ਸਿਰਫ਼ 4 ਕੈਪਸੂਲ ਦਿੱਲੀ ਨੂੰ ਪ੍ਰਦੂਸ਼ਣ ਮੁਕਤ ਕਰਨਗੇ
ਨਵੀਂ ਦਿੱਲੀ : ਦਿੱਲੀ ਦੇ ਲੋਕਾਂ ਨੂੰ ਹਰ ਸਾਲ ਨਵੰਬਰ ਮਹੀਨੇ ਤੋਂ ਪ੍ਰਦੂਸ਼ਣ ਦੀ ਮਾਰ ਝਲਣੀ ਪੈਂਦੀ ਹੈ। ਇਸ ਦਾ ਵੱਡਾ ਕਾਰਨ ਹੈ ਦੂਜੇ ਸੂਬਿਆਂ 'ਚ ਸਾੜੀ ਜਾਣ ਵਾਲੀ ਪਰਾਲੀ ਪਰ ਇਸ ਵਾਰ ਭਾਰਤੀ ਖੇਤੀਬਾੜੀ ਖੋਜ ਸੰਸਥਾਨ (ਆਈ.ਸੀ.ਏ.ਆਰ) ਪੂਸਾ ਨੇ ਇਕ ਅਜਿਹੀ ਤਕਨੀਕ ਵਿਕਸਤ ਕੀਤੀ ਹੈ ਜਿਸਦੇ ਨਾਲ ਘੱਟ ਪੈਸਿਆਂ 'ਚ ਅਤੇ ਘੱਟ ਸਮੇਂ 'ਚ ਪਰਾਲੀ ਨੂੰ ਖ਼ਾਦ 'ਚ ਬਦਲਿਆ ਜਾ ਸਕਦਾ ਹੈ।
Paddy Straw
ਹਰ ਸਾਲ ਪਰਾਲੀ ਨਾਲ ਹੋਣ ਵਾਲੇ ਪ੍ਰਦੂਸ਼ਣ ਨੂੰ ਰੋਕਣ ਲਈ ਆਈ.ਸੀ.ਏ.ਆਰ ਨੇ ਅਜਿਹੀ ਤਕਨੀਕ ਵਿਕਸਿਤ ਕੀਤੀ ਹੈ ਜਿਸਦੇ ਨਾਲ ਸਿਰਫ 20 ਰੁਪਏ ਦੀ ਲਾਗਤ 'ਚ 1 ਹੈਕਟੇਅਰ ਤਕ ਪਰਾਲੀ ਨੂੰ ਇਕ ਮਹੀਨੇ ਦੇ ਅੰਦਰ ਖਾਦ 'ਚ ਬਦਲਿਆ ਜਾ ਸਕਦਾ ਹੈ।
Paddy Straw
ਆਮ ਆਦਮੀ ਪਾਰਟੀ ਦੇ ਨੇਤਾ ਗੋਪਾਲ ਰਾਏ ਅੱਜ ਇਸ ਤਕਨੀਕ ਨੂੰ ਸਮਝਣ ਲਈ ਆਈ.ਸੀ.ਏ.ਆਰ ਪਹੁੰਚੇ। ਉਨ੍ਹਾਂ ਨੇ ਦਸਿਆ ਕਿ ਦਿੱਲੀ ਦੇ ਕਿਸਾਨਾਂ ਨੂੰ ਇਹ ਡਿਕੰਪੋਜਰ ਕੈਪਸੂਲ ਮੁਫ਼ਤ 'ਚ ਦਿਤੀ ਜਾਵੇਗੀ। ਇੰਨਾ ਹੀ ਨਹੀਂ ਪੰਜਾਬ ਅਤੇ ਹਰਿਆਣਾ ਸਰਕਾਰ ਨੂੰ ਵੀ ਉਥੇ ਦੇ ਕਿਸਾਨਾਂ ਨੂੰ ਇਸ ਨੂੰ ਮੁਫ਼ਤ 'ਚ ਦੇਣ ਲਈ ਗੱਲ ਕੀਤੀ ਜਾਵੇਗੀ।
straw
ਆਈ.ਸੀ.ਏ.ਆਰ ਨੇ ਇਕ ਕੈਪਸੂਲ ਬਣਾਇਆ ਹੈ। ਇਸ ਨੂੰ ਅਜਿਹੇ ਬੈਕਟੀਰੀਆ ਨਾਲ ਤਿਆਰ ਕੀਤਾ ਗਿਆ ਹੈ ਜੋ ਪਰਾਲੀ ਨੂੰ ਘੱਟ ਤੋਂ ਘੱਟ ਸਮੇਂ 'ਚ ਖ਼ਾਦ 'ਚ ਬਦਲ ਦਿੰਦੇ ਹਨ। ਸਿਰਫ਼ 4 ਕੈਪਸੂਲ ਢਾਈ ਏਕੜ ਤਕ ਪਰਾਲੀ ਨੂੰ ਇਕ ਮਹੀਨੇ ਦੇ ਅੰਦਰ ਖ਼ਾਦ 'ਚ ਬਦਲ ਸਕਦੇ ਹਨ। ਇਕ ਕੈਪਸੂਲ ਦੀ ਕੀਮਤ ਸਿਰਫ਼ 20 ਰੁਪਏ ਹੈ।
Straw
ਆਈ.ਸੀ.ਏ.ਆਰ ਦੇ ਵਿਗਿਆਨੀ ਡਾ. ਲਵਲੀਨ ਨੇ ਦਸਿਆ ਕਿ ਇਸ ਕੈਪਸੂਲ ਨੂੰ ਗੁੜ ਅਤੇ ਬੇਸਨ ਦੇ ਨਾਲ ਉਬਾਲ ਕੇ ਪਰਾਲੀ 'ਤੇ ਛਿੜਕਾਅ ਕੀਤਾ ਜਾਂਦਾ ਹੈ। ਕਿਸਾਨਾਂ ਦੀ ਸੌਖ ਲਈ ਆਈ.ਸੀ.ਏ.ਆਰ ਨੇ ਕੈਪਸੂਲ ਦੇ ਨਾਲ-ਨਾਲ ਲਿਕਵਿਡ ਵੀ ਤਿਆਰ ਕੀਤਾ ਹੈ।
