ਕਿਹਾ- ਸਿੰਗਲ ਕਲਾਸ ਰੈਜੀਮੈਂਟਾਂ ਲਈ ਮੌਤ ਦੀ ਘੰਟੀ ਵੱਜਣ ਦੇ ਬਰਾਬਰ ਹੈ ਇਹ ਸਕੀਮ
ਚੰਡੀਗੜ੍ਹ: ਦਹਾਕਿਆਂ ਪੁਰਾਣੀ ਰੱਖਿਆ ਭਰਤੀ ਪ੍ਰਕਿਰਿਆ ਵਿਚ ਇਕ ਬੁਨਿਆਦੀ ਬਦਲਾਅ ਕਰਦੇ ਹੋਏ ਕੇਂਦਰ ਸਰਕਾਰ ਨੇ ਫੌਜ, ਜਲ ਸੈਨਾ ਅਤੇ ਹਵਾਈ ਸੈਨਾ ਵਿਚ ਸਿਪਾਹੀਆਂ ਦੀ ਭਰਤੀ ਲਈ 'ਅਗਨੀਪਥ' ਯੋਜਨਾ ਦਾ ਐਲਾਨ ਕੀਤਾ, ਜਿਸ ਦੇ ਤਹਿਤ ਸੈਨਿਕਾਂ ਨੂੰ ਚਾਰ ਸਾਲਾਂ ਦੀ ਮਿਆਦ ਲਈ ਠੇਕੇ 'ਤੇ ਭਰਤੀ ਕੀਤਾ ਜਾਵੇਗਾ। ਹਾਲਾਂਕਿ ਬਹੁਤ ਸਾਰੇ ਸਾਬਕਾ ਸੈਨਿਕਾਂ ਨੂੰ ਕੇਂਦਰ ਦੀ 'ਅਗਨੀਪਥ' ਭਰਤੀ ਯੋਜਨਾ ਪਸੰਦ ਨਹੀਂ ਆਈ। ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਵੀ ਸੈਨਿਕਾਂ ਦੀ ਨਵੀਂ ਭਰਤੀ ਸਕੀਮ 'ਤੇ ਗੰਭੀਰ ਇਤਰਾਜ਼ ਜਤਾਇਆ ਹੈ।
Capt Amarinder Singh expresses concern over Patiala incident
ਕੈਪਟਨ ਅਮਰਿੰਦਰ ਸਿੰਘ ਖੁਦ ਸਾਬਕਾ ਫੌਜੀ ਹਨ ਅਤੇ ਉਹਨਾਂ ਦੇ ਪਰਿਵਾਰ ਦੇ ਹੋਰ ਮੈਂਬਰ ਵੀ ਫੌਜ ਵਿਚ ਸੇਵਾ ਨਿਭਾ ਚੁੱਕੇ ਹਨ। ਸਾਬਕਾ ਮੁੱਖ ਮੰਤਰੀ, ਜਿਨ੍ਹਾਂ ਨੇ ਸਿੱਖ ਰੈਜੀਮੈਂਟ ਵਿਚ ਸੇਵਾ ਨਿਭਾਈ ਸੀ, ਨੇ ਸਿਪਾਹੀ ਭਰਤੀ ਦੀ ਨਵੀਂ ਪ੍ਰਕਿਰਿਆ ਦੀ ਆਲੋਚਨਾ ਕਰਦਿਆਂ ਕਿਹਾ ਕਿ ਇਹ ਸਿੱਖ ਰੈਜੀਮੈਂਟ, ਸਿੱਖ ਲਾਈਟ ਇਨਫੈਂਟਰੀ, ਗੋਰਖਾ ਰਾਈਫਲਜ਼, ਰਾਜਪੂਤ ਰੈਜੀਮੈਂਟ, ਜਾਟ ਰੈਜੀਮੈਂਟ ਆਦਿ ਵਰਗੀਆਂ ਸਿੰਗਲ ਕਲਾਸ ਰੈਜੀਮੈਂਟਾਂ ਲਈ ਮੌਤ ਦੀ ਘੰਟੀ ਵੱਜਣ ਦੇ ਬਰਾਬਰ ਹੈ।ਦਰਅਸਲ ਕਿ ਇਹ ਭਰਤੀ "ਆਲ ਇੰਡੀਆ, ਆਲ ਕਲਾਸੇਜ਼” ਦੇ ਆਧਾਰ 'ਤੇ ਕੀਤੀ ਜਾਵੇਗੀ। ਇਹ ਬਹੁਤ ਸਾਰੀਆਂ ਰੈਜੀਮੈਂਟਾਂ ਦੀ ਬਣਤਰ ਨੂੰ ਬਦਲ ਦੇਵੇਗਾ ਜੋ ਖਾਸ ਖੇਤਰਾਂ ਤੋਂ ਭਰਤੀ ਕਰਨ ਤੋਂ ਇਲਾਵਾ ਰਾਜਪੂਤਾਂ, ਜਾਟਾਂ ਅਤੇ ਸਿੱਖਾਂ ਵਰਗੇ ਭਾਈਚਾਰਿਆਂ ਦੇ ਨੌਜਵਾਨਾਂ ਦੀ ਭਰਤੀ ਕਰਦੇ ਹਨ।
Indian Army
ਕੈਪਟਨ ਅਮਰਿੰਦਰ ਸਿੰਘ ਇਸ ਸਮੇਂ ਲੰਡਨ ਵਿਚ ਹਨ। ਇਕ ਅਖ਼ਬਾਰ ਨਾਲ ਫੋਨ ’ਤੇ ਗੱਲ ਕਰਦਿਆਂ ਉਹਨਾਂ ਕਿਹਾ, “ ਅਜਿਹਾ ਕਰਨ ਪਿੱਛੇ ਕੀ ਕਾਰਨ ਹੈ, ਮੈਨੂੰ ਸਮਝ ਨਹੀਂ ਆ ਰਿਹਾ”। ਉਹਨਾਂ ਕਿਹਾ ਕਿ ਸਿੰਗਲ ਕਲਾਸ ਰੈਜੀਮੈਂਟ ਦੇ ਨਾਲ ਆਲ ਇੰਡੀਆ ਆਲ ਕਲਾਸ ਐਕਸਪੈਰੀਮੈਂਟ 80 ਦੇ ਦਹਾਕੇ ਵਿਚ ਸ਼ੁਰੂ ਕੀਤਾ ਗਿਆ ਸੀ ਅਤੇ ਅਸਫ਼ਲ ਰਿਹਾ। ਕੈਪਟਨ ਨੇ ਕਿਹਾ, “ਇਹ ਰੈਜੀਮੈਂਟਾਂ ਆਪਣੇ ਮੌਜੂਦਾ ਮਾਹੌਲ ਵਿਚ ਵਧੀਆ ਪ੍ਰਦਰਸ਼ਨ ਕਰ ਰਹੀਆਂ ਹਨ, ਤਾਂ ਇਸ ਨੂੰ ਕਿਉਂ ਬਦਲਿਆ ਜਾਵੇ? ਮੈਂ ਇਸ ਹਰਕਤ ਨਾਲ ਬਿਲਕੁਲ ਵੀ ਸਹਿਮਤ ਨਹੀਂ ਹਾਂ। ਇਹਨਾਂ ਰੈਜੀਮੈਂਟਾਂ ਦੀਆਂ ਆਪਣੀਆਂ ਪਰੰਪਰਾਵਾਂ ਅਤੇ ਢੰਗ ਹਨ ਅਤੇ ਤੁਸੀਂ ਕਿਸੇ ਅਜਿਹੇ ਵਿਅਕਤੀ ਤੋਂ ਕਿਵੇਂ ਉਮੀਦ ਕਰ ਸਕਦੇ ਹੋ ਜੋ ਉਸ ਪਿਛੋਕੜ ਤੋਂ ਨਹੀਂ ਹੈ, ਇਹ ਸਭ ਕੁਝ ਕਰੇਗਾ।"
Capt Amarinder Singh
ਕੈਪਟਨ ਅਮਰਿੰਦਰ ਸਿੰਘ ਨੇ ਇਹ ਵੀ ਕਿਹਾ ਕਿ ਚਾਰ ਸਾਲ ਦੇ ਕਾਰਜਕਾਲ ਦੇ ਨਾਲ, ਇਕ ਫੌਜੀ ਕੋਲ ਮੈਦਾਨ ਵਿਚ ਜਾਣ ਤੋਂ ਪਹਿਲਾਂ ਫੌਜੀਆਂ ਦਾ ਮੁਢਲਾ ਤਜਰਬਾ ਇਕੱਠਾ ਕਰਨ ਲਈ ਸ਼ਾਇਦ ਹੀ ਇੰਨਾ ਸਮਾਂ ਹੋਵੇਗਾ। ਉਹਨਾਂ ਕਿਹਾ ਕਿ ਇਕ ਸਿਪਾਹੀ ਦੇ ਪ੍ਰਭਾਵਸ਼ਾਲੀ ਹੋਣ ਲਈ ਚਾਰ ਸਾਲ ਬਹੁਤ ਘੱਟ ਸਮਾਂ ਹੈ। ਇਸ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਪੱਛਮੀ ਕਮਾਂਡ ਦੇ ਸਾਬਕਾ ਜੀਓਸੀ-ਇਨ-ਸੀ ਲੈਫਟੀਨੈਂਟ ਜਨਰਲ ਤੇਜ ਸਪਰੂ (ਸੇਵਾਮੁਕਤ) ਨੇ ਕਿਹਾ ਕਿ ਇਸ ਨਵੇਂ ਕਦਮ ਨਾਲ ਭਾਰਤ-ਨੇਪਾਲ ਸਬੰਧਾਂ ਨੂੰ ਕੋਈ ਲਾਭ ਨਹੀਂ ਹੋਵੇਗਾ।
'Agnipath' scheme
ਉਹਨਾਂ ਕਿਹਾ, “ਭਾਰਤੀ ਫੌਜ ਵਿਚ ਸੇਵਾ ਕਰ ਰਹੇ ਨੇਪਾਲੀ ਨਾਗਰਿਕ ਸੈਨਿਕ ਆਪਣੀਆਂ ਤਨਖਾਹਾਂ ਅਤੇ ਪੈਨਸ਼ਨਾਂ ਰਾਹੀਂ ਨੇਪਾਲੀ ਅਰਥਚਾਰੇ ਵਿਚ ਵੱਡਾ ਯੋਗਦਾਨ ਪਾਉਂਦੇ ਹਨ। ਉਹ ਉਹਨਾਂ ਪਿੰਡਾਂ ਵਿਚ ਭਾਰਤ ਦੇ ਮਹੱਤਵਪੂਰਨ ਰਾਜਦੂਤ ਵੀ ਹਨ ਜਿੱਥੇ ਉਹ ਰਹਿੰਦੇ ਹਨ। ਇਹ ਇਕ ਕਾਰਨ ਹੈ ਕਿ ਚੀਨੀ ਨੇਪਾਲੀ ਸਮਾਜ ਵਿਚ ਜ਼ਿਆਦਾ ਪ੍ਰਵੇਸ਼ ਨਹੀਂ ਕਰ ਸਕੇ ਹਨ। ਸਾਰੀਆਂ ਜਮਾਤਾਂ ਦੀ ਭਰਤੀ ਕਰਕੇ, ਉਹਨਾਂ ਦੀ ਭਰਤੀ ਵਿਚ ਕਟੌਤੀ ਕਰਨ ਅਤੇ ਫਿਰ ਉਹਨਾਂ ਦੀ ਸੇਵਾ ਦੇ ਸਾਲਾਂ ਨੂੰ ਘਟਾਉਣ ਨਾਲ, ਨੇਪਾਲ-ਭਾਰਤ ਸਬੰਧਾਂ ਵਿਚ ਇਕ ਵੱਡੀ ਤਬਦੀਲੀ ਆ ਸਕਦੀ ਹੈ।"ਤੋਪਖਾਨੇ ਦੇ ਸਾਬਕਾ ਡਾਇਰੈਕਟਰ ਜਨਰਲ ਲੈਫਟੀਨੈਂਟ ਜਨਰਲ ਪੀਆਰ ਸ਼ੰਕਰ (ਸੇਵਾਮੁਕਤ) ਨੇ ਅਗਨੀਪਥ ਸਕੀਮ ਦੀ ਆਲੋਚਨਾ ਕਰਦੇ ਹੋਏ ਇਸ ਨੂੰ 'ਕਿੰਡਰਗਾਰਟਨ ਆਰਮੀ' ਕਰਾਰ ਦਿੱਤਾ। ਕਈ ਦਿੱਗਜਾਂ ਨੇ ਸੋਸ਼ਲ ਮੀਡੀਆ 'ਤੇ ਅਗਨੀਪਥ ਦੀਆਂ 'ਖਾਮੀਆਂ' ਦਾ ਜ਼ਿਕਰ ਕੀਤਾ ਅਤੇ ਸੁਝਾਅ ਦਿੱਤੇ ਹਨ।
