ਰਾਹੁਲ ਨਾਲ ਗੱਲਬਾਤ ਦੌਰਾਨ ਨਿਕੋਲਸ ਨੇ ਕੋਰੋਨਾ ਨੂੰ ਲੈ ਕੇ ਕਿਹਾ ਕਿ ਭਾਰਤ ਅਤੇ ਕੈਂਬ੍ਰਿਜ ਵਿਚ ਇਕੋ ਜਿਹੇ ਹਾਲਾਤ ਹਨ।
ਨਵੀਂ ਦਿੱਲੀ: ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਕੋਰੋਨਾ ਵਾਇਰਸ ਸੰਕਟ ਦੇ ਚਲਦਿਆਂ ਗਲੋਬਲ ਪ੍ਰਣਾਲੀ ਦੇ ਨਵੇਂ ਰੂਪ ਧਾਰਨ ਕਰਨ ਦੀ ਸੰਭਾਵਨਾ ‘ਤੇ ਅਮਰੀਕਾ ਦੇ ਸਾਬਕਾ ਵਿਦੇਸ਼ ਉਪ ਮੰਤਰੀ ਨਿਕੋਲਸ ਬਰਨਸ ਨਾਲ ਗੱਲਬਾਤ ਕੀਤੀ। ਰਾਹੁਲ ਨਾਲ ਗੱਲਬਾਤ ਦੌਰਾਨ ਨਿਕੋਲਸ ਨੇ ਕੋਰੋਨਾ ਨੂੰ ਲੈ ਕੇ ਕਿਹਾ ਕਿ ਭਾਰਤ ਅਤੇ ਕੈਂਬ੍ਰਿਜ ਵਿਚ ਇਕੋ ਜਿਹੇ ਹਾਲਾਤ ਹਨ।
Rahul Gandhi
ਇੱਥੇ ਵੀ ਲੌਕਡਾਊਨ ਹੈ। ਉੱਥੇ ਹੀ ਰਾਹੁਲ ਗਾਂਧੀ ਨੇ ਕਿਹਾ ਕਿ ਇਹਨੀਂ ਦਿਨੀਂ ਅਮਰੀਕਾ ਅਤੇ ਭਾਰਤ ਵਿਚ ਉਹ ਸਹਿਣਸ਼ੀਲਤਾ ਦੇਖਣ ਨੂੰ ਨਹੀਂ ਮਿਲ ਰਹੀ ਹੈ ਜੋ ਪਹਿਲਾਂ ਸੀ। ਅਮਰੀਕਾ ਅਤੇ ਭਾਰਤ ਦੇ ਸਬੰਧਾਂ ‘ਤੇ ਰਾਹੁਲ ਗਾਂਧੀ ਨੇ ਕਿਹਾ ਕਿ ਬੀਤੇ ਕੁਝ ਸਮੇਂ ਵਿਚ ਦੋਵਾਂ ਦੇਸ਼ਾਂ ਵਿਚਕਾਰ ਭਾਈਵਾਲੀ ਵਧੀ ਹੈ ਪਰ ਹੁਣ ਲੈਣ-ਦੇਣ ਜ਼ਿਆਦਾ ਹੋ ਗਿਆ ਹੈ, ਜੋ ਪਹਿਲਾਂ ਰੱਖਿਆ, ਸਿਹਤ ਅਤੇ ਸਿੱਖਿਆ ਨੂੰ ਲੈ ਕੇ ਸਬੰਧ ਸਨ, ਉਹ ਹੁਣ ਰੱਖਿਆ ‘ਤੇ ਕੇਂਦਰਿਤ ਹੋ ਗਏ ਹਨ।
Tweet
ਅਸੀਂ ਖੁੱਲ੍ਹੇ ਵਿਚਾਰਾਂ ਵਾਲੇ ਹਨ ਪਰ ਹੈਰਾਨੀ ਦੀ ਗੱਲ ਹੈ ਕਿ ਉਹ ਹੁਣ ਗਾਇਬ ਹੋ ਰਹੇ ਹਨ। ਇਹ ਕਾਫੀ ਦੁਖਦਾਈ ਹੈ ਕਿ ਮੈਂ ਉਸ ਪੱਧਰ ਦੀ ਸਹਿਣਸੀਲਤਾ ਨੂੰ ਨਹੀਂ ਦੇਖ ਰਿਹਾ, ਜੋ ਮੈਂ ਪਹਿਲਾਂ ਦੇਖਦਾ ਸੀ। ਇਹ ਦੋਵੇਂ ਹੀ ਦੇਸ਼ਾਂ ਵਿਚ ਨਹੀਂ ਦਿਖ ਰਹੀ। ਰਾਹੁਲ ਗਾਂਧੀ ਨੇ ਨਿਕੋਲਸ ਕੋਲੋਂ ਪੁੱਛਿਆ ਕਿ ਉਹ ਭਾਰਤ ਅਤੇ ਅਮਰੀਕਾ ਦੇ ਰਿਸ਼ਤੇ ਨੂੰ ਕਿਵੇਂ ਦੇਖਦੇ ਹਨ ਤਾਂ ਇਸ ‘ਤੇ ਉਹਨਾਂ ਜਵਾਬ ਦਿੱਤਾ ਕਿ 70-80 ਦੇ ਦਹਾਕੇ ਵਿਚ ਇੱਥੇ ਭਾਰਤੀ ਇੰਜੀਨੀਅਰ, ਡਾਕਟਰ ਬਣੇ।
Ambassador Nicholas Burns
ਅੱਜ ਸਾਡੇ ਸੂਬਿਆਂ ਵਿਚ ਗਵਰਨਰ, ਸੀਨੇਟਰ ਭਾਰਤੀ ਅਰੀਕੀ ਹਨ। ਕਈ ਟੈਕ ਕੰਪਨੀਆਂ ਦੇ ਸੀਈਓ ਭਾਰਤੀ ਅਮਰੀਕੀ ਹਨ। ਅਜਿਹੇ ਵਿਚ ਇਹ ਦੋਵੇ ਦੇਸ਼ਾਂ ਵਿਚ ਅਜਿਹਾ ਪੁਲ ਹੈ ਜੋ ਸਾਡੇ ਰਿਸ਼ਤੇ ਨੂੰ ਹੋਰ ਮਜ਼ਬੂਤ ਕਰਦਾ ਹੈ। ਇਸ਼ ਦੌਰਾਨ ਰਾਹੁਲ ਗਾਂਧੀ ਨੇ ਕਿਹਾ ਕਿ ਅਸੀਂ ਇਕ ਭਿਆਨਕ ਦੌਰ ਵਿਚੋਂ ਗੁਜ਼ਰ ਰਹੇ ਹਾਂ ਪਰ ਚੰਗਾ ਸਮਾਂ ਜ਼ਰੂਰ ਆਵੇਗਾ।
Narendra Modi
ਉਹਨਾਂ ਨੇ ਅਸਿੱਧੇ ਤੌਰ ‘ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ‘ਤੇ ਹਮਲਾ ਬੋਲਦੇ ਹੋਏ ਕਿਹਾ ਕਿ- ਤੁਸੀਂ ਇਕ ਤਰਫਾ ਫੈਸਲਾ ਕਰਦੇ ਹੋ। ਦੁਨੀਆ ਵਿਚ ਸਭ ਤੋਂ ਵੱਡਾ ਸਖਤ ਲੌਕਡਾਊਨ ਕਰਦੇ ਹੋ। ਤੁਹਾਡੇ ਕੋਲ ਲੱਖ ਮਜ਼ਦੂਰ ਹਨ ਜੋ ਲੱਖਾਂ ਕਿਲੋਮੀਟਰ ਪੈਦਲ ਚੱਲ ਕੇ ਅਪਣੇ ਘਰਾਂ ਨੂੰ ਜਾਂਦੇ ਹਨ। ਇਹ ਬਹੁਤ ਹੀ ਵਿਨਾਸ਼ਕਾਰੀ ਹੈ ਪਰ ਇਹ ਸਮੇਂ ਦੀ ਗੱਲ ਹੈ, ਬਦਕਿਸਮਤੀ ਹੈ।
