ਤਾਮਿਲਨਾਡੂ ਦੀ ਸਿਆਸਤ ਲਈ ਅੱਜ ਇਕ ਮਹੱਤਵਪੂਰਣ ਦਿਨ ਹੈ ਕਿਉਂਕਿ ਅੰਨਾਦਰਮੁਕ ਦੇ 18 ਵਿਧਾਇਕਾਂ ਨੂੰ ਅਯੋਗ ਦੱਸੇ ਜਾਣ ਨੂੰ ਚੁਣੌਤੀ ਦੇਣ ਵਾਲੀ ਅਰਜ਼ੀ....
ਤਾਮਿਲਨਾਡੂ ਦੀ ਸਿਆਸਤ ਲਈ ਅੱਜ ਇਕ ਮਹੱਤਵਪੂਰਣ ਦਿਨ ਹੈ ਕਿਉਂਕਿ ਅੰਨਾਦਰਮੁਕ ਦੇ 18 ਵਿਧਾਇਕਾਂ ਨੂੰ ਅਯੋਗ ਦੱਸੇ ਜਾਣ ਨੂੰ ਚੁਣੌਤੀ ਦੇਣ ਵਾਲੀ ਅਰਜ਼ੀ ਉੱਤੇ ਮਦਰਾਸ ਉੱਚ ਅਦਾਲਤ ਥੋੜ੍ਹੀ ਦੇਰ ਵਿਚ ਫੈਸਲਾ ਸੁਣਾ ਸਕਦੀ ਹੈ। ਇਨ੍ਹਾਂ ਸਾਰੇ ਵਿਧਾਇਕਾਂ ਨੂੰ ਅੰਨਾਦਰਮੁਕ ਦੇ ਬਾਗੀ ਨੇਤਾ ਟੀਟੀਵੀ ਦਿਨਾਕਰਣ ਦੇ ਨਾਲ ਵਫਾਦਾਰੀ ਨਿਭਾਉਣ ਕਾਰਨ ਅਯੋਗ ਘੋਸ਼ਿਤ ਕਰ ਦਿੱਤਾ ਗਿਆ ਸੀ।
Edappadi K. Palaniswamiਇਸ ਸਾਰੇ ਵਿਧਾਇਕਾਂ ਨੂੰ ਸਪੀਕਰ ਪੀ ਧਨਪਾਲ ਨੇ ਅਯੋਗ ਠਹਿਰਾ ਦਿੱਤਾ ਸੀ ਜਿਸ ਤੋਂ ਬਾਅਦ ਸਭ ਨੇ ਇਸ ਫੈਸਲੇ ਦੇ ਖਿਲਾਫ ਮਦਰਾਸ ਹਾਈਕੋਰਟ ਦਾ ਦਰਵਾਜ਼ਾ ਖੜਕਾਇਆ। ਦੱਸ ਦਈਏ ਕਿ ਅੱਜ 2 ਜੱਜਾਂ ਦੀ ਬੈਂਚ ਇਨ੍ਹਾਂ ਵਿਧਾਇਕਾਂ ਦੀ ਕਿਸਮਤ 'ਤੇ ਅਪਣਾ ਫ਼ੈਸਲਾ ਸੁਣੇਗੀ। ਅਦਾਲਤ ਦੇ ਫੈਸਲੇ ਤੋਂ ਪਹਿਲਾਂ ਜਿਥੇ ਮੁੱਖ ਮੰਤਰੀ ਪਲਾਨੀਸਵਾਮੀ ਦੇ ਘਰ ਵੱਡੇ ਨੇਤਾਵਾਂ ਦੀ ਬੈਠਕ ਚੱਲ ਰਹੀ ਹੈ ਉਥੇ ਹੀ ਦਿਨਾਕਰਣ ਨੇ ਵੀ 18 ਵਿਧਾਇਕਾਂ ਦੀ ਬੈਠਕ ਬੁਲਾਈ ਹੈ। ਕੋਰਟ ਦੇ ਫੈਸਲੇ ਦਾ ਸਿੱਧਾ ਅਸਰ ਰਾਜ ਦੀ ਸਰਕਾਰ ਉੱਤੇ ਪੈ ਸਕਦਾ ਹੈ।
ਅਜਿਹੇ ਵਿਚ ਜੇਕਰ ਕੋਰਟ ਸਪੀਕਰ ਦੇ ਫੈਸਲੇ ਨੂੰ ਗਲਤ ਠਹਿਰਾਉਂਦਾ ਹੈ ਤਾਂ ਵਿਧਾਨ ਸਭਾ ਵਿਚ ਵਰਤਮਾਨ ਸਰਕਾਰ ਨੂੰ ਬਹੁਮਤ ਸਿੱਧ ਕਰਨਾ ਪਵੇਗਾ। ਜਿਸ ਵਿਚ ਪਲਾਨੀਸਵਾਮੀ ਨੂੰ ਵਿਧਾਇਕਾਂ ਦੀ ਸਮਰੱਥ ਗਿਣਤੀ ਇਕੱਠੀ ਕਰਨ ਵਿਚ ਪਰੇਸ਼ਾਨੀ ਹੋ ਸਕਦੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ 'ਏਆਈਡੀਏਐਮਕੇ' (AIDAMK) ਦੇ ਵੀ ਕੁੱਝ ਵਿਧਾਇਕ ਅਪਣਾ ਪਾੜਾ ਬਦਲ ਸਕਦੇ ਹਨ। ਜੇਕਰ ਕੋਰਟ ਸਪੀਕਰ ਦੇ ਫੈਸਲੇ ਨੂੰ ਠੀਕ ਮੰਨਦੀ ਹੈ ਤਾਂ ਸਾਰੀਆਂ 18 ਵਿਧਾਨ ਸਭਾ ਸੀਟਾਂ ਉੱਤੇ ਦੁਬਾਰਾ ਚੋਣਾਂ ਹੋਣਗੀਆਂ।
Edappadi K. Palaniswamiਵਰਤਮਾਨ 'ਚ ਤਾਮਿਲਨਾਡੂ ਵਿਚ ਵਿਧਾਨ ਸਭਾ ਦੀਆਂ 234 ਸੀਟਾਂ ਹਨ। ਜਿਸ ਵਿਚੋਂ 'ਏਆਈਡੀਏਐਮਕੇ' (AIDAMK) ਦੇ ਕੋਲ 114, 'ਡੀਐਮਕੇ' (DMK) ਦੇ ਕੋਲ 98 ਅਤੇ ਟੀਟੀਵੀ (TTV) ਦੇ ਕੋਲ ਇੱਕ ਵਿਧਾਇਕ ਹੈ। ਇਸ ਤੋਂ ਇਲਾਵਾ 18 ਵਿਧਾਇਕ ਅਜਿਹੇ ਹਨ ਜਿਨ੍ਹਾਂ ਦੀ ਕਿਸਮਤ ਦਾ ਫੈਸਲਾ ਮਦਰਾਸ ਹਾਈਕੋਰਟ ਵੱਲੋਂ ਹੋਣਾ ਅਜੇ ਬਾਕੀ ਹੈ।
O. Panneerselvamਇਨ੍ਹਾਂ 18 ਵਿਧਾਇਕਾਂ ਨੇ ਦੂਜੇ ਲੋਕਾਂ ਦੇ ਨਾਲ ਮਿਲਕੇ ਪਿਛਲੇ ਸਾਲ 22 ਅਗਸਤ ਨੂੰ ਰਾਜਪਾਲ ਸੀ ਵਿਦਿਆ ਸਾਗਰ ਨਾਲ ਮੁਲਾਕਾਤ ਕੀਤੀ ਸੀ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਉਹ ਪਲਾਨੀਸਵਾਮੀ ਸਰਕਾਰ ਵਿਚ ਆਪਣਾ ਵਿਸ਼ਵਾਸ ਖੋਹ ਚੁੱਕੇ ਹਨ ਉਨ੍ਹਾਂ ਵੱਲੋਂ ਪਲਾਨੀਸਵਾਮੀ-ਪੰਨੀਰਸੇਲਵਮ ਸਰਕਾਰ ਤੋਂ ਅਪਣਾ ਸਮਰਥਨ ਵਾਪਸ ਲੈ ਲਿਆ ਸੀ।
