ਰਾਸ਼ਟਰੀ ਰਾਜਧਾਨੀ ਦਿੱਲੀ ਦੇ ਮੰਡਾਵਲੀ ਵਿਚ ਬੀਤੀ ਜੁਲਾਈ ਮਹੀਨੇ 'ਚ ਤਿੰਨ ਬੱਚੀਆਂ ਦੀ ਮੌਤ ਭੁਖਮਰੀ ਨਾਲ ਹੋਈ ਸੀ। ਹਾਲਾਂਕਿ ਉਸ ਸਮੇਂ ਇਸ ਗੱਲ ਨੂੰ ਲੈ ਕੇ ...
ਨਵੀਂ ਦਿੱਲੀ : (ਭਾਸ਼ਾ) ਰਾਸ਼ਟਰੀ ਰਾਜਧਾਨੀ ਦਿੱਲੀ ਦੇ ਮੰਡਾਵਲੀ ਵਿਚ ਬੀਤੀ ਜੁਲਾਈ ਮਹੀਨੇ 'ਚ ਤਿੰਨ ਬੱਚੀਆਂ ਦੀ ਮੌਤ ਭੁਖਮਰੀ ਨਾਲ ਹੋਈ ਸੀ। ਹਾਲਾਂਕਿ ਉਸ ਸਮੇਂ ਇਸ ਗੱਲ ਨੂੰ ਲੈ ਕੇ ਵਿਵਾਦ ਸੀ ਕਿ ਇਸ ਬੱਚੀਆਂ ਦੀ ਮੌਤ ਭੁੱਖ ਦੀ ਵਜ੍ਹਾ ਨਾਲ ਹੀ ਹੋਈ ਹੈ ਜਾਂ ਕੋਈ ਹੋਰ ਵਜ੍ਹਾ ਹੈ। ਰਾਜ ਦੀ ਆਮ ਆਦਮੀ ਪਾਰਟੀ ਸਰਕਾਰ ਨੇ ਮਾਮਲੇ ਵਿਚ ਮਜਿਸਟ੍ਰੇਟ ਜਾਂਚ ਦੇ ਆਦੇਸ਼ ਦਿਤੇ ਸਨ। ਖਬਰ ਦੇ ਮੁਤਾਬਕ ਵਿਸਰਿਆ ਰਿਪੋਰਟ ਤੋਂ ਇਹ ਪੁਸ਼ਟੀ ਕੀਤੀ ਗਈ ਹੈ ਕਿ ਇਹਨਾਂ ਬੱਚੀਆਂ ਦੀ ਮੌਤ ਭੁੱਖ ਦੀ ਵਜ੍ਹੇ ਨਾਲ ਹੀ ਹੋਈ ਸੀ।
Malnutrition
ਤਿੰਨਾਂ ਬੱਚੀਆਂ ਸਕੀਆਂ ਭੈਣਾਂ ਸਨ ਅਤੇ ਵਿਸਰਿਆ ਰਿਪੋਰਟ ਵਿਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਉਨ੍ਹਾਂ ਨੂੰ ਕਈ ਦਿਨਾਂ ਤੋਂ ਖਾਣਾ ਨਹੀਂ ਮਿਲਿਆ ਸੀ। ਜਾਂਚ ਦੇ ਦੌਰਾਨ ਲਡ਼ਕੀਆਂ ਦੇ ਸਰੀਰ ਵਿਚ ਕੋਈ ਜ਼ਹਿਰ ਨਹੀਂ ਮਿਲਿਆ। ਤਿੰਨਾਂ ਭੈਣਾਂ ਦੇ 2 ਪੋਸਟਮਾਰਟਮ ਵੀ ਹੋਏ ਸਨ। ਪਹਿਲਾ ਪੋਸਟਮਾਰਟਮ ਲਾਲ ਬਹਾਦੁਰ ਸ਼ਾਸਤਰੀ ਹਸਪਤਾਲ ਵਿਚ ਕਰਾਇਆ ਗਿਆ ਸੀ ਉਥੇ ਹੀ ਦੂਜਾ ਪੋਸਟਮਾਰਟਮ ਜੀਟੀਬੀ ਹਸਪਤਾਲ ਵਿਚ ਕੀਤਾ ਗਿਆ ਸੀ।
Malnutrition
ਪੋਸਟਮਾਰਟਮ ਰਿਪੋਰਟ ਵਿਚ ਡਾਕਟਰਾਂ ਨੇ ਦੱਸਿਆ ਸੀ ਕਿ ਤਿੰਨਾਂ ਦੇ ਢਿੱਡ ਵਿਚ ਖਾਣ ਦਾ ਇਕ ਹਿੱਸਾ ਵੀ ਨਹੀਂ ਮਿਲਿਆ ਹੈ। ਲਗਦਾ ਹੈ ਉਨ੍ਹਾਂ ਨੂੰ ਸੱਤ - ਅੱਠ ਦਿਨ ਤੋਂ ਖਾਣਾ ਨਹੀਂ ਮਿਲਿਆ। ਦੱਸ ਦਈਏ ਕਿ ਬੀਤੀ 26 ਜੁਲਾਈ ਨੂੰ ਪੂਰਬੀ ਦਿੱਲੀ ਦੇ ਮੰਡਾਵਲੀ ਖੇਤਰ ਵਿਚ ਭੁੱਖ ਦੀ ਵਜ੍ਹਾ ਨਾਲ ਤਿੰਨ ਭੈਣਾਂ ਦੀ ਮੌਤ ਦੀ ਖਬਰ ਆਈ ਸੀ। ਪੁਲਿਸ ਨੇ ਦੱਸਿਆ ਸੀ ਕਿ ਇਹਨਾਂ ਤਿੰਨਾਂ ਲਡ਼ਕੀਆਂ ਦੀ ਉਮਰ ਦੋ, ਚਾਰ ਅਤੇ ਅੱਠ ਸਾਲ ਦੀ ਸੀ।
Malnutrition
ਘਟਨਾ ਤੋਂ ਪਹਿਲਾਂ ਬੱਚੀਆਂ ਦੇ ਮਜ਼ਦੂਰ ਪਿਤਾ ਕੰਮ ਉਤੇ ਗਏ ਸਨ ਅਤੇ ਮਾਂ ਵੀ ਮਾਨਸਿਕ ਤੌਰ 'ਤੇ ਬੀਮਾਰ ਹੈ। ਇਹ ਪਰਵਾਰ ਪੱਛਮ ਬੰਗਾਲ ਦਾ ਰਹਿਣ ਵਾਲਾ ਹੈ ਅਤੇ ਜੁਲਾਈ ਮਹੀਨੇ ਵਿਚ ਹੀ ਮੰਡਾਵਲੀ ਵਿਚ ਰਹਿਣ ਆਏ ਸਨ। ਉਸ ਸਮੇਂ ਪੁਲਿਸ ਦੀ ਇਕ ਫਾਰੈਂਸਿਕ ਟੀਮ ਨੇ ਪਰਵਾਰ ਦੇ ਨਿਵਾਸ ਸਥਾਨ ਦਾ ਦੌਰਾ ਕੀਤਾ ਸੀ ਅਤੇ ਉਨ੍ਹਾਂ ਨੂੰ ਕੁੱਝ ਦਵਾਈਆਂ ਦੀਆਂ ਬੋਤਲਾਂ ਅਤੇ ਦਵਾਈਆਂ ਮਿਲੀਆਂ ਸਨ। ਸ਼ੱਕ ਸੀ ਕਿ ਲਡ਼ਕੀਆਂ ਨੇ ਕਈ ਦਿਨਾਂ ਤੋਂ ਖਾਣਾ ਨਹੀਂ ਖਾਧਾ ਸੀ। ਇਸ ਦੀ ਵਜ੍ਹਾ ਨਾਲ ਉਹ ਬੀਮਾਰ ਵੀ ਹੋ ਗਈਆਂ ਸਨ।
