ਮਹਾਰਾਸ਼ਟਰ :ਅਦਾਕਾਰਾ ਸੋਨੂੰ ਸੂਦ ਜੋ ਕੋਰੋਨਾ ਵਿੱਚ ਤਾਲਾਬੰਦੀ ਦੌਰਾਨ ਹਜ਼ਾਰਾਂ ਅਤੇ ਲੱਖਾਂ ਲੋਕਾਂ ਲਈ ਮਸੀਹਾ ਬਣਿਆ ਸੀ । ਇਨ੍ਹੀਂ ਦਿਨੀਂ ਬੀਐਮਸੀ ਵੱਲੋਂ ਕੀਤੇ ਇੱਕ ਕੇਸ ਤੋਂ ਪਰੇਸ਼ਾਨ ਹੈ । ਬੀਐਮਸੀ ਨੇ ਉਨ੍ਹਾਂ ‘ਤੇ ਨਾਜਾਇਜ਼ ਉਸਾਰੀ ਦਾ ਦੋਸ਼ ਲਾਇਆ ਹੈ। ਅਭਿਨੇਤਾ ਨੇ ਇਸ ਸਮੱਸਿਆ ਨੂੰ ਅਸਿੱਧੇ ਤੌਰ 'ਤੇ ਸੋਸ਼ਲ ਮੀਡੀਆ 'ਤੇ ਜ਼ਾਹਰ ਕੀਤਾ ਹੈ ।
photoਸੋਨੂੰ ਸੂਦ ਨੇ ਅੱਜ ਟਵਿੱਟਰ 'ਤੇ ਲਿਖਿਆ- ਮਸਲਾ ਇਹ ਵੀ ਹੈ ਦੁਨੀਆ ਦਾ .. ਜੇਕਰ ਕੋਈ ਚੰਗਾ ਹੈ ਤਾਂ ਚੰਗਾ ਕਿਉਂ ਹੈ । ਕੱਲ੍ਹ ਵੀ ਸੋਨੂੰ ਸੂਦ ਨੇ ਇੱਕ ਟਵੀਟ ਕੀਤਾ ਅਤੇ ਲਿਖਿਆ,“ਨਾ ਤਾਂ ਕਿਸੇ ਦੀ ਮਦਦ ਕਰਨ ਦਾ ਮੁਹੁਰਤ ਸੀ ਅਤੇ ਨਾ ਹੀ ਕਦੇ ਹੋਵੇਗਾ। ਹੁਣ ਜਾਂ ਕਦੇ ਨਹੀਂ। ਬੀਐਮਸੀ ਨੇ ਦੋਸ਼ ਲਾਇਆ ਹੈ ਕਿ ਸੋਨੂੰ ਸੂਦ ਨੇ ਕਥਿਤ ਤੌਰ ਤੇ 6 ਮੰਜ਼ਿਲਾ ਰਿਹਾਇਸ਼ੀ ਇਮਾਰਤ ਨੂੰ ਬਿਨਾਂ ਆਗਿਆ ਦੇ ਇੱਕ ਹੋਟਲ ਵਿੱਚ ਤਬਦੀਲ ਕਰ ਦਿੱਤਾ।
photoਇਸ ਮਾਮਲੇ 'ਤੇ ਬੀਐਮਸੀ ਨੇ 7 ਜਨਵਰੀ ਨੂੰ ਇਕ ਪੁਲਿਸ ਸ਼ਿਕਾਇਤ ਦਰਜ ਕਰਵਾਈ, ਸੀ.ਬੀਐਮਸੀ ਨੇ ਪਿਛਲੇ ਸਾਲ ਅਕਤੂਬਰ ਵਿੱਚ ਸੋਨੂੰ ਸੂਦ ਨੂੰ ਇੱਕ ਨੋਟਿਸ ਜਾਰੀ ਕੀਤਾ ਸੀ। ਦਸੰਬਰ 2020 ਵਿਚ ਸੋਨੂੰ ਸੂਦ ਨੇ ਉਸ ਨੋਟਿਸ ਨੂੰ ਦੀਵਾਨੀ ਅਦਾਲਤ ਵਿਚ ਚੁਣੌਤੀ ਦਿੱਤੀ,ਪਰ ਅਦਾਲਤ ਨੇ ਉਸ ਦੀ ਪਟੀਸ਼ਨ ਰੱਦ ਕਰ ਦਿੱਤੀ। ਆਪਣੇ ਬਚਾਅ ਵਿਚ ਸੋਨੂੰ ਸੂਦ ਕੇਸ ਬਾਰੇ ਹਾਈ ਕੋਰਟ ਪਹੁੰਚੇ । ਬੰਬੇ ਹਾਈ ਕੋਰਟ 'ਤੇ ਸੁਣਵਾਈ ਕਰਦਿਆਂ 13 ਜਨਵਰੀ ਤੱਕ ਬੀਐਮਸੀ ਨੇ ਅਦਾਕਾਰ ਦੇ ਇਮਾਰਤ' ਤੇ ਕਿਸੇ ਵੀ ਕਾਰਵਾਈ 'ਤੇ ਪਾਬੰਦੀ ਲਗਾ ਦਿੱਤੀ ਹੈ।
sonu soodਹਾਈ ਕੋਰਟ ਨੇ ਬੀਐਮਸੀ ਨੂੰ ਇਸ ਮਾਮਲੇ ਵਿੱਚ ਹਲਫਨਾਮਾ ਦਾਖਲ ਕਰਨ ਲਈ ਕਿਹਾ ਸੀ। ਮੰਗਲਵਾਰ ਨੂੰ ਬੰਬੇ ਹਾਈ ਕੋਰਟ ਵਿੱਚ ਦਾਇਰ ਹਲਫ਼ਨਾਮੇ ਵਿੱਚ, ਬੀਐਮਸੀ ਨੇ ਕਿਹਾ ਹੈ ਕਿ ਬਾਲੀਵੁੱਡ ਅਭਿਨੇਤਾ ਸੋਨੂੰ ਸੂਦ ‘ਆਦਤਤਮਕ ਅਪਰਾਧੀ’ ਹਨ। ਅੱਜ ਸੋਨੂੰ ਸੂਦ ਨੇ ਮਹਾਰਾਸ਼ਟਰ ਦੇ ਦਿੱਗਜ ਨੇਤਾ ਅਤੇ ਐਨਸੀਪੀ ਦੇ ਮੁਖੀ ਸ਼ਰਦ ਪਵਾਰ ਨਾਲ ਵੀ ਮੁਲਾਕਾਤ ਕੀਤੀ। ਇਸ ਮੀਟਿੰਗ ਨੂੰ ਬੀਐਮਸੀ ਦੇ ਨੋਟਿਸ ਨਾਲ ਵੀ ਜੋੜਿਆ ਜਾ ਰਿਹਾ ਹੈ
