ਹਰਿਆਣੇ ਦੀ ਕਿਸਾਨ ਬੀਬੀ ਨੇ ਦਸਤਾਰ ਸਜਾ ਮਾਰੀ ਕੇਂਦਰ ਸਰਕਾਰ ਨੂੰ ਬੜ੍ਹਕ, ਕੀਤਾ ਜਾਨ ਵਾਰਨ ਦਾ ਐਲਾਨ
ਨਵੀਂ ਦਿੱਲੀ (ਅਰਪਨ ਕੌਰ): ਹਰਿਆਣਾ ਦੇ ਸੋਨੀਪਤ ਤੋਂ ਮਹਿਲਾ ਕਿਸਾਨ ਵਿੰਗ ਦੀ ਆਗੂ ਰਮੇਸ਼ ਅੰਤਿਲ ਨੇ ਸਪੋਕਸਮੈਨ ਨਾਲ ਗੱਲ ਕਰਦਿਆਂ ਕਿਹਾ ਸਰਕਾਰ ਚਾਹੇ ਸਾਨੂੰ ਗੋਲੀਆਂ ਨਾਲ ਮਾਰੇ ਭਾਵੇਂ ਸਾਨੂੰ ਜ਼ਿੰਦਾ ਫੂਕ ਦੇਵੇ ਪਰ ਅਸੀਂ ਪਿੱਛੇ ਨਹੀਂ ਹਟਾਂਗੇ।
Ramesh Antil
26 ਜਨਵਰੀ ਦੀ ਪਰੇਡ ਬਾਰੇ ਗੱਲ ਕਰਦਿਆਂ ਉਹਨਾਂ ਕਿਹਾ ਕਿ ਰਮੇਸ਼ ਅੰਤਿਲ ਦੀ ਮਹਿਲਾ ਟੀਮ ਸਭ ਤੋਂ ਅੱਗੇ ਜਾਵੇਗੀ ਅਤੇ ਅਸੀਂ ਲਾਠੀਆਂ ਗੋਲੀਆਂ ਚਲਾਉਣ ਵਾਲੇ ਨਹੀਂ ਹਾਂ। ਇਹ ਕੰਮ ਸਰਕਾਰਾਂ ਦਾ ਹੈ ਤੇ ਅਸੀਂ ਸਾਹਮਣੇ ਆ ਕੇ ਸ਼ਹੀਦ ਹੋ ਜਾਵਾਂਗੇ ਪਰ ਕੁਝ ਘਾਤਕ ਨਹੀਂ ਕਰਾਂਗੇ। ਉਹਨਾਂ ਕਿਹਾ ਕਿ ਅਸੀਂ ਸ਼ਾਂਤੀ ਨਾਲ 26 ਜਨਵਰੀ ਦੀ ਪਰੇਡ ਵਿਚ ਸ਼ਾਮਿਲ ਹੋਵਾਂਗੇ|
Tractors March
ਨੈਸ਼ਨਲ ਮੀਡਿਆ ਬਾਰੇ ਬੋਲਦਿਆਂ ਉਹਨਾਂ ਕਿਹਾ ਕਿ ਨੈਸ਼ਨਲ ਮੀਡਿਆ ਸਹੀ ਖ਼ਬਰਾਂ ਨਹੀਂ ਦਿਖਾ ਰਿਹਾ| ਉਹਨਾਂ ਕਿਹਾ ਕਿ ਸਰਕਾਰ ਰੋ ਰਹੀ ਹੈ ਤੇ ਸਰਕਾਰ ਟਰੈਕਟਰ ਮਾਰਚ ਦੀ ਰਿਹਰਸਲ ਤੋਂ ਬਾਅਦ ਹੀ ਡਰੀ ਹੋਈ| ਰਮੇਸ਼ ਅੰਤਿਲ ਨੇ ਦੱਸਿਆ ਕਿ 2 ਲੱਖ ਟਰੈਕਟਰ ਹਰਿਆਣਾ ਦੇ ਜੀਂਦ ਤੋਂ ਕੂਚ ਕਰੇਗਾ ਅਤੇ ਔਰਤਾਂ ਨੂੰ ਵੀ ਟਰੈਕਟਰ ਚਲਾਉਣ ਦੀ ਸਿਖਲਾਈ ਵੀ ਦਿੱਤੀ ਜਾ ਰਹੀ ਹੈ|
