ਸ਼ੁਰੂ ਵਿਚ ਮਰੀਜ਼ ਨੂੰ ਬੁਖਾਰ ਹੋਵੇਗਾ। 1 ਤੋਂ 5 ਦਿਨਾਂ ਬਾਅਦ, ਮਰੀਜ਼ ਦੇ ਚਿਹਰੇ, ਹਥੇਲੀਆਂ ਅਤੇ ਤਲੀਆਂ 'ਤੇ ਧੱਫੜ ਦਿਖਾਈ ਦੇ ਸਕਦੇ ਹਨ।
ਨਵੀਂ ਦਿੱਲੀ: ਭਾਰਤ ਵਿਚ ਜਦੋਂ ਤੋਂ ਮੰਕੀ ਪੌਕਸ ਦਾ ਪਹਿਲਾ ਮਾਮਲਾ ਸਾਹਮਣੇ ਆਇਆ ਹੈ, ਦੇਸ਼ ਭਰ ਵਿਚ ਡਰ ਦਾ ਮਾਹੌਲ ਹੈ। ਇਸ ਦੌਰਾਨ ਏਮਜ਼ ਦੇ ਐਡੀਸ਼ਨਲ ਪ੍ਰੋਫੈਸਰ ਪੀਯੂਸ਼ ਰੰਜਨ ਨੇ ਮੰਕੀ ਪੌਕਸ ਬਾਰੇ ਕੁਝ ਨਵੇਂ ਤੱਥ ਸਾਹਮਣੇ ਰੱਖੇ ਹਨ। ਪ੍ਰੋਫੈਸਰ ਪੀਯੂਸ਼ ਦੇ ਅਨੁਸਾਰ, ਮੰਕੀ ਪੌਕਸ ਦੇ ਲੱਛਣ ਚੇਚਕ ਅਤੇ ਚਿਕਨਪੌਕਸ ਵਰਗੇ ਹਨ।
Monkeypox
ਸ਼ੁਰੂ ਵਿਚ ਮਰੀਜ਼ ਨੂੰ ਬੁਖਾਰ ਹੋਵੇਗਾ। 1 ਤੋਂ 5 ਦਿਨਾਂ ਬਾਅਦ, ਮਰੀਜ਼ ਦੇ ਚਿਹਰੇ, ਹਥੇਲੀਆਂ ਅਤੇ ਤਲੀਆਂ 'ਤੇ ਧੱਫੜ ਦਿਖਾਈ ਦੇ ਸਕਦੇ ਹਨ। ਉਹਨਾਂ ਨੂੰ ਕੋਰਨੀਆ ਵਿਚ ਧੱਫੜ ਹੋ ਸਕਦੇ ਹਨ ਜੋ ਅੰਨ੍ਹੇਪਣ ਦਾ ਕਾਰਨ ਬਣ ਸਕਦੇ ਹਨ। ਮੰਕੀ ਪੌਕਸ ਵਾਇਰਸ ਜਾਨਵਰਾਂ ਤੋਂ ਮਨੁੱਖਾਂ ਵਿਚ ਨਜ਼ਦੀਕੀ ਸੰਪਰਕ ਦੁਆਰਾ ਜਾਂ ਸੰਕਰਮਿਤ ਲੋਕਾਂ ਨਾਲ ਲੰਬੇ ਸਮੇਂ ਤੱਕ ਆਹਮੋ-ਸਾਹਮਣੇ ਸੰਪਰਕ ਦੁਆਰਾ ਸੰਚਾਰਿਤ ਹੁੰਦਾ ਹੈ। ਪ੍ਰੋਫੈਸਰ ਪੀਯੂਸ਼ ਮੁਤਾਬਕ ਚਿੰਤਾ ਦਾ ਕੋਈ ਕਾਰਨ ਨਹੀਂ ਹੈ। ਕਿਉਂਕਿ ਮੰਕੀ ਪੌਕਸ ਵਾਇਰਸ ਦੀ ਛੂਤਕਾਰੀ ਬਹੁਤ ਘੱਟ ਹੈ, ਹਾਲਾਂਕਿ ਇਹ ਕੋਵਿਡ ਵਾਇਰਸ ਦੇ ਮੁਕਾਬਲੇ ਬੱਚਿਆਂ ਲਈ ਘਾਤਕ ਹੋ ਸਕਦਾ ਹੈ।
Monkeypox
ਜ਼ਿਕਰਯੋਗ ਹੈ ਕਿ ਸ਼ੁੱਕਰਵਾਰ ਨੂੰ ਪਹਿਲਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਕੇਂਦਰੀ ਸਿਹਤ ਮੰਤਰਾਲੇ ਵੱਲੋਂ ਭੇਜੀ ਗਈ 4 ਮਾਹਿਰਾਂ ਦੀ ਟੀਮ ਕੇਰਲ ਦਾ ਦੌਰਾ ਕਰ ਰਹੀ ਹੈ। ਜਿੱਥੇ ਮੰਕੀ ਪੌਕਸ ਦਾ ਪਹਿਲਾ ਕੇਸ ਪਾਇਆ ਗਿਆ ਸੀ ਉੱਥੇ ਸਰਕਾਰ ਨੇ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ, ਇਹ ਉਹੀ ਦਿਸ਼ਾ-ਨਿਰਦੇਸ਼ ਹਨ ਜੋ 31 ਮਈ ਨੂੰ ਜਾਰੀ ਕੀਤੇ ਗਏ ਸਨ।
ਕਾਬਲੇਗੌਰ ਹੈ ਕਿ ਰਾਜ ਸਰਕਾਰ ਨੇ ਕੇਰਲ ਵਿਚ ਇੱਕ 35 ਸਾਲਾ ਵਿਅਕਤੀ ਵਿਚ ਮੰਕੀ ਪੌਕਸ ਦੀ ਪੁਸ਼ਟੀ ਕੀਤੀ ਹੈ। ਇਹ ਵਿਅਕਤੀ ਹਾਲ ਹੀ ਵਿਚ ਵਿਦੇਸ਼ ਯਾਤਰਾ ਕਰ ਕੇ ਵਾਪਸ ਆਇਆ ਸੀ। ਨਵੇਂ ਦਿਸ਼ਾ-ਨਿਰਦੇਸ਼ਾਂ ਦੇ ਅਨੁਸਾਰ, ਮੰਕੀ ਪੌਕਸ ਦੇ ਮਾਮਲੇ ਵਿਚ ਸਿਰਫ਼ ਜੀਨੋਮ ਸੀਕਵੈਂਸਿੰਗ ਜਾਂ ਆਰਪੀਸੀਆਰ ਟੈਸਟ ਨੂੰ ਪੁਸ਼ਟੀ ਮੰਨਿਆ ਜਾਵੇਗਾ। ਭਾਰਤ ਵਿਚ, ਮੰਕੀ ਪੌਕਸ ਦੇ ਟੈਸਟ ਲਈ 15 ਲੈਬਾਂ ਤਿਆਰ ਕੀਤੀਆਂ ਗਈਆਂ ਹਨ।
