ਇਕ ਪਤੀ ਨੂੰ ਆਪਣੀ ਪਤਨੀ ਦਾ ਪਾਕਿਸਤਾਨੀ ਨਾਟਕ ਦੇਖਣਾ ਰਾਸ ਨਹੀਂ ਆਇਆ, ਤਾਂ ਪਤੀ ਨੇ ਉਸ ਤੇ ਤੇਜ਼ਧਾਰ ਹਥਿਆਰ ਨਾਲ ਹਮਲਾ ਕਰ ਦਿੱਤਾ।
ਮਹਾਰਾਸ਼ਟਰ : ਮਹਾਰਾਸ਼ਟਰ ਦੇ ਪੁਣੇ ਵਿਚ ਇਕ ਪਤੀ ਨੂੰ ਆਪਣੀ ਪਤਨੀ ਦਾ ਪਾਕਿਸਤਾਨੀ ਨਾਟਕ ਦੇਖਣਾ ਰਾਸ ਨਹੀਂ ਆਇਆ, ਤਾਂ ਪਤੀ ਨੇ ਉਸ ਤੇ ਤੇਜ਼ਧਾਰ ਹਥਿਆਰ ਨਾਲ ਹਮਲਾ ਕਰ ਦਿੱਤਾ। ਹਮਲੇ ਵਿਚ ਪਤਨੀ ਦੇ ਸੱਜੇ ਹੱਥ ਦਾ ਅੰਗੂਠਾ ਕੱਟ ਕੇ ਅਲੱਗ ਹੋ ਗਿਆ।
ਪੁਲਿਸ ਨੇ ਪਤਨੀ ਦੀ ਸ਼ਿਕਾਇਤ ‘ਤੇ ਪਤੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਪੁਲਿਸ ਮੁਤਾਬਿਕ, ਬੈਨਰ ਲਗਾਉਣ ਦਾ ਕੰਮ ਕਰਨ ਵਾਲੇ ਆਸਿਫ਼ ਨਾਇਬ ਦੀ ਆਪਣੀ ਪਤਨੀ ਨਰਗਿਸ ਨਾਲ ਕੁੱਝ ਦਿਨਾਂ ਤੋਂ ਅਣਬਣ ਚੱਲ ਰਹੀ ਸੀ।
ਸੋਮਵਾਰ ਨੂੰ ਆਸਿਫ਼ ਘਰ ‘ਤੇ ਟੀਵੀ ਦੇਖ ਰਿਹਾ ਸੀ ਅਤੇ ਪਤਨੀ ਦੂਜੇ ਕਮਰੇ ਵਿਚ ਮੋਬਾਇਲ ‘ਤੇ ਪਾਕਿਸਤਾਨੀ ਨਾਟਕ ਦੇਖ ਰਹੀ ਸੀ। ਉਸੇ ਸਮੇਂ ਆਸਿਫ਼ ਭੜਕ ਗਿਆ ਅਤੇ ਉਸ ਨੇ ਤੇਜ਼ਧਾਰ ਹਥਿਆਰ ਨਾਲ ਆਪਣੀ ਪਤਨੀ ‘ਤੇ ਹਮਲਾ ਕਰ ਦਿੱਤਾ।
ਨਰਗਿਸ ਨੇ ਵਾਰ ਰੋਕਣ ਲਈ ਹੱਥ ਅੱਗੇ ਕੀਤਾ, ਤਾਂ ਉਸਦੇ ਸੱਜੇ ਹੱਥ ਦਾ ਅੰਗੂਠਾ ਕੱਟ ਕੇ ਡਿੱਗ ਗਿਆ। ਇਸੇ ਦੌਰਾਨ ਨਰਗਿਸ ਦੀ ਅਵਾਜ਼ ਸੁਣ ਕੇ ਗੁਆਂਢੀ ਉੱਥੇ ਆਏ ‘ਤੇ ਉਹਨਾਂ ਨੇ ਉਸ ਨੂੰ ਹਸਪਤਾਲ ਭਰਤੀ ਕਰਵਾਇਆ।