ਬਿਹਾਰ ਦੀ ਲੋਕ ਜਨਸ਼ਕਤੀ ਪਾਰਟੀ (ਐਲਜੇਪੀ) ਦੇ ਪ੍ਰਧਾਨ ਅਤੇ ਕੇਂਦਰੀ ਮੰਤਰੀ ਰਾਮਵਿਲਾਸ ਪਾਸਵਾਨ ਦੀ ਧੀ ਨੇ ਵੀ ਹੁਣ ਪਿਤਾ ਵਿਰੁਧ ਚੋਣ ਲੜਨ ਦੀ ਇੱਛਾ ਜਤਾਈ ਹੈ। ਵੀਰਵਾ...
ਪਟਨਾ : ਬਿਹਾਰ ਦੀ ਲੋਕ ਜਨਸ਼ਕਤੀ ਪਾਰਟੀ (ਐਲਜੇਪੀ) ਦੇ ਪ੍ਰਧਾਨ ਅਤੇ ਕੇਂਦਰੀ ਮੰਤਰੀ ਰਾਮਵਿਲਾਸ ਪਾਸਵਾਨ ਦੀ ਧੀ ਨੇ ਵੀ ਹੁਣ ਪਿਤਾ ਵਿਰੁਧ ਚੋਣ ਲੜਨ ਦੀ ਇੱਛਾ ਜਤਾਈ ਹੈ। ਵੀਰਵਾਰ ਨੂੰ ਪਾਸਵਾਨ ਦੀ ਧੀ ਆਸ ਪਾਸਵਾਨ ਨੇ ਐਲਾਨ ਕੀਤਾ ਕਿ ਜੇਕਰ ਉਨ੍ਹਾਂ ਨੂੰ ਰਾਸ਼ਟਰੀ ਜਨਤਾ ਦਲ (ਆਰਜੇਡੀ) ਤੋਂ ਟਿਕਟ ਮਿਲਦਾ ਹੈ ਤਾਂ ਉਹ ਹਾਜੀਪੁਰ ਲੋਕਸਭਾ ਸੀਟ 'ਤੇ ਚੋਣ ਲੜਨ ਲਈ ਤਿਆਰ ਹਨ। ਦੱਸ ਦਈਏ ਕਿ ਪਾਸਵਾਨ ਇਸ ਲੋਕਸਭਾ ਸੀਟ ਤੋਂ ਚੁੱਣੇ ਜਾਂਦੇ ਰਹੇ ਹਨ।
RJD
ਐਲਜੇਪੀ ਮੁਖੀ 'ਤੇ ਸਿਰਫ਼ ਅਪਣੇ ਬੇਟੇ ਅਤੇ ਜਵਾਈ ਸੰਸਦ ਚਿਰਾਗ ਪਾਸਵਾਨ ਨੂੰ ਵਧਾਵਾ ਦੇਣ ਅਤੇ ਅਪਣੇ ਆਪ ਦੀ ਅਣਦੇਖੀ ਦਾ ਇਲਜ਼ਾਮ ਲਗਾਉਂਦੇ ਹੋਏ ਆਸ਼ਾ ਪਾਸਵਾਨ ਨੇ ਅਪਣੇ ਪਿਤਾ ਉਤੇ ਜੰਮ ਕੇ ਹਮਲਾ ਬੋਲਿਆ। ਆਸ਼ਾ ਨੇ ਪਾਸਵਾਨ 'ਤੇ ਕੁੜੀਆਂ ਨਾਲ ਹਮੇਸ਼ਾ ਭੇਦਭਾਵ ਦਾ ਇਲਜ਼ਾਮ ਲਗਾਉਂਦੇ ਹੋਏ ਕਿਹਾ ਕਿ ਮੈਨੂੰ ਤਵੱਜੋ ਨਹੀਂ ਦਿਤੀ ਗਈ, ਜਦੋਂ ਕਿ ਚਿਰਾਗ ਨੂੰ ਐਲਜੇਪੀ ਸੰਸਦੀ ਦਲ ਦਾ ਨੇਤਾ ਬਣਾ ਦਿਤਾ ਗਿਆ। ਜੇਕਰ ਆਰਜੇਡੀ ਮੈਨੂੰ ਟਿਕਟ ਦਿੰਦੀ ਹੈ ਤਾਂ ਮੈਂ ਹਾਜੀਪੁਰ ਤੋਂ ਚੋਣ ਲੜਾਂਗੀ। ਆਸ਼ਾ ਰਾਮਵਿਲਾਸ ਪਾਸਵਾਨ ਦੀ ਪਹਿਲੀ ਪਤਨੀ ਰਾਜਕੁਮਾਰੀ ਦੇਵੀ ਦੀ ਦੋ ਬੇਟੀਆਂ ਵਿਚੋਂ ਇਕ ਹੈ।
Asha Paswan
ਪਾਸਵਾਨ ਦੀ ਦੂਜੀ ਪਤਨੀ ਰੀਨਾ ਪਾਸਵਾਨ ਤੋਂ ਚਿਰਾਗ ਅਤੇ ਇਕ ਧੀ ਹੈ। ਪਾਸਵਾਨ ਨੇ 1981 ਵਿਚ ਰਾਜਕੁਮਾਰੀ ਨੂੰ ਤਲਾਕ ਦੇਣ ਤੋਂ ਬਾਅਦ 1983 ਵਿਚ ਰੀਨਾ ਨਾਲ ਵਿਆਹ ਕੀਤਾ ਸੀ। ਆਸ਼ਾ ਪਟਨਾ ਵਿਚ ਅਪਣੇ ਪਤੀ ਅਨਿਲ ਸਾਧੁ ਦੇ ਨਾਲ ਰਹਿੰਦੀ ਹੈ, ਜੋਕਿ ਐਲਜੇਪੀ ਦੀ ਦਲਿਤ ਫੌਜ ਦੇ ਪ੍ਰਦੇਸ਼ ਪ੍ਰਧਾਨ ਸਨ। ਪਾਸਵਾਨ ਨਾਲ ਮੱਤਭੇਦਾਂ ਤੋਂ ਬਾਅਦ ਇਸ ਸਾਲ ਮਾਰਚ ਵਿਚ ਉਨ੍ਹਾਂ ਨੇ ਐਲਜੇਪੀ ਤੋਂ ਅਸਤੀਫਾ ਦੇ ਕੇ ਆਰਜੇਡੀ ਜੁਆਇਨ ਕੀਤੀ ਸੀ। ਸਾਧੁ ਨੇ ਵੀ ਬੁੱਧਵਾਰ ਨੂੰ ਕਿਹਾ ਸੀ ਕਿ ਉਹ ਅਪਣੇ ਸਸੁਰ ਵਿਰੁਧ ਹਾਜੀਪੁਰ ਤੋਂ ਚੋਣ ਲੜਨਾ ਚਾਹੁੰਦੇ ਹਨ।
LJP
ਪਾਸਵਾਨ ਦੇ ਜਵਾਈ ਅਨਿਲ ਸਾਧੁ ਨੇ ਕਿਹਾ ਕਿ ਜੇਕਰ ਆਰਜੇਡੀ ਨੇ ਮੈਨੂੰ ਜਾਂ ਮੇਰੀ ਪਤਨੀ ਆਸ਼ਾ ਪਾਸਵਾਨ ਨੂੰ ਟਿਕਟ ਦਿਤਾ, ਤਾਂ ਨਿਸ਼ਚਿਤ ਤੌਰ 'ਤੇ ਅਸੀਂ ਪਾਸਵਾਨ ਪਰਵਾਰ ਵਿਰੁਧ ਚੋਣ ਮੈਦਾਨ ਵਿਚ ਉਤਰਾਂਗੇ। ਅਨਿਲ ਨੇ ਪਾਸਵਾਨ 'ਤੇ ਖੁਦ ਦੇ ਬੇਇੱਜ਼ਤੀ ਦਾ ਇਲਜ਼ਾਮ ਲਗਾਉਂਦੇ ਹੋਏ ਕਿਹਾ ਕਿ ਉਨ੍ਹਾਂ ਲੋਕਾਂ ਨੇ (ਪਾਸਵਾਨ ਪਰਵਾਰ) ਸਿਰਫ਼ ਮੇਰੀ ਬੇਇੱਜਤੀ ਨਹੀਂ ਕੀਤੀ ਹੈ, ਸਗੋਂ ਐਸਸੀ /ਐਸਟੀ (ਅਨੁਸੂਚੀਤ ਜਾਤੀ ਅਤੇ ਅਨੁਸੂਚੀਤ ਜਨਜਾਤੀ) ਦੀ ਵੀ ਬੇਇੱਜ਼ਤੀ ਕੀਤੀ ਹੈ। ਦਲਿਤ ਉਨ੍ਹਾਂ ਦੇ ਕੈਦੀ ਮਜਦੂਰ ਨਹੀਂ ਹਨ।
