ਨਮਾਜ਼ ਅਦਾ ਕਰਨ ਦੇ ਲਈ ਮੁਸਲਿਮ ਔਰਤਾਂ ਨੂੰ ਮਸਜਿਦਾਂ ਵਿਚ ਦਾਖਲ ਦੀ ਮੰਗ ਨੂੰ ਲੈ ਕੇ ਦਾਖਲ ਜਨਤਕ ਪਟੀਸ਼ਨ ‘ਤੇ ਸੁਪਰੀਮ ਕੋਰਟ...
ਨਵੀਂ ਦਿੱਲੀ : ਨਮਾਜ਼ ਅਦਾ ਕਰਨ ਦੇ ਲਈ ਮੁਸਲਿਮ ਔਰਤਾਂ ਨੂੰ ਮਸਜਿਦਾਂ ਵਿਚ ਦਾਖਲ ਦੀ ਮੰਗ ਨੂੰ ਲੈ ਕੇ ਦਾਖਲ ਜਨਤਕ ਪਟੀਸ਼ਨ ‘ਤੇ ਸੁਪਰੀਮ ਕੋਰਟ ਅੱਜ ਸੁਣਵਾਈ ਕਰ ਸਕਦਾ ਹੈ। ਜਸਟਿਸ ਐਸਏ ਬੋਬਡਾ ਅਤੇ ਜਸਟਿਸ ਅਬਦੁਲ ਨਜ਼ੀਰ ਦੀ ਬੈਂਚ ਪਟੀਸ਼ਨ ‘ਤੇ ਸੁਣਵਾਈ ਕਰੇਗੀ। ਮੁਸਲਿਮ ਔਰਤਾਂ ਦੇ ਮਸਜਿਦਾਂ ਵਿਚ ਦਾਖਲ ਕਰਕੇ ਨਮਾਜ਼ ਪੜਨ ਦੀ ਮੰਗ ਨੂੰ ਲੈ ਕੇ ਸੋਮਵਾਰ ਨੂੰ ਪਟੀਸ਼ਨ ਦਾਇਰ ਕੀਤੀ ਸੀ।
Muslim Women
ਮੁਸਲਿਮ ਜੋੜਾ ਯਾਸੀਨ ਜੁਬੇਰ ਅਹਿਮਦ ਪੀਰਜਾਦੇ ਅਤੇ ਜੁਬੇਰ ਅਹਿਮਦ ਨਜ਼ੀਰ ਅਹਿਮਦ ਪੀਰਜਾਦੇ ਨੇ ਇਹ ਪਟੀਸ਼ਨ ਦਾਖਲ ਕੀਤੀ ਸੀ ਅਤੇ ਮੰਗ ਕੀਤੀ ਸੀ ਕਿ ਸੁਪਰੀਮ ਕੋਰਟ ਆਲ ਇੰਡੀਆ ਮੁਸਲਿਮ ਪ੍ਰਸਨਲ ਲਾਅ ਬੋਰਡ ਅਤੇ ਸੈਂਟਰਲ ਬਕਫ਼ ਕਾਉਂਸਿਲ ਨੂੰ ਦਿਸ਼ਾ-ਨਿਰਦੇਸ਼ ਜਾਰੀ ਕਰੇ ਕਿ ਔਰਤਾਂ ਨੂੰ ਵੀ ਮਸਜਿਦਾਂ ਵਿਚ ਨਮਾਜ਼ ਅਦਾ ਕਰਨ ਲਈ ਦਾਖਲਾ ਮਿਲੇ।
Muslim Women
ਪਟੀਸ਼ਨ ਵਿਚ ਔਰਤਾਂ ਦੇ ਦਾਖਲ ਅਤੇ ਨਮਾਜ਼ ਅਦਾ ਕਰਨ ‘ਤੇ ਲੱਗੀ ਰੋਕ ਨੂੰ ਭੇਦ-ਭਾਵ ਦੱਸਿਆ ਗਿਆ ਹੈ ਤੇ ਕਿਹਾ ਕਿ ਇਸ ਰੋਕ ਨੂੰ ਗੈਰਕਾਨੂੰਨੀ ਕਰਾਰ ਦਿੱਤਾ ਜਾਵੇ ਕਿਉਂਕਿ ਇਹ ਰੋਕ ਗੈਰਕਾਨੂੰਨੀ ਹੈ ਅਤੇ ਅਨੁਛੇਦ 14,15,21,25 ਅਤੇ 29 ਦੇ ਵਿਰੁੱਧ ਹੈ।
Muslim Women
ਜ਼ਿਕਰਯੋਗ ਹੈ ਕਿ ਸੁਨੀ ਮਸਜਿਦਾਂ ਵਿਚ ਔਰਤਾਂ ਨੂੰ ਅੰਦਰ ਦਾਖਲ ਕਰਕੇ ਨਮਾਜ਼ ਅਦਾ ਕਰਨ ‘ਤੇ ਰੋਕ ਹੈ। ਹਾਲਾਂਕਿ ਭਾਰਤ ਵਿਚ ਦਿੱਲੀ ਦੀ ਜਾਮਾ ਮਸਜਿਦ ਸਮੇਤ ਕਈ ਮਸਜਿਦਾਂ ਵਿਚ ਔਰਤਾਂ ਦੇ ਦਾਖਲ ਨੂੰ ਤਾਂ ਆਗਿਆ ਹੈ, ਪਰ ਉਹ ਮਰਦਾਂ ਦੀ ਤਰ੍ਹਾਂ ਬਰਾਬਰ ਲਾਈਨ ਵਿਚ ਬੈਠ ਕੇ ਨਮਾਜ਼ ਅਦਾ ਨਹੀਂ ਕਰ ਸਕਦੀ। ਉਨ੍ਹਾਂ ਨਮਾਜ਼ ਪੜਨ ਲਈ ਵੱਖ ਥਾਂ ਦਿੱਤੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਔਰਤਾਂ ਮਗਰਿਬ(ਸ਼ਾਮ ਦੀ) ਤੋਂ ਬਾਅਦ ਵੀ ਮਸਜਿਦ ਵਿਚ ਨਮਾਜ਼ ਨਹੀਂ ਪੜ ਸਕਦੀਆਂ।
