VVIP ਨੰਬਰ ਲਈ 1.12 ਕਰੋੜ ਦੀ ਬੋਲੀ : 70 ਹਜ਼ਾਰ ਰੁਪਏ ਦੀ ਸਕੂਟੀ ਲਈ ਮੰਗਿਆ HP 99-9999 ਨੰਬਰ
Published : Feb 17, 2023, 3:34 pm IST
Updated : Feb 17, 2023, 5:38 pm IST
SHARE ARTICLE
Image for representation purpose only
Image for representation purpose only

ਇਹ ਬੋਲੀ ਅੱਜ ਬੰਦ ਹੋਵੇਗੀ।

 

ਸ਼ਿਮਲਾ: ਰਜਿਸਟ੍ਰੇਸ਼ਨ ਅਤੇ ਲਾਇਸੈਂਸਿੰਗ ਅਥਾਰਟੀ ਕੋਟਖਾਈ ਨੂੰ ਇਕ ਸਕੂਟੀ ਲਈ ਫੈਂਸੀ ਰਜਿਸਟ੍ਰੇਸ਼ਨ ਨੰਬਰ (HP 99-9999) ਲਈ 1.12 ਕਰੋੜ ਰੁਪਏ ਦੀ ਆਨਲਾਈਨ ਬੋਲੀ ਮਿਲੀ ਹੈ। ਟਰਾਂਸਪੋਰਟ ਵਿਭਾਗ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਬੋਲੀ ਲਈ ਰਾਖਵੀਂ ਕੀਮਤ 1000 ਰੁਪਏ ਰੱਖੀ ਗਈ ਸੀ ਅਤੇ ਇਸ ਲਈ 26 ਲੋਕਾਂ ਨੇ ਬੋਲੀ ਲਗਾਈ। ਹੁਣ ਤੱਕ ਦੀ ਸਭ ਤੋਂ ਉੱਚੀ ਬੋਲੀ 1,12,15,500 ਰੁਪਏ ਹੈ, ਜੋ ਆਨਲਾਈਨ ਪ੍ਰਾਪਤ ਹੋਈ ਹੈ। ਇਹ ਬੋਲੀ ਅੱਜ ਬੰਦ ਹੋਵੇਗੀ। ਖ਼ਬਰਾਂ ਮੁਤਾਬਕ ਇਹ ਨੰਬਰ ਦੇਸ਼ਰਾਜ ਨਾਂਅ ਦੇ ਵਿਅਕਤੀ ਨੇ ਖਰੀਦਿਆ ਹੈ।

ਇਹ ਵੀ ਪੜ੍ਹੋ : ਟਰੱਕ ਅਤੇ ਸਕੂਲ ਵੈਨ ਦੀ ਟੱਕਰ ’ਚ ਵਿਦਿਆਰਥੀ ਦੀ ਮੌਤ, ਵੈਨ ਡਰਾਈਵਰ ਗੰਭੀਰ ਜ਼ਖ

ਬੋਲੀ ਲਗਾਉਣ ਵਾਲੇ ਦੀ ਭਰੋਸੇਯੋਗਤਾ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ। ਜੇਕਰ ਉਹ ਪੈਸੇ ਜਮ੍ਹਾ ਨਹੀਂ ਕਰਦਾ ਹੈ ਤਾਂ ਨੰਬਰ ਦੂਜੇ ਸਭ ਤੋਂ ਉੱਚੇ ਬੋਲੀਕਾਰ ਕੋਲ ਜਾਵੇਗਾ। ਹਾਲਾਂਕਿ ਅਧਿਕਾਰੀਆਂ ਨੇ ਬੋਲੀਕਾਰਾਂ ਦੁਆਰਾ ਮੁਕਾਬਲੇਬਾਜ਼ਾਂ ਨੂੰ ਬਾਹਰ ਕੱਢਣ ਲਈ ਦਬਾਅ ਦੀਆਂ ਚਾਲਾਂ ਤੋਂ ਇਨਕਾਰ ਨਹੀਂ ਕੀਤਾ ਅਤੇ ਕਿਹਾ ਕਿ ਬੋਲੀ ਦੀ ਰਕਮ ਜਮ੍ਹਾਂ ਨਾ ਹੋਣ ਦੀ ਸਥਿਤੀ ਵਿਚ ਜੁਰਮਾਨਾ ਲਗਾਇਆ ਜਾਣਾ ਚਾਹੀਦਾ ਹੈ।

ਇਹ ਵੀ ਪੜ੍ਹੋ : 50 ਹਜ਼ਾਰ ਰੁਪਏ ਰਿਸ਼ਵਤ ਲੈਣ ਦੇ ਦੋਸ਼ ਹੇਠ ਲੋਪੋ ਪੁਲਿਸ ਚੌਕੀ ਇੰਚਾਰਜ ਖ਼ਿਲਾਫ਼ ਮਾਮਲਾ ਦਰਜ

ਉਹਨਾਂ ਕਿਹਾ, "ਅਸੀਂ ਬੋਲੀ ਦੇ ਸਮੇਂ ਬੋਲੀ ਦੀ ਰਕਮ ਦਾ 30 ਪ੍ਰਤੀਸ਼ਤ ਜਮ੍ਹਾਂ ਕਰਨ 'ਤੇ ਵੀ ਵਿਚਾਰ ਕਰ ਰਹੇ ਹਾਂ, ਜੋ ਕਿ ਪੂਰੀ ਰਕਮ ਜਮ੍ਹਾ ਨਾ ਕਰਨ ਦੀ ਸਥਿਤੀ ਵਿਚ ਜ਼ਬਤ ਕਰ ਲਈ ਜਾਵੇਗੀ।" ਇਕ ਸਕੂਟੀ ਦੀ ਕੀਮਤ 70,000 ਰੁਪਏ ਤੋਂ 1,80,000 ਤੱਕ ਹੁੰਦੀ ਹੈ। ਸ਼ਿਮਲਾ ਵਿਚ ਲਵਨੇਸ਼ ਮੋਟਰਜ਼ ਦੇ ਮਾਲਕ ਲਵਨੇਸ਼ ਨੇ ਕਿਹਾ ਕਿ ਸ਼ਿਮਲਾ ਵਰਗੇ ਪਹਾੜੀ ਖੇਤਰਾਂ ਵਿਚ ਕੋਵਿਡ ਤੋਂ ਬਾਅਦ ਦੀ ਮਿਆਦ ਦੇ ਮੁਕਾਬਲੇ ਸਕੂਟੀ ਦੀ ਵਿਕਰੀ ਵਿਚ 30-40 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ।

ਇਹ ਵੀ ਪੜ੍ਹੋ : ਸੌਦਾ ਸਾਧ ਦੀ ਪੈਰੋਲ ਖ਼ਿਲਾਫ਼ ਪਟੀਸ਼ਨ ’ਤੇ ਨਹੀਂ ਹੋ ਸਕੀ ਸੁਣਵਾਈ, ਅਗਲੀ ਸੁਣਵਾਈ ਲਈ 28 ਫਰਵਰੀ ਤੈਅ 

ਉਹਨਾਂ ਕਿਹਾ ਕਿ ਕੋਵਿਡ ਤੋਂ ਬਾਅਦ ਲੋਕਾਂ ਨੇ ਆਪਣੇ ਵਾਹਨ ਦੀ ਵਰਤੋਂ ਕਰਨ ਨੂੰ ਤਰਜੀਹ ਦਿੱਤੀ ਕਿਉਂਕਿ ਕੋਵਿਡ ਦੀ ਮਿਆਦ ਦੌਰਾਨ ਜਨਤਕ ਆਵਾਜਾਈ ਉਪਲਬਧ ਨਹੀਂ ਸੀ। ਸ਼ਿਮਲਾ ਵਿਚ ਯਾਮਹਾ ਸ਼ੋਅਰੂਮ ਦੇ ਮਾਲਕ ਕਾਰਤਿਕ ਸ਼ਰਮਾ ਨੇ ਕਿਹਾ, "ਅਸੀਂ ਪਿਛਲੇ ਚਾਰ ਮਹੀਨਿਆਂ ਵਿਚ ਲਗਭਗ 30-40 ਸਕੂਟੀਆਂ ਵੇਚੀਆਂ ਹਨ, ਜਦਕਿ ਪਿਛਲੇ ਸਾਲਾਂ ਵਿਚ ਇਸੇ ਮਿਆਦ ਦੌਰਾਨ1-5 ਸਕੂਟਰ ਵਿਕਦੇ ਸਨ।"

ਇਹ ਵੀ ਪੜ੍ਹੋ : ਸਟਿੰਗ ਵਿਵਾਦ ਤੋਂ ਬਾਅਦ BCCI ਦੇ ਮੁੱਖ ਚੋਣਕਾਰ ਚੇਤਨ ਸ਼ਰਮਾ ਨੇ ਦਿੱਤਾ ਅਸਤੀਫਾ 

ਹਿਮਾਚਲ ਦੇ ਟਰਾਂਸਪੋਰਟ ਵਿਭਾਗ ਦੇ ਡਾਇਰੈਕਟਰ ਅਨੁਪਮ ਕਸ਼ਯਪ ਦਾ ਕਹਿਣਾ ਹੈ ਕਿ ਅਸੀਂ ਵੀ ਹੈਰਾਨ ਹਾਂ ਕਿ ਇਕ ਸਕੂਟੀ ਦੀ ਇੰਨੀ ਉੱਚੀ ਬੋਲੀ ਕਿਵੇਂ ਲੱਗ ਸਕਦੀ ਹੈ। ਆਨਲਾਈਨ ਪੋਰਟਲ ਦੇ ਬੰਦ ਹੋਣ ਤੋਂ ਬਾਅਦ ਇਹ ਪਤਾ ਲੱਗ ਸਕੇਗਾ ਕਿ ਇਹ ਨੰਬਰ ਕਿੰਨੇ ਵਿਚ ਵੇਚਿਆ ਗਿਆ ਹੈ ਅਤੇ ਕਿਸ ਨੇ ਇਸ ਨੂੰ ਖਰੀਦਿਆ ਹੈ।

 

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Ludhiana News Update: 26 Lakh's ਦੀ fraud ਮਾਰਨ ਵਾਲੀ ਨੂੰਹ ਬਾਰੇ ਸਹੁਰੇ ਨੇ ਕੀਤੇ ਨਵੇਂ ਖੁਲਾਸੇ | Latest News

18 May 2024 4:23 PM

ਪੰਜਾਬੀ ਨੇ ਲਾਇਆ ਦੇਸੀ ਜੁਗਾੜ, 1990 ਮਾਡਲ ਮਾਰੂਤੀ ‘ਤੇ ਫਿੱਟ ਕੀਤੀ ਗੰਨੇ ਦੇ ਰਸ ਵਾਲੀ ਮਸ਼ੀਨ

18 May 2024 4:03 PM

Spokesman Live || Darbar-E-Siyasat || Amarinder Raja Singh Warring

18 May 2024 3:35 PM

TODAY TOP NEWS LIVE - ਵੇਖੋ ਅੱਜ ਦੀਆਂ ਮੁੱਖ ਖ਼ਬਰਾ, ਜਾਣੋ ਕੀ ਕੁੱਝ ਹੈ ਖ਼ਾਸ SPEED NEWS

18 May 2024 2:27 PM

ਅੱਜ ਦੀਆਂ ਮੁੱਖ ਖ਼ਬਰਾਂ , ਹਰਿਆਣਾ ਦੇ ਨੂੰਹ 'ਚ ਵੱਡਾ ਹਾਦਸਾ, ਸ਼ਰਧਾਲੂਆਂ ਨਾਲ ਭਰੀ ਟੂਰਿਸਟ ਬੱਸ ਨੂੰ ਅਚਾਨਕ ਲੱਗੀ ਅੱਗ

18 May 2024 2:19 PM
Advertisement