File Photo
ਰਾਜਸਥਾਨ ਦੇ ਸਵਾਈ ਮਾਧੋਪੁਰ 'ਚ ਇਕ ਨਵੀਂ ਵਿਆਹੀ ਲਾੜੀ ਨੇ ਪੁਲ 'ਤੇ ਗੱਡੀ ਰੁਕਵਾ ਕੇ ਚੰਬਲ ਨਦੀ 'ਚ ਛਾਲ ਮਾਰ ਦਿਤੀ। ਇਹ ਦੇਖ ਕੇ ਪਰਵਾਰ ਵਾਲੇ ਹੈਰਾਨ ਰਹਿ ਗਏ
ਰਾਜਸਥਾਨ, 14 ਜੂਨ : ਰਾਜਸਥਾਨ ਦੇ ਸਵਾਈ ਮਾਧੋਪੁਰ 'ਚ ਇਕ ਨਵੀਂ ਵਿਆਹੀ ਲਾੜੀ ਨੇ ਪੁਲ 'ਤੇ ਗੱਡੀ ਰੁਕਵਾ ਕੇ ਚੰਬਲ ਨਦੀ 'ਚ ਛਾਲ ਮਾਰ ਦਿਤੀ। ਇਹ ਦੇਖ ਕੇ ਪਰਵਾਰ ਵਾਲੇ ਹੈਰਾਨ ਰਹਿ ਗਏ ਅਤੇ ਉਨ੍ਹਾਂ ਨੂੰ ਕੁੱਝ ਸਮਝ ਨਹੀਂ ਆਇਆ ਕਿ ਇਹ ਕੀ ਹੋ ਗਿਆ। ਕੁੜੀ ਦੇ ਪਰਵਾਰ ਵਾਲਿਆਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਦਰਅਸਲ ਸਵਾਈ ਮਾਧੋਪੁਰ ਦੇ ਅੱਲਾਹਪੁਰ ਪਿੰਡ 'ਚ ਧੂਮਧਾਮ ਨਾਲ ਇਕ ਕੁੜੀ ਦਾ ਵਿਆਹ ਹੋਇਆ। ਵਿਆਹ ਤੋਂ ਬਾਅਦ ਕੁੜੀ ਅਪਣੇ ਪਤੀ ਨਾਲ ਪਹਿਲੀ ਵਾਰ ਸਹੁਰੇ ਘਰ ਜਾਣ ਲਈ ਆਪਣੇ ਘਰ ਤੋਂ ਵਿਦਾ ਹੋਈ। ਲਾੜੀ ਨੇ ਚੰਬਲ ਨਦੀ 'ਤੇ ਬਣੇ ਪੁਲ 'ਤੇ ਉਲਟੀ ਹੋਣ ਦੇ ਬਹਾਨੇ ਬੋਲੈਰੋ ਗੱਡੀ ਰੁਕਵਾ ਦਿਤੀ। ਕੁੜੀ ਗੱਡੀ ਤੋਂ ਬਾਹਰ ਨਿਕਲੀ ਅਤੇ ਜਦੋਂ ਤਕ ਲੋਕ ਕੁੱਝ ਸਮਝ ਪਾਉਂਦੇ ਉਸ ਨੇ ਪੁਲ ਦੀ ਰੇਲਿੰਗ ਤੋਂ ਨਦੀ 'ਚ ਛਾਲ ਮਾਰ ਦਿੱਤੀ। ਇਹ ਦੇਖ ਕੇ ਲਾੜਾ ਅਤੇ ਉਸ ਦੇ ਸਾਥੀ ਚੀਕਣ ਲੱਗੇ, ਜਿਸ ਨੂੰ ਸੁਣ ਕੇ ਉਥੇ ਸਥਾਨਕ ਲੋਕ ਜਮ੍ਹਾਂ ਹੋ ਗਏ। ਪੁਲਿਸ ਵੀ ਮੌਕੇ 'ਤੇ ਪਹੁੰਚ ਗਈ। (ਏਜੰਸੀ)
