ਚਕਰਵਾਤੀ ਤੂਫ਼ਾਨ ‘ਫੇਥਾਈ’ ਜਲਦ ਹੀ ਆਂਧਰਾ ਪ੍ਰਦੇਸ਼ ਦੇ ਤੱਟਾਂ ਨਾਲ ਟਕਰਾਉਣ ਵਾਲਾ ਹੈ ਅਤੇ ਇਸ ਦੇ ਚਲਦੇ ਸੋਮਵਾਰ ਨੂੰ ਓਡੀਸ਼ਾ ਦੇ ਕਈ ਹਿਸਿਆਂ ਵਿਚ ਭਾਰੀ ਮੀਂਹ ਦੀ ...
ਭੁਵਨੇਸ਼ਵਰ (ਭਾਸ਼ਾ) ਚਕਰਵਾਤੀ ਤੂਫ਼ਾਨ ‘ਫੇਥਾਈ’ ਜਲਦ ਹੀ ਆਂਧਰਾ ਪ੍ਰਦੇਸ਼ ਦੇ ਤੱਟਾਂ ਨਾਲ ਟਕਰਾਉਣ ਵਾਲਾ ਹੈ ਅਤੇ ਇਸ ਦੇ ਚਲਦੇ ਸੋਮਵਾਰ ਨੂੰ ਓਡੀਸ਼ਾ ਦੇ ਕਈ ਹਿਸਿਆਂ ਵਿਚ ਭਾਰੀ ਮੀਂਹ ਦੀ ਸੰਭਾਵਨਾ ਹੈ। ਮੌਸਮ ਵਿਗਿਆਨ ਵਿਭਾਗ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਇੱਥੇ ਮੌਸਮ ਵਿਭਾਗ ਨੇ ਇਕ ਬੁਲੇਟਿਨ ਵਿਚ ਕਿਹਾ ਕਿ ਐਤਵਾਰ ਨੂੰ ਰਾਜ ਦੇ ਕਈ ਹਿਸਿਆਂ ਗਜਪਤੀ, ਗੰਜਮ, ਰਾਇਗੜਾ ਅਤੇ ਕਾਲਾਹਾਂਡੀ ਵਿਚ ਅਸਮਾਨ ਵਿਚ ਸੰਘਣੇ ਬੱਦਲ ਛਾਏ ਰਹੇ, ਜਦੋਂ ਕਿ ਤੂਫ਼ਾਨ ਦੇ ਪ੍ਰਭਾਵ ਨਾਲ ਉੱਥੇ ਭਾਰੀ ਮੀਂਹ ਹੋਣ ਦਾ ਅਨੁਮਾਨ ਹੈ।
Cyclone Phethai
ਇਸ ਦੇ ਅਨੁਸਾਰ ਰਾਇਗੜਾ, ਕੋਰਾਪੁਟ, ਮਲਕਾਨਗਿਰੀ, ਨਬਰੰਗਪੁਰ, ਕਾਲਾਹਾਂਡੀ, ਕੰਧਮਾਲ, ਨੌਪਦਾ, ਬਾਰਾਗੜ, ਬਾਲਨਗੀਰ, ਝਾਰਸੁਗੁੜਾ ਅਤੇ ਸੰਬਲਪੁਰ ਜ਼ਿਲਿਆਂ ਵਿਚ ਸੋਮਵਾਰ ਨੂੰ ਜ਼ਬਰਦਸਤ ਮੀਂਹ ਹੋਣ ਦਾ ਅਨੁਮਾਨ ਹੈ। ਮੌਸਮ ਵਿਭਾਗ ਨੇ ਦੱਸਿਆ ਕਿ ਇਸ ਚੱਕਰਵਾਤ ਦੇ ਗੰਭੀਰ ਤੂਫ਼ਾਨ ਦੇ ਰੂਪ ਵਿਚ ਬਦਲਣ ਦਾ ਸ਼ੱਕ ਹੈ ਅਤੇ ਇਹ ਉੱਤਰ - ਪੱਛਮ ਦਿਸ਼ਾ ਦੇ ਵੱਲ ਮੁੜ ਜਾਵੇਗਾ ਅਤੇ ਸੋਮਵਾਰ ਦੁਪਹਿਰ ਤੱਕ ਓਂਗੋਲ ਅਤੇ ਕਾਕੀਨਾੜਾ ਦੇ ਵਿਚ ਆਂਧਰਾ ਪ੍ਰਦੇਸ਼ ਦੇ ਤਟ ਨਾਲ ਟਕਰਾਏਗਾ।
Cyclone Phethai
ਮੌਸਮ ਵਿਭਾਗ ਨੇ 18 ਦਸੰਬਰ ਤੱਕ ਓਡੀਸ਼ਾ ਵਿਚ ਕਿਤੇ ਹਲਕੀ ਬਾਰਿਸ਼ ਅਤੇ ਕਈ ਜਗ੍ਹਾਵਾਂ 'ਤੇ ਦੱਖਣ ਓਡੀਸ਼ਾ ਦੇ ਜ਼ਿਲਿਆਂ ਵਿਚ ਗਰਜ ਦੇ ਨਾਲ ਮੀਂਹ ਪੈਣ ਦੀ ਸੰਭਾਵਨਾ ਜਤਾਈ ਹੈ। ਇਸ ਦੇ ਅਨੁਸਾਰ ਓਡੀਸ਼ਾ ਤਟ ਵਿਚ ਮਛੇਰਿਆਂ ਲਈ ਕੋਈ ਆਮ ਚਿਤਾਵਨੀ ਜਾਰੀ ਨਹੀਂ ਕੀਤੀ ਗਈ। ਉਨ੍ਹਾਂ ਨੂੰ ਸੋਮਵਾਰ ਤੱਕ ਪੱਛਮ ਮੱਧਮ ਅਤੇ ਦੱਖਣ ਪੱਛਮ ਬੰਗਾਲ ਦੀ ਖਾੜੀ ਨਾਲ ਲਗਦੇ ਡੂੰਘੇ ਸਮੁੰਦਰੀ ਇਲਾਕਿਆਂ ਵਿਚ ਜਾਣ ਤੋਂ ਬਚਣ ਦੀ ਸਲਾਹ ਦਿਤੀ ਗਈ ਹੈ। ਓਡੀਸ਼ਾ ਸਰਕਾਰ ਨੇ ਜ਼ਿਲ੍ਹਾ ਮੈਜਿਸਟਰੇਟ ਨੂੰ ਪਹਿਲਾਂ ਹੀ ਇਸ ਬੇਮੌਸਮ ਮੀਹ ਤੋਂ ਝੋਨੇ ਦੇ ਖੇਤਾਂ ਨੂੰ ਬਚਾਉਣ ਲਈ ਜ਼ਰੂਰੀ ਕਦਮ ਚੁੱਕਣ ਦਾ ਨਿਰਦੇਸ਼ ਦਿਤਾ ਹੈ।
