ਭਾਜਪਾ ਸੰਸਦ ਮੈਂਬਰ ਸਾਵਿਤਰੀ ਬਾਈ ਫੁਲੇ ਨੇ ਪਾਕਿਸਤਾਨ ਦੇ ਪਹਿਲੇ ਪ੍ਰਧਾਨ ਮੰਤਰੀ ਮੁਹੰਮਦ ਅਲੀ ਜਿਨਾਹ ਨੂੰ 'ਮਹਾਪੁਰਸ਼' ਕਰਾਰ ਦਿਤਾ ਹੈ। ਫੁਲੇ ਕਲ ...
ਬਹਰਾਈਚ (ਯੂਪੀ), ਭਾਜਪਾ ਸੰਸਦ ਮੈਂਬਰ ਸਾਵਿਤਰੀ ਬਾਈ ਫੁਲੇ ਨੇ ਪਾਕਿਸਤਾਨ ਦੇ ਪਹਿਲੇ ਪ੍ਰਧਾਨ ਮੰਤਰੀ ਮੁਹੰਮਦ ਅਲੀ ਜਿਨਾਹ ਨੂੰ 'ਮਹਾਪੁਰਸ਼' ਕਰਾਰ ਦਿਤਾ ਹੈ। ਫੁਲੇ ਕਲ ਰਾਤ ਪੱਤਰਕਾਰਾਂ ਦੇ ਸਵਾਲਾਂ ਦੇ ਜਵਾਬ ਦੇ ਰਹੀ ਸੀ। ਜਿਨਾਹ ਨਾਲ ਜੁੜੇ ਸਵਾਲ ਦੇ ਜਵਾਬ ਵਿਚ ਫੁਲੇ ਨੇ ਕਿਹਾ, 'ਭਾਰਤ ਦੇਸ਼ ਨੂੰ ਆਜ਼ਾਦ ਕਰਾਉਣ ਵਿਚ ਜਿਨ੍ਹਾਂ ਮਹਾਪੁਰਸ਼ਾਂ ਨੇ ਕੁਰਬਾਨੀ ਦਿਤੀ ਹੈ ਚਾਹੇ ਉਹ ਕਿਸੇ ਵੀ ਜਾਤ ਧਰਮ ਜਾਂ ਫ਼ਿਰਕੇ ਦੇ ਹੋਣ, ਉਨ੍ਹਾਂ ਦਾ ਸਨਮਾਨ ਹੋਣਾ ਚਾਹੀਦਾ ਹੈ।' ਕੀ ਜਿਨਾਹ ਮਹਾਪੁਰਸ਼ ਸਨ, ਇਸ ਸਵਾਲ ਦੇ ਜਵਾਬ ਵਿਚ ਉਸ ਨੇ ਕਿਹਾ ਕਿ ਉਹ ਮਹਾਪੁਰਸ਼ ਸਨ, ਹਨ ਅਤੇ ਰਹਿਣਗੇ।
Mohammed Ali Jinnah
ਉਨ੍ਹਾਂ ਕਿਹਾ ਕਿ ਅਜਿਹੇ ਮਹਾਪੁਰਸ਼ ਦੀ ਮੂਰਤੀ ਉਥੇ ਵੀ ਲਾਉਣ ਦੀ ਲੋੜ ਹੈ ਜਿਥੇ ਸਨਮਾਨ ਨਾਲ ਲਾਈ ਜਾਣੀ ਚਾਹੀਦੀ ਹੈ। ਫੁਲੇ ਨੇ ਕਿਹਾ ਕਿ ਜਿਨਾਹ ਨੂੰ ਦੇਸ਼ ਦੀ ਆਜ਼ਾਦੀ ਦੇ ਸਮੇਂ ਤੋਂ ਸਨਮਾਨਤ ਕੀਤਾ ਗਿਆ ਹੈ। ਉਨ੍ਹਾਂ ਦਾ ਨਾਮ ਸਨਮਾਨ ਨਾਲ ਲਿਆ ਜਾਵੇ। ਉਨ੍ਹਾਂ ਕਿਹਾ ਕਿ ਬਹੁਜਨ ਸਮਾਜ ਦੇ ਅਸਲ ਮੁੱਦਿਆਂ ਗ਼ਰੀਬੀ, ਭੁੱਖਮਰੀ ਤੋਂ ਧਿਆਨ ਲਾਂਭੇ ਕਰਨ ਲਈ ਇਸ ਮਾਮਲੇ ਨੂੰ ਚੁਕਿਆ ਜਾ ਰਿਹਾ ਹੈ। (ਏਜੰਸੀ)
