‘ਦਿ ਵੌਇਸ ਆਫ ਸਲੱਮ’ ਦੇ ਸੰਸਥਾਪਕ ਦੇਵ ਪ੍ਰਤਾਪ ਸਿੰਘ ਨੇ ਦੱਸਿਆ ਹੈ ਕਿ ਕੋਰੋਨਾ ਕਰਕੇ ਅਸੀਂ ਕਈ ਝੁੱਗੀਆਂ ਦੇ ਲੋਕਾਂ ਨੂੰ ਇਲਾਜ ਦੀ ਘਾਟ ਕਾਰਨ ਮਰਦੇ ਵੇਖਿਆ ਹੈ।
ਨਵੀਂ ਦਿੱਲੀ - ਕੋਰੋਨਾ ਦੇ ਇਸ ਸੰਕਟ ਵਿਚ ਆਕਸੀਜਨ ਦੀ ਵੀ ਵੱਡੀ ਕਮੀ ਦੇਖਣ ਨੂੰ ਮਿਲੀ ਹੈ। ਇਸ ਸੰਕਟ ਨੂੰ ਦੇਖਦੇ ਹੋਏ ਕਈ ਨਾਮੀ ਸੰਸਥਾਵਾਂ ਜਾਂ ਕਹਿ ਲਈਏ ਕਿ ਕਈ ਅਮੀਰ ਹਸਤੀਆਂ ਨੇ ਆਕਸੀਜਨ ਦੀ ਮੁਫ਼ਤ ਸੇਵਾ ਕੀਤੀ। ਹੁਣ ਇਸ ਕਮੀ ਦੇ ਚਲਦੇ ਨੋਇਡਾ ਦਾ ਇਕ ਗੈਰ-ਸਰਕਾਰੀ ਸੰਗਠਨ ਲੋੜਵੰਦ ਲੋਕਾਂ ਦੀ ਮਦਦ ਕਰਨ ਲਈ ਅੱਗੇ ਆਇਆ ਹੈ।
Oxygen Concentrator
‘ਦਿ ਵੌਇਸ ਆਫ ਸਲੱਮ’ ਨਾਂ ਦਾ ਐੱਨ.ਜੀ.ਓ. ਝੁੱਗੀਆਂ ’ਚ ਰਹਿਣ ਵਾਲੇ ਲੋਕਾਂ ਨੂੰ ਸਿਰਫ਼ ਇਕ ਰੁਪਏ ’ਚ ਕਿਰਾਏ ’ਤੇ ਆਕਸੀਜਨ ਕੰਸਨਟ੍ਰੇਟਰ ਉਪਲੱਬਧ ਕਰਵਾ ਰਿਹਾ ਹੈ। ‘ਦਿ ਵੌਇਸ ਆਫ ਸਲੱਮ’ ਦੇ ਸੰਸਥਾਪਕ ਦੇਵ ਪ੍ਰਤਾਪ ਸਿੰਘ ਨੇ ਦੱਸਿਆ ਹੈ ਕਿ ਕੋਰੋਨਾ ਮਹਾਮਾਰੀ ਦੇ ਆਉਣ ਤੋਂ ਬਾਅਦ ਅਸੀਂ ਕਈ ਝੁੱਗੀਆਂ ’ਚ ਰਹਿਣ ਵਾਲੇ ਲੋਕਾਂ ਨੂੰ ਇਲਾਜ ਦੀ ਘਾਟ ਕਾਰਨ ਮਰਦੇ ਵੇਖਿਆ ਹੈ।
corona Viru
ਉਨ੍ਹਾਂ ਅੱਗੇ ਕਿਹਾ ਕਿ ਅਜਿਹੇ ’ਚ ਲੋਕਾਂ ਕੋਲ ਆਕਸੀਜਨ ਕੰਸਨਟ੍ਰੇਟਰ ਅਤੇ ਸਿਲੰਡਰ ਦੀ ਗੱਲ ਤਾਂ ਛੱਡੋ, ਖਾਣ ਲਈ ਭੋਜਨ ਅਤੇ ਸਵੱਛਤਾ ਵਰਗੀਆਂ ਬੁਨਿਆਦੀ ਲੋੜਾਂ ਦੀ ਵੀ ਕਮੀ ਹੈ। ਇਸੇ ਲਈ ਉਹ ਉਹਨਾਂ ਲੋੜਵੰਦਾਂ ਦੀ ਮਦਦ ਕਰ ਰਹੇ ਹਨ। ਜਾਣਕਾਰੀ ਮੁਤਾਬਕ, ਇਹ ਐੱਨ.ਜੀ.ਓ., ਉਪਕਰਣਾਂ ਨੂੰ ਪ੍ਰਾਪਤ ਕਰਨ ਲਈ ਡੋਨੇਟਕਾਰਟ ਅਤੇ ਹੋਰ ਕ੍ਰਾਊਡਫੰਡਿੰਗ ਪਲੇਟਫਾਰਮਾਂ ਰਾਹੀਂ ਲੋਕਾਂ ਤੋਂ ਮਦਦ ਮੰਗਦਾ ਹੈ। ਇਹ ਐੱਨ.ਜੀ.ਓ. 1 ਲੱਖ ਰੁਪਏ ਤੋਂ ਜ਼ਿਆਦਾ ਦੇ ਉਪਕਰਣ ਸਿਰਫ਼ 1 ਰੁਪਏ ’ਚ ਕਿਰਾਏ ’ਤੇ ਦਿੰਦਾ ਹੈ। ਹੁਣ ਤੱਕ ਇਸ ਐੱਨ.ਜੀ.ਓ. ਨੇ ਸਲੱਮ ਖ਼ੇਤਰਾਂ ’ਚ ਲਗਭਗ 62 ਲੋਕਾਂ ਦੀ ਜਾਨ ਬਚਾਈ ਹੈ।
