ਖਾਣ-ਪੀਣ ਦੇ ਸਮਾਨ ਦੀ ਸ਼ੁੱਧਤਾ ਨੂੰ ਸੁਧਾਰਨ ਦੇ ਮਾਮਲੇ ਵਿਚ ਆ ਸਕੇਗੀ ਕ੍ਰਾਂਤੀ-FSSAI
ਨਵੀਂ ਦਿੱਲੀ : ਸਰਕਾਰ ਨੇ ਫੂਡ ਸੇਫਟੀ ਦੇ ਮੋਰਚੇ ਉੱਤੇ ਇਕ ਵੱਡਾ ਫ਼ੈਸਲਾ ਲਿਆ ਹੈ। ਹੁਣ ਖਪਤਕਾਰ ਖਾਣ-ਪੀਣ ਦੇ ਕਿਸੇ ਵੀ ਸਮਾਨ ਦੀ ਲੈਬ ਟੈਸਟਿੰਗ ਕਰਵਾ ਸਕਣਗੇ। ਜੇਕਰ ਟੈਸਟ ਵਿਚ ਸੈਂਪਲ ਖ਼ਰਾਬ ਪਾਇਆ ਜਾਂਦਾ ਹੈ ਤਾਂ ਉਨ੍ਹਾਂ ਨੂੰ ਟੈਸਟ ਦਾ ਪੈਸਾ ਵਾਪਸ ਕਰ ਦਿੱਤਾ ਜਾਵੇਗਾ। ਫੂਡ ਸੇਫਟੀ ਐਂਡ ਸਟੈਂਡਰਡ ਅਥਾਰਟੀ ਆਫ ਇੰਡੀਆ ਦਾ ਕਹਿਣਾ ਹੈ ਕਿ ਇਸ ਸਹੂਲਤ ਵਿਚ ਖਾਣ-ਪੀਣ ਦੇ ਸਮਾਨ ਦੀ ਸ਼ੁੱਧਤਾ ਨੂੰ ਸੁਧਾਰਨ ਦੇ ਮਾਮਲੇ ਵਿਚ ਕ੍ਰਾਂਤੀ ਆ ਸਕੇਗੀ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਦਾ ਟੈਸਟ ਕੋਈ ਵੀ ਵਿਅਕਤੀ ਕਰ ਸਕਦਾ ਹੈ। ਪਰ ਉਸ ਨੂੰ ਇਹ ਕੰਮ ਕਿਸੀ ਖਪਤਕਾਰ ਸੰਗਠਨ ਦੇ ਮਾਧਿਅਮ ਨਾਲ ਕਰਨਾ ਹੋਵੇਗਾ।
ਕਈ ਵਾਰ ਲੋਕ ਖਾਣ-ਪੀਣ ਦੇ ਸਮਾਨ ਨਾਲ ਸ਼ਿਕਾਇਤ ਹੋਣ ਦੇ ਬਾਵਜੂਦ ਉਸ ਦੀ ਜਾਂਚ ਨਹੀਂ ਕਰਾ ਪਾਉਂਦੇ। ਇਸ ਦੀ ਇਕ ਵੱਡੀ ਵਜ੍ਹਾਂ ਜਾਂਚ ਦਾ ਖਰਚਾ ਵੀ ਹੈ। ਅਥਾਰਟੀ ਦਾ ਮੰਨਣਾ ਹੈ ਕਿ ਪੈਸਾ ਵਾਪਸ ਹੋਣ ਦੀ ਸਹੂਲਤ ਮਿਲਣ ਨਾਲ ਲੋਕ ਫੂਡ ਸੈਂਪਲ ਦੀ ਜਾਂਚ ਲਈ ਅੱਗੇ ਆਉਂਣਗੇ ਅਤੇ ਸਿਰਫ਼ ਸਰਕਾਰੀ ਏਜੰਸੀਆਂ 'ਤੇ ਨਿਰਭਰ ਨਹੀਂ ਰਹਿਣਗੇ।
ਜੇਕਰ ਤੁਸੀ ਦੁੱਧ ਅਤੇ ਉਸ ਤੋਂ ਬਣੀ ਚੀਜ਼ਾਂ ਦਾ ਰੋਜ਼ਾਨਾ ਵਰਤੋਂ ਕਰਦੇ ਹਨ ਤਾਂ ਇਹ ਖਬਰ ਤੁਹਾਡੇ ਲਈ ਮਹੱਤਵਪੂਰਨ ਹੈ ਕਿਉਂਕਿ ਫੂਡ ਰੈਗੁਲੇਟਰ FSSAI ਨੇ ਡੈਅਰੀ ਅਤੇ ਦੁੱਧ ਨਾਲ ਜੁੜੀ ਕੰਪਨੀਆਂ ਦੇ ਲਈ ਵੱਡੇ ਨਿਯਮ ਬਣਾਏ ਹਨ। ਨਵੇਂ ਹੁਕਮਾਂ ਮੁਤਾਬਕ ਪਸ਼ੂਆਂ ਦੇ ਚਾਰੇ ਦਾ ਬੀਆਈਐਸ ਪ੍ਰਮਾਣਿਤ ਹੋਣਾ ਜ਼ਰੂਰੀ ਹੋਵੇਗਾ। ਇਸ ਸਾਲ ਦੇ ਮਿਲਕ ਸਰਵੇਖਣ ਵਿਚ ਵੱਡੀ ਕੰਪਨੀਆਂ ਦੇ ਦੁੱਧ ਵਿਚ ਐਂਟੀਬਾਇਓਟੀਕ ਅਤੇ ਬਾਕੀ ਕੈਮੀਕਲ ਪਾਏ ਜਾਣ ਦੇ ਕੁੱਝ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਇਹ ਫ਼ੈਸਲਾ ਲਿਆ ਗਿਆ ਹੈ।