ਘਟਨਾ ਦੇ ਵੇਰਵੇ ਮੁਤਾਬਕ ਹਯਾਤ ਹੋਟਲ ਵਿਚ ਸਾਬਕਾ ਬੀਐਸਪੀ ਸੰਸਦੀ ਮੰਤਰੀ ਰਾਕੇਸ਼ ਪਾਂਡੇ ਦੇ ਬੇਟੇ ਆਸ਼ੀਸ਼ ਪਾਂਡੇ ਦੀ ਕਿਸੀ ਗੱਲ ਨੂੰ ਲੈ ਕੇ ਇਕ ਜੋੜੇ ਨਾਲ ਬਹਿਸ ਹੋ ਗਈ।
ਨਵੀਂ ਦਿੱਲੀ, ( ਭਾਸ਼ਾ ) : ਦਿੱਲੀ ਦੇ ਪੰਜ ਤਾਰਾ ਹੋਟਲ ਹਯਾਤ ਵਿਚ ਸ਼ਨੀਵਾਰ ਰਾਤ ਬਸਪਾ ਦੇ ਸਾਬਕਾ ਸੰਸਦ ਮੰਤਰੀ ਦੇ ਬੇਟੇ ਨੇ ਪਿਸਤੌਲ ਲੈ ਕੇ ਡਰਾਮਾ ਕੀਤਾ। ਉਹ ਪਿਸਤੌਲ ਲੈ ਕੇ ਇਕ ਜੋੜੇ ਨੋਂ ਧਮਕਾਉਣ ਲਗਾ। ਘਟਨਾ ਤੋਂ ਬਾਅਦ ਉਹ ਲਖਨਊ ਭੱਜ ਗਿਆ। ਪੁਲਿਸ ਨੇ ਉਸਦੇ ਵਿਰੁਧ ਕੇਸ ਦਰਜ ਕਰ ਲਿਆ ਹੈ ਤੇ ਉਸਦੀ ਤਲਾਸ਼ ਵਿਚ ਲਖਨਊ ਰਵਾਨਾ ਹੋ ਗਈ ਹੈ। ਘਟਨਾ ਦੇ ਵੇਰਵੇ ਮੁਤਾਬਕ ਹਯਾਤ ਹੋਟਲ ਵਿਚ ਸਾਬਕਾ ਬੀਐਸਪੀ ਸੰਸਦੀ ਮੰਤਰੀ ਰਾਕੇਸ਼ ਪਾਂਡੇ ਦੇ ਬੇਟੇ ਆਸ਼ੀਸ਼ ਪਾਂਡੇ ਦੀ ਕਿਸੀ ਗੱਲ ਨੂੰ ਲੈ ਕੇ ਇਕ ਜੋੜੇ ਨਾਲ ਬਹਿਸ ਹੋ ਗਈ।
With Girlfriend
ਆਸ਼ੀਸ਼ ਨੇ ਅਪਣੀ ਪਿਸਤੌਲ ਕੱਢੀ ਤੇ ਜੋੜੇ ਵੱਲ ਚਲਾ ਗਿਆ ਤੇ ਉਨ੍ਹਾਂ ਨਾਲ ਅਪਮਾਨਜਨਕ ਭਾਸ਼ਾ ਦੀ ਵਰਤੋਂ ਕਰਨ ਲਗਾ। ਉਸਨੇ ਜਾਂਦੇ ਹੋਏ ਹੋਟਲ ਮੈਨੇਜਰ ਨੂੰ ਅਗਲੇ ਦਿਨ ਦੇਖ ਲੈਣ ਦੀ ਧਮਕੀ ਵੀ ਦਿਤੀ। ਇਥੇ ਹੀ ਬਸ ਨਹੀਂ ਉਸਦੇ ਨਾਲ ਮੌਜੂਦ ਕੁੜੀਆਂ ਨੇ ਵੀ ਉਸ ਜੋੜੇ ਨੂੰ ਗਾਲਾਂ ਕੱਢੀਆਂ। ਲਗਭਗ ਦੋ ਮਿੰਟ ਤੱਕ ਆਸ਼ੀਸ਼ ਅਤੇ ਉਸਦੇ ਨਾਲ ਮੌਜੂਦ ਕੁੜੀ ਵਿਆਹੇ ਜੋੜੇ ਨੂੰ ਧਮਕਾਉਂਦੇ ਰਹੇ। ਗੁੱਸੇ ਵਿਚ ਆਸ਼ੀਸ਼ ਹੱਥ ਵਿਚ ਪਿਸਤੌਲ ਲਹਿਰਾਉਣ ਲਗਾ ਜਿਸ ਨਾਲ ਉਥੇ ਰੌਲਾ ਪੈ ਗਿਆ। ਕੁਝ ਦੇਰ ਬਾਅਦ ਜੋੜੇ ਨੂੰ ਧਮਕੀਆਂ ਦੇ ਕੇ ਉਹ ਉਥੋਂ ਚਲੇ ਗਏ।
#WATCH A man brandishes a gun outside a 5-star hotel in Delhi on October 14. A case has been registered in connection with the incident. #Delhi pic.twitter.com/G14eqVJU0U
— ANI (@ANI) October 16, 2018
ਆਖਰ ਆਸ਼ੀਸ਼ ਕਿਸ ਗੱਲ ਨੂੰ ਲੈ ਕੇ ਜੋੜੇ ਨੂੰ ਧਮਕੀਆਂ ਦੇ ਰਿਹਾ ਸੀ, ਇਹ ਅਜੇ ਸਪੱਸ਼ਟ ਨਹੀਂ ਹੋਇਆ ਹੈ। ਇਸ ਘਟਨਾ ਸੰਬਧੀ ਦਿੱਲੀ ਦੇ ਆਰ.ਕੇ.ਪੁਰਮ ਸਟੇਸ਼ਨ ਵਿਚ ਆਸ਼ੀਸ਼ ਵਿਰੁਧ ਹਥਿਆਰ ਐਕਟ ਅਧੀਨ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਹੋਟਲ ਦੇ ਸਹਾਇਕ ਸੁਰੱਖਿਆ ਮੈਨੇਜਰ ਦੀ ਸ਼ਿਕਾਇਤ ਤੇ ਪੁਲਿਸ ਨੇ ਮਾਮਲਾ ਦਰਜ ਕਰ ਕੇਸ ਦੀ ਜਾਂਚ ਸ਼ੁਰੂ ਕਰ ਦਿਤੀ ਹੈ। ਇਸ ਦੇ ਨਾਲ ਹੀ ਦਿੱਲੀ ਪੁਲਿਸ ਦੀ ਟੀਮ ਆਸ਼ੀਸ਼ ਨੂੰ ਪੁਛਗਿਛ ਕਰਨ ਲਈ ਰਵਾਨਾ ਹੋ ਚੁੱਕੀ ਹੈ। ਆਸ਼ੀਸ਼ ਦਾ ਭਰਾ ਅੰਬੇਦਰਕਰ ਨਗਰ ਦੀ ਜਲਾਲਪੁਰ ਵਿਧਾਨਸਭਾ ਸੀਟ ਤੋਂ ਵਿਧਾਇਕ ਹੈ ਅਤੇ ਚਾਚਾ ਪਵਨ ਪਾਂਡੇ ਵੀ ਵਿਧਾਇਕ ਰਹੇ ਹਨ,
The Pistol
ਲੰਮੇ ਸਮੇਂ ਤੋਂ ਉਹ ਸ਼ਿਵਸੈਨਾ ਨਾਲ ਵੀ ਜੁੜੇ ਰਹੇ। ਆਸ਼ੀਸ਼ ਸ਼ਰਾਬ ਦਾ ਕਾਰੋਬਾਰ ਕਰਦਾ ਹੈ ਤੇ ਇਸ ਵੇਲੇ ਉਸਦਾ ਮੋਬਾਈਲ ਬੰਦ ਆ ਰਿਹਾ ਹੈ। ਇਸ ਮਾਮਲੇ ਨੂੰ ਜਿਸ ਤਰਾਂ ਪੁਲਿਸ ਨੇ ਹਲਕੇ ਵਿਚ ਲਿਆ ਹੈ, ਉਸਤੇ ਸਵਾਲ ਖੜ੍ਹੇ ਹੋ ਰਹੇ ਹਨ। ਘਟਨਾ 13 ਅਕਤੂਬਰ ਦੀ ਰਾਤ ਨੂੰ ਹੋਈ ਪਰ ਆਰ.ਕੇ.ਪੁਰਮ ਪੁਲਿਸ ਨੇ ਇਸ ਮਾਮਲੇ ਵਿਚ ਸੋਮਵਾਰ ਨੂੰ ਕਾਨੂੰਨੀ ਕਾਰਵਾਈ ਕੀਤੀ। ਅਜੇ ਸਿਰਫ ਹੱਥਿਆਰ ਐਕਟ ਅਧੀਨ ਮਾਮਲਾ ਦਰਜ਼ ਕੀਤਾ ਹੈ। ਡੀਸੀਪੀ ਦਵਿੰਦਰ ਆਰਿਆ ਨੇ ਦਸਿਆ ਕਿ ਇਸ ਕੇਸ ਵਿਚ ਹਥਿਆਰ ਐਕਟ ਦੀ ਧਾਰਾ 25/27 ਅਧੀਨ ਕੇਸ ਦਰਜ ਕੀਤਾ ਗਿਆ ਹੈ।
With Hotel Staff
ਸੂਤਰਾਂ ਦਾ ਕਹਿਆ ਹੈ ਕਿ ਆਸ਼ੀਸ਼ ਪਾਂਡੇ ਹੋਟਲ ਹਯਾਤ ਵਿਚ ਅਪਣੀ ਮਹਿਲਾ ਦੋਸਤਾਂ ਨਾਲ ਗਿਆ ਸੀ। ਉਥੇ ਲੇਡੀਜ਼ ਬਾਥਰੂਮ ਅੰਦਰ ਜਾਣ ਤੇ ਬਹਿਸ ਸ਼ੁਰੂ ਹੋਈ। ਇਸੇ ਕਾਰਨ ਹੋਟਲ ਦੇ ਸਹਾਇਕ ਸੁਰੱਖਿਆ ਮੈਨੇਜਰ ਨਾਲ ਬਹਿਸ ਹੋ ਗਈ। ਜਿਸ ਤੋਂ ਬਾਅਦ ਦੋਸ਼ੀ ਨੇ ਉਨਾਂ ਨੂੰ ਧਮਕਾਉਣਾ ਸ਼ੁਰੂ ਕਰ ਦਿਤਾ। ਇਸ ਘਟਨਾ ਨੂੰ ਅੱਖੀ ਦੇਖਣ ਵਾਲੇ ਕਈ ਗਵਾਹ ਹਨ। ਕਾਨੂੰਨ ਮਾਹਿਰਾਂ ਦਾ ਕਹਿਣਾ ਹੈ ਕਿ ਕੇਸ ਵਿਚ ਧਮਕੀ ਦੇਣ ਦੀ ਧਾਰਾ ਵੀ ਲਗਾਉਣੀ ਚਾਹੀਦੀ ਹੈ ਅਤੇ ਜਾਂਚ ਹੋਣੀ ਚਾਹੀਦੀ ਹੈ ਕਿ ਪਿਸਤੌਲ ਲਾਇਸੈਂਸਸ਼ੁਦਾ ਹੈ ਜਾਂ ਨਹੀਂ। ਦੋਸ਼ੀ ਕੋਲ ਜੇਕਰ ਲਾਇਸੈਂਸੀ ਹੱਥਿਆਰ ਹੈ ਤਾਂ ਵੀ ਉਸ ਦੀ ਦੁਰਵਰਤੋਂ ਕਰਨ ਤੇ ਲਾਇਸੈਂਸ ਰੱਦ ਹੋਵੇਗਾ।
