ਹਵਾਈ ਸੈਨਾ ਵਿਚ ਬਤੌਰ ਜਵਾਨ ਭਰਤੀ ਹੋਣ ਲਈ ਸਾਇੰਸ ਵਿਸ਼ੇ ਤੋਂ 50 ਫੀਸਦੀ ਨੰਬਰਾਂ ਨਾਲ ਬਾਹਰਵੀਂ ਬੋਰਡ ਦੀ ਪਰੀਖਿਆ ਪਾਸ ਕਰਨਾ ਜ਼ਰੂਰੀ ਹੈ।
ਨਵੀਂ ਦਿੱਲੀ, ( ਪੀਟੀਆਈ ) : ਸੂਚਨਾ ਅਤੇ ਤਕਨੀਕ ਦੀ ਵਰਤੋਂ ਨਾਲ ਲੋਕਾਂ ਦਾ ਜੀਵਨ ਬਹੁਤ ਤੇਜ਼ੀ ਨਾਲ ਬਦਲ ਰਿਹਾ ਹੈ। ਇਸਦੇ ਕਈ ਉਦਾਹਰਣ ਸਾਡੇ ਸਾਹਮਣੇ ਮੋਜੂਦ ਹਨ। ਇਹ ਮਾਮਲਾ ਹਵਾਈ ਸੈਨਾ ਦੀ ਆਨਲਾਈਨ ਪਰੀਖਿਆ ਨਾਲ ਜੁੜਿਆ ਹੋਇਆ ਹੈ। ਇਸ ਵਾਰ ਤਿੰਨ ਹਜ਼ਾਰ ਅਜਿਹੇ ਨੌਜਵਾਨਾਂ ਨੂੰ ਹਵਾਈ ਸੈਨਾ ਵਿਚ ਭਰਤੀ ਹੋਣ ਦਾ ਮੌਕਾ ਮਿਲ ਰਿਹਾ ਹੈ, ਜੋ ਆਫਲਾਈਨ ਪਰੀਖਿਆ ਰਾਹੀ ਐਪਲੀਕੇਸ਼ਨ ਦਿੰਦੇ ਤਾਂ ਪਹਿਲੇ ਪੜਾਅ ਵਿਚ ਹੀ ਬਾਹਰ ਹੋ ਜਾਂਦੇ। ਹਵਾਈ ਸੈਨਾ ਨੇ ਇਸ ਸਾਲ ਜਵਾਨਾਂ ਦੀ ਭਰਤੀ ਨੂੰ ਆਨਲਾਈਨ ਕੀਤਾ ਹੈ।
ਹਵਾਈ ਸੈਨਾ ਵਿਚ ਬਤੌਰ ਜਵਾਨ ਭਰਤੀ ਹੋਣ ਲਈ ਸਾਇੰਸ ਵਿਸ਼ੇ ਤੋਂ 50 ਫੀਸਦੀ ਨੰਬਰਾਂ ਨਾਲ ਬਾਹਰਵੀਂ ਬੋਰਡ ਦੀ ਪਰੀਖਿਆ ਪਾਸ ਕਰਨਾ ਜ਼ਰੂਰੀ ਹੈ। ਹਵਾਈ ਸੈਨਾ ਮੁਤਾਬਕ ਆਫਲਾਈਨ ਪਰੀਖਿਆ ਆਯੋਜਿਤ ਕਰਨ ਲਈ ਸਾਧਨ ਸੀਮਤ ਸਨ। ਉਹ ਅਪਣੇ ਕੁਲ 13 ਕੇਂਦਰਾਂ ਤੇ ਪਰੀਖਿਆ ਆਯੋਜਿਤ ਕਰਦੇ ਸਨ। ਉਸ ਵੇਲੇ ਇਹ ਨਿਯਮ ਸੀ ਕਿ ਸਿਰਫ 1.2 ਲੱਖ ਵਿਦਿਆਰਥੀਆਂ ਨੂੰ ਹੀ ਪਰੀਖਿਆ ਲਈ ਬੁਲਾਇਆ ਜਾਵੇਗਾ, ਜਦਕਿ ਐਪਕਲੀਕੇਸ਼ਨਾਂ 4 ਲੱਖ ਤੋਂ ਵੱਧ ਹੁੰਦੀਆਂ ਸਨ। ਪੁਰਾਣੇ ਨਿਯਮ ਕਾਰਨ 76 ਫੀਸਦੀ ਤੋਂ ਘੱਟ ਨੰਬਰ ਪਾਉਣ ਵਾਲੇ ਵਿਦਿਆਰਥੀ ਐਪਲੀਕੇਸ਼ਨ ਦੇ ਪਹਿਲੇ ਪੜਾਅ ਵਿਚ ਹੀ ਬਾਹਰ ਹੋ ਜਾਂਦੇ ਸਨ। ਹੁਣ ਆਨਲਾਈਨ ਪਰੀਖਿਆ ਵਿਚ 1.2 ਲੱਖ ਦੀ ਸੀਮਾ ਹਟਾ ਲਈ ਗਈ ਹੈ
Air Force Air Vice Marshal OP Tiwari
ਅਤੇ ਸਾਰੇ ਉਮੀਦਵਾਰਾਂ ਨੂੰ ਪਰੀਖਿਆ ਵਿਚ ਬੈਠਣ ਦਾ ਮੌਕਾ ਦਿਤਾ ਗਿਆ। ਇਸਦੇ ਨਾਲ ਹੀ ਪਰੀਖਿਆ ਕੇਦਰਾਂ ਦੀ ਗਿਣਤੀ ਵਧਾ ਕੇ 118 ਕਰ ਦਿਤੀ ਗਈ ਤਾਂ ਕਿ ਵਿਦਿਆਰਥੀਆਂ ਨੂੰ ਦੂਰ ਨਾ ਜਾਣਾ ਪਵੇ। ਬਾਕਾਇਦਾ ਇਸਦੇ ਲਈ ਸੀਡੈਕ ਨੂੰ ਜਿੰਮੇਵਾਰੀ ਸੌਂਪੀ ਗਈ। ਪਹਿਲੀ ਆਨਲਾਈਨ ਪਰੀਖਿਆ ਦੀ ਇਹ ਪ੍ਰਕਿਰਿਆ ਹੁਣੇ ਜਿਹੇ ਪੂਰੀ ਕੀਤੀ ਗਈ ਹੈ। ਪਹਿਲੀ ਵਾਰ 4.5 ਲੱਖ ਵਿਦਿਆਰਥੀਆਂ ਨੂੰ ਪਰੀਖਿਆ ਵਿਚ ਬੈਠਣ ਦਾ ਮੌਕਾ ਮਿਲਿਆ। 12ਵੀਂ ਵਿਚ 50-76 ਫੀਸਦੀ ਨੰਬਰ ਲੈਣ ਵਾਲੇ ਤਿੰਨ ਹਜ਼ਾਰ ਵਿਦਿਆਰਥੀਆਂ ਨੇ ਨਾ ਸਿਰਫ ਪਰੀਖਿਆ ਪਾਸ ਕੀਤੀ,
Air Force
ਸਗੋਂ ਉਹ ਮੈਰਿਟ ਵਿਚ ਆਏ 19 ਹਜ਼ਾਰ ਵਿਦਿਆਰਥੀਆਂ ਵਿਚ ਸ਼ਾਮਿਲ ਹਨ, ਜਿਨਾਂ ਨੂੰ ਹਵਾਈ ਸੈਨਾ ਹੁਣ ਕਾਲ ਲੈਟਰ ਭੇਜ ਰਿਹਾ ਹੈ। ਇਸ ਵਾਰ ਲਗਭਗ ਤਿੰਨ ਹਜ਼ਾਰ ਭਰਤੀਆਂ ਹੋਣੀਆਂ ਹਨ। ਆਨਲਾਈਨ ਪਰੀਖਿਆ ਸ਼ੁਰੂ ਕਰਵਾਉਣ ਵਾਲੇ ਏਅਰ ਵਾਈਸ ਮਾਰਸ਼ਲ ਓ.ਪੀ.ਤਿਵਾੜੀ ਅਨੁਸਾਰ ਆਨਲਾਈਨ ਪਰੀਖਿਆ ਦੇ ਬਹੁਤ ਲਾਭ ਹੋਏ। ਯੂਪੀ ਅਤੇ ਬਿਹਾਰ ਦੇ ਬੱਚੇ ਬੋਰਡ ਵਿਚ ਘੱਟ ਨੰਬਰ ਲੈਦੇ ਸਨ। ਉਨਾਂ ਨੂੰ ਪਹਿਲੇ ਪੜਾਅ ਵਿਚ ਪਰੀਖਿਆ ਦੇਣ ਦਾ ਮੌਕਾ ਨਹੀਂ ਮਿਲਦਾ ਸੀ।
ਆਨਲਾਈਨ ਪਰੀਖਿਆ ਦੀ ਪਾਰਦਰਸ਼ਿਤਾ ਵਧੀ ਹੈ ਅਤੇ ਨਤੀਜੇ ਵੀ ਜਲਦੀ ਨਿਕਲ ਆਏ ਹਨ। ਇਸ ਵਾਰ ਰੋਲ ਨੰਬਰ ਗਵਾਚ ਜਾਣ ਵਰਗੀਆਂ ਸਮੱਸਿਆਵਾਂ ਵੀ ਨਹੀਂ ਹੋਈਆਂ ਕਿਉਂਕਿ ਇਨਾਂ ਨੂੰ ਆਨਲਾਈਨ ਡਾਉਨਲੋਡ ਕਰਨ ਦੀ ਸੁਵਿਧਾ ਦਿਤੀ ਗਈ ਸੀ। ਘੱਟ ਨੰਬਰ ਪਾਉਣ ਵਾਲੇ ਜਿਨਾਂ ਵਿਦਿਆਰਥੀਆਂ ਨੂੰ ਮੌਕੇ ਮਿਲੇ ਹਨ, ਉਨਾਂ ਵਿਚ ਜਿਆਦਾਤਰ ਉਤਰ ਪ੍ਰਦੇਸ਼ ਅਤੇ ਬਿਹਾਰ ਬੋਰਡ ਤੋਂ ਸਿੱਖਿਆ ਪ੍ਰਾਪਤ ਵਿਦਿਆਰਥੀ ਹਨ। ਇਨਾਂ ਨੂੰ ਬੋਰਡ ਵਿਚ ਘੱਟ ਨੰਬਰ ਮਿਲੇ ਹਨ।
