਬੀਰ ਸਿੰਘ ਨੇ ਦੇਖਿਆ ਕਿ ਕਈ ਬਜ਼ੁਰਗਾਂ ਦੇ ਕੱਪੜੇ ਫਟੇ ਹੋਏ ਸਨ ਤਾਂ ਉਹਨਾਂ ਦਾ ਧਿਆਨ ਅਪਣੇ ਕਿੱਤੇ ਵੱਲ ਗਿਆ। ਦਲਬੀਰ ਸਿੰਘ ਨੇ ਕਈ ਕਿਸਾਨਾਂ ਨਾਲ ਗੱਲਬਾਤ ਕੀਤੀ ਤੇ ਜਾਣਨਾ ਚਾਹਿਆ ਕਿ ਉਹਨਾਂ ਦੇ ਕੱਪੜੇ ਕਿਵੇਂ ਫਟੇ। ਹਰ ਕਿਸੇ ਕੋਲ ਵੱਖ-ਵੱਖ ਕਾਰਨ ਸੀ। ਦਲਬੀਰ ਸਿੰਘ ਨੇ ਕਿਸਾਨਾਂ ਲਈ ਵਿਸ਼ੇਸ਼ ਸਹੂਲਤ ਸ਼ੁਰੂ ਕਰਨ ਦਾ ਫੈਸਲਾ ਕੀਤਾ।
Free stitching facility at Delhi border
ਇਹ ਸਾਰੀ ਘਟਨਾ ਦਲਬੀਰ ਸਿੰਘ ਨੇ ਅਪਣੇ ਪਰਿਵਾਰ ਨਾਲ ਸਾਂਝੀ ਕੀਤੀ ਤਾਂ ਉਹਨਾਂ ਨੇ ਦਲਬੀਰ ਸਿੰਘ ਦੇ ਫੈਸਲੇ ਦਾ ਸਮਰਥਨ ਕੀਤਾ। ਇਸ ਤੋਂ ਬਾਅਦ ਉਹ ਅਪਣੀ ਸਿਲਾਈ ਮਸ਼ੀਨ ਲੈ ਕੇ ਅਪਣੇ ਦੋਸਤ ਨਾਲ ਦਿੱਲੀ ਬਾਰਡਰ ‘ਤੇ ਪਹੁੰਚੇ। ਦਲਬੀਰ ਸਿੰਘ ਨੇ ਕਿਸਾਨਾਂ ਨੂੰ ਖੁਦਕੁਸ਼ੀ ਦਾ ਰਾਹ ਨਾ ਚੁਣਨ ਦੀ ਅਪੀਲ ਵੀ ਕੀਤੀ।
