TMC ’ਤੇ ਵਰ੍ਹੇ ਪੀਐਮ ਮੋਦੀ, ਲੋਕਾਂ ਦਾ ਇਰਾਦਾ ਦੇਖ ਕੇ ਦੀਦੀ ਅਪਣਾ ਗੁੱਸਾ ਮੇਰੇ ਉੱਤੇ ਕੱਢ ਰਹੀ ਹੈ
Published : Mar 18, 2021, 1:06 pm IST
Updated : Mar 18, 2021, 1:45 pm IST
SHARE ARTICLE
PM Modi and Mamata Banerjee
PM Modi and Mamata Banerjee

ਪੀਐਮ ਮੋਦੀ ਨੇ ਪੁਰੂਲਿਆ ਵਿਚ ਜਨ ਸਭਾ ਨੂੰ ਕੀਤਾ ਸੰਬੋਧਨ

ਕੋਲਕਾਤਾ: ਪੱਛਮੀ ਬੰਗਾਲ ਵਿਧਾਨ ਸਭਾ ਚੋਣਾਂ 2021 ਲਈ ਸਿਆਸੀ ਹਲਚਲ ਜਾਰੀ ਹੈ। ਇਸ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਪਾਰਟੀ ਦੇ ਹੱਕ ਵਿਚ ਮਾਹੌਲ ਬਣਾਉਣ ਲਈ ਪੁਰੂਲਿਆ ਪਹੁੰਚੇ ਹਨ। ਇਸ ਦੌਰਾਨ ਉਹਨਾਂ ਨੇ ਜਨ ਸਭਾ ਨੂੰ ਸੰਬੋਧਨ ਕੀਤਾ। ਜਨਸਭਾ ਨੂੰ ਸੰਬੋਧਨ ਕਰਦਿਆਂ ਪੀਐਮ ਮੋਦੀ ਨੇ ਵਿਰੋਧੀਆਂ ’ਤੇ ਹਮਲਾ ਬੋਲਿਆ।

PM Modi PM Modi

ਉਹਨਾਂ ਕਿਹਾ ਕਿ ਪਹਿਲਾਂ ਖੱਬੇਪੱਖੀਆਂ ਅਤੇ ਫਿਰ ਟੀਐਮਸੀ ਦੀ ਸਰਕਾਰ ਨੇ ਇੱਥੇ ਉਦਯੋਗ ਨੂੰ ਵਧਣ ਨਹੀਂ ਦਿੱਤਾ। ਇੱਥੇ ਸਿੰਜਾਈ ਲਈ ਜਿੰਨਾ ਕੰਮ ਹੋਣਾ ਚਾਹੀਦਾ ਸੀ, ਉਹ ਵੀ ਨਹੀਂ ਹੋਇਆ। ਘੱਟ ਪਾਣੀ ਕਾਰਨ ਪਸ਼ੂਆਂ ਨੂੰ ਪਾਲਣ ਵਿਚ ਹੋਣ ਵਾਲੀ ਮੁਸ਼ਕਲ ਨੂੰ ਮੈਂ ਚੰਗੀ ਤਰ੍ਹਾਂ ਸਮਝਦਾ ਹਾਂ। ਟੀਐਮਸੀ ’ਤੇ ਦੋਸ਼ ਲਗਾਉਂਦਿਆਂ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਖੇਤੀ-ਕਿਸਾਨਾਂ ਨੂੰ ਅਪਣੇ ਹਾਲ ਉੱਤੇ ਛੱਡ ਕੇ ਟੀਐਮਸੀ ਸਰਕਾਰ ਸਿਰਫ ਅਪਣੇ ਖੇਡ ਵਿਚ ਹੀ ਲੱਗੀ ਰਹੀ। ਇਹਨਾਂ ਨੇ ਪੁਰੂਲਿਆ ਨੂੰ ਜਲ ਸੰਕਟ ਨਾਲ ਭਰਿਆ ਜੀਵਨ, ਪਰਵਾਸ, ਗਰੀਬਾਂ ਨੂੰ ਭੇਦਭਾਵ ਭਰਿਆ ਸ਼ਾਸਨ ਦਿੱਤਾ।

Mamata BanerjeeMamata Banerjee

ਪੀਐਮ ਮੋਦੀ ਨੇ ਕਿਹਾ ਕਿ ਟੀਐਮਸੀ ਸਰਕਾਰ ਨੇ ਪੁਰੂਲਿਆ ਦੀ ਪਛਾਣ ਦੇਸ਼ ਦੇ ਸਭ ਤੋਂ ਪਛੜੇ ਖੇਤਰ ਵਜੋਂ ਬਣਾਈ ਹੈ। ਬੰਗਾਲ ਵਿਚ ਹੋਣ ਜਾ ਰਹੀਆਂ ਚੋਣਾਂ ’ਚ ਭਾਜਪਾ ਦੀ ਜਿੱਤ ਦਾ ਦਾਅਵਾ ਕਰਦਿਆਂ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ 2 ਮਈ ਤੋਂ ਬਾਅਦ ਜਦੋਂ ਪੱਛਮੀ ਬੰਗਾਲ ਵਿਚ ਭਾਜਪਾ ਦੀ ਸਰਕਾਰ ਬਣੇਗੀ ਤਾਂ ਉਦਯੋਗ ਅਤੇ ਰੁਜ਼ਗਾਰ ਲਈ ਅਨੇਕਾਂ ਮੌਕੇ ਪੈਦਾ ਹੋਣਗੇ। ਇੱਥੇ ਅਜਿਹੀ ਵਿਵਸਥਾ ਲਾਗੂ ਕੀਤੀ ਜਾਵੇਗੀ ਕਿ ਲੋਕਾਂ ਨੂੰ ਪਰਵਾਸ ਲਈ ਮਜਬੂਰ ਨਹੀਂ ਹੋਣਾ ਪਵੇਗਾ।

Prime Minister Narendra ModiNarendra Modi

ਉਹਨਾਂ ਕਿਹਾ ਦਲਿਤ, ਆਦਿਵਾਸੀ, ਪਿਛੜੇ ਇਲਾਕਿਆਂ ਦੇ ਸਾਡੇ ਨੌਜਵਾਨ ਵੀ ਰੁਜ਼ਗਾਰ ਦੇ ਮੌਕਿਆਂ ਨਾਲ ਜੁੜ ਸਕਣ, ਇਸ ਲਈ ਹੁਨਰ ਵਿਕਾਸ ’ਤੇ ਜ਼ਿਆਦਾ ਧਿਆਨ ਦਿੱਤਾ ਜਾਵੇਗਾ। ਪ੍ਰਧਾਨ ਮੰਤਰੀ ਮੋਦੀ ਨੇ ਅੱਗੇ ਕਿਹਾ ਕਿ ਪੱਛਮ ਬੰਗਾਲ ਵਿਚ ਟੀਐਮਸੀ ਦੇ ਦਿਨ ਹੁਣ ਗਿਣਤੀ ਦੇ ਰਹਿ ਗਏ ਹਨ ਤੇ ਇਹ ਗੱਲ ਮਮਤਾ ਦੀਦੀ ਨੂੰ ਵੀ ਚੰਗੀ ਤਰ੍ਹਾਂ ਸਮਝ ਆ ਰਹੀ ਹੈ।

Mamata BanerjeeMamata Banerjee- PM Modi 

ਉਹਨਾਂ ਕਿਹਾ ਤਸੱਲੀ ਦੇ 10 ਸਾਲਾਂ ਬਾਅਦ, ਲੋਕਾਂ 'ਤੇ ਲਾਠੀਚਾਰਜ ਕਰਵਾਉਣ ਤੋਂ ਬਾਅਦ, ਹੁਣ ਮਮਤਾ ਦੀਦੀ ਅਚਾਨਕ ਬਦਲੀ-ਬਦਲੀ ਦਿਖ ਰਹੀ ਹੈ। ਇਹ ਦਿਲ ਦੀ ਤਬਦੀਲੀ ਨਹੀਂ, ਇਹ ਹਾਰਨ ਦਾ ਡਰ ਹੈ। ਇਹ ਬੰਗਾਲ ਦੀ ਜਨਤਾ ਦੀ ਨਰਾਜ਼ਗੀ ਹੈ, ਜੋ ਦੀਦੀ ਕੋਲੋਂ ਇਹ ਸਭ ਕਰਵਾ ਰਹੀ ਹੈ। ਬੀਤੇ ਦਿਨੀਂ ਮਮਤਾ ਬੈਨਰਜੀ ਦੇ ਪੈਰ ’ਤੇ ਲੱਗੀ ਸੱਟ ਬਾਰੇ ਬੋਲਦਿਆਂ ਪੀਐਮ ਮੋਦੀ ਨੇ ਕਿਹਾ ਜਦੋਂ ਦੀਦੀ ਨੂੰ ਸੱਟ ਲੱਗੀ ਤਾਂ ਸਾਨੂੰ ਚਿੰਤਾ ਹੋਈ। ਮੇਰੀ ਅਰਦਾਸ ਹੈ ਕਿ ਉਹਨਾਂ ਦੇ ਪੈਰ ਦੀ ਸੱਟ ਜਲਦ ਤੋਂ ਜਲਦ ਠੀਕ ਹੋ ਜਾਵੇ।

Mamata BanerjeeMamata Banerjee

ਪੀਐਮ ਮੋਦੀ ਨੇ ਕਿਹਾ ਬੰਗਾਲ ਦੇ ਲੋਕ ਬਹੁਤ ਪਹਿਲਾਂ ਤੋਂ ਬੋਲ ਰਹੇ ਹਨ ਕਿ ਲੋਕ ਸਭਾ ਵਿਚ ਟੀਐਮਸੀ ਹਾਫ ਅਤੇ ਇਸ ਵਾਰ ਪੂਰੀ ਸਾਫ। ਲੋਕਾਂ ਦਾ ਇਰਾਦਾ ਦੇਖ ਕੇ ਦੀਦੀ ਅਪਣਾ ਗੁੱਸਾ ਮੇਰੇ ਉੱਤੇ ਕੱਢ ਰਹੀ ਹੈ ਪਰ ਸਾਡੇ ਲਈ ਦੇਸ਼ ਦੀਆਂ ਕਰੋੜਾਂ ਧੀਆਂ ਦੀ ਤਰ੍ਹਾਂ ਦੀਦੀ ਵੀ ਭਾਰਤ ਦੀ ਇਕ ਬੇਟੀ ਹੈ, ਜਿਨ੍ਹਾਂ ਦਾ ਮਾਣ ਸਨਮਾਨ ਸਾਡੇ ਸੰਸਕਾਰਾਂ ਵਿਚ ਵਸਿਆ ਹੈ।

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

Navdeep Jalveda Wala Water Cannon ਗ੍ਰਿਫ਼ਤਾਰ! ਹਰਿਆਣਾ ਦੀ ਪੁਲਿਸ ਨੇ ਕੀਤੀ ਵੱਡੀ ਕਾਰਵਾਈ, ਕਿਸਾਨੀ ਅੰਦੋਲਨ ਵਿੱਚ

29 Mar 2024 4:16 PM

Simranjit Mann ਦਾ ਖੁੱਲ੍ਹਾ ਚੈਲੇਂਜ - 'ਭਾਵੇਂ ਸੁਖਪਾਲ ਖਹਿਰਾ ਹੋਵੇ ਜਾਂ ਕੋਈ ਹੋਰ, ਮੈਂ ਨਹੀਂ ਆਪਣੇ ਮੁਕਾਬਲੇ ਕਿਸੇ

29 Mar 2024 3:30 PM

ਭਾਜਪਾ ਦੀ ਸੋਚ ਬਾਬੇ ਨਾਨਕ ਵਾਲੀ : Harjit Grewal ਅਕਾਲੀ ਦਲ 'ਤੇ ਰੱਜ ਕੇ ਵਰ੍ਹੇ ਭਾਜਪਾ ਆਗੂ ਅਕਾਲੀ ਦਲ ਬਾਰੇ ਕਰਤੇ

29 Mar 2024 2:07 PM

ਦੇਖੋ ਚੋਣ ਅਧਿਕਾਰੀ ਕਿਵੇਂ ਸਿਆਸੀ ਇਸ਼ਤਿਹਾਰਬਾਜ਼ੀ ਅਤੇ Paid ਖ਼ਬਰਾਂ ਉੱਤੇ ਰੱਖ ਰਿਹਾ ਹੈ ਨਜ਼ਰ, ਕਹਿੰਦਾ- ਝੂਠੀਆਂ....

29 Mar 2024 1:14 PM

Mohali ਦੇ Pind 'ਚ ਹਾਲੇ ਗਲੀਆਂ ਤੇ ਛੱਪੜਾਂ ਦੇ ਮਸਲੇ ਹੱਲ ਨਹੀਂ ਹੋਏ, ਜਾਤ-ਪਾਤ ਦੇਖ ਕੇ ਹੁੰਦੇ ਸਾਰੇ ਕੰਮ !

29 Mar 2024 11:58 AM
Advertisement