ਪੁਲਿਸ ਦੀ ਨੌਕਰੀ ਨੂੰ ਢਾਈ ਸਾਲ ਹੋ ਗਏ ਹਨ, ਅਜਿਹਾ ਮੁਸ਼ਕਲ ਸਮਾਂ ਪਹਿਲਾਂ ਕਦੇ ਨਹੀਂ ਵੇਖਿਆ। ਉਦਾਸੀ ਉਦੋਂ ਹੁੰਦੀ ਹੈ ਜਦੋਂ ਲੋਕ ਸਾਨੂੰ ਸਮਝ ਨਹੀਂ ਪਾਉਂਦੇ
ਨਵੀਂ ਦਿੱਲੀ- 'ਪੁਲਿਸ ਦੀ ਨੌਕਰੀ ਨੂੰ ਢਾਈ ਸਾਲ ਹੋ ਗਏ ਹਨ, ਅਜਿਹਾ ਮੁਸ਼ਕਲ ਸਮਾਂ ਪਹਿਲਾਂ ਕਦੇ ਨਹੀਂ ਵੇਖਿਆ। ਉਦਾਸੀ ਉਦੋਂ ਹੁੰਦੀ ਹੈ ਜਦੋਂ ਲੋਕ ਸਾਨੂੰ ਸਮਝ ਨਹੀਂ ਪਾਉਂਦੇ ਅਤੇ ਦੁਰਵਿਵਹਾਰ ਕਰਦੇ ਜਾਂ ਪੱਥਰ ਮਾਰਦੇ ਹਨ। ਨੋਇਡਾ ਸੈਕਟਰ 20 ਥਾਣੇ ਵਿਚ ਸਬ-ਇੰਸਪੈਕਟਰ ਦੇ ਅਹੁਦੇ 'ਤੇ ਤਾਇਨਾਤ ਊਸ਼ਾ ਕੁਸ਼ਵਾਹਾ ਨੂੰ ਜਦੋਂ ਤਾਲਾਬੰਦੀ ਹੋਣ ਬਾਰੇ ਪੁੱਛਿਆ ਗਿਆ ਤਾਂ ਉਸ ਨੇ ਇਹ ਗੱਲ ਕਹੀ। ਊਸ਼ਾ ਕੁਸ਼ਵਾਹਾ, ਜੋ ਕਿ ਸੜਕ 'ਤੇ ਡਿਊਟੀ ਕਰ ਰਹੀ ਹੈ, ਕੜਕਦੀ ਧੁੱਪ ਵਿਚ ਉਸਦੇ ਚਿਹਰੇ' ਤੇ ਮਾਸਕ ਪਾਇਆ ਹੋਇਆ ਹੈ ਅਤੇ ਆਪਣੇ ਸੱਤ ਮੈਂਬਰਾਂ ਦੇ ਪਰਿਵਾਰ ਨੂੰ ਹਰ ਦਿਨ ਯਾਦ ਕਰਦੀ ਹੈ। ਇਕ ਮੀਡੀਆ ਚੈਨਲ ਨਾਲ ਉਸ ਨੇ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਮੇਰਾ ਘਰ ਗਾਜ਼ੀਆਬਾਦ ਵਿਚ ਹੈ।
Lockdown
ਥਾਣੇ ਤੋਂ ਘਰ ਜਾਣ ਵਿਚ ਇਕ ਘੰਟਾ ਵੀ ਨਹੀਂ ਲੱਗਦਾ। ਪਰਿਵਾਰ ਵਿਚ ਮੇਰੇ ਮਾਪਿਆਂ ਤੋਂ ਇਲਾਵਾ, ਮੇਰੇ ਦੋ ਭਰਾ ਭੈਣਾਂ ਹਨ। ਉਸ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਅਜਿਹਾ ਕਦੇ ਵੀ ਨਹੀਂ ਹੋਇਆ ਕਿ ਮੈਂ ਆਪਣੇ ਪਰਿਵਾਰ ਨੂੰ ਹਫ਼ਤੇ ਦੋ ਹਫ਼ਤੇ ਵਿਚ ਨਾ ਮਿਲੀ ਹੋਵਾਂ। ਉਸ ਨੇ ਕਿਹਾ ਕਿ ਉਸ ਨੂੰ ਇਕ ਮਹੀਨੇ ਹੋ ਗਿਆ ਹੈ ਉਸ ਨੇ ਆਪਣੇ ਪਰਿਵਾਰ ਵਿਚੋਂ ਕਿਸੇ ਦਾ ਮੂੰਹ ਨਹੀਂ ਦੇਖਿਆ। ਊਸ਼ਾ ਨੇ ਕਿਹਾ ਕਿ ਉਹ ਥਾਣੇ ਵਿਚ ਹੀ ਇਕ ਕਮਰਾ ਲੈ ਕੇ ਰਹਿ ਰਹੀ ਹੈ ਅਤੇ ਰੋਟੀ ਬਣਾਉਣ ਤੋਂ ਲੈ ਕੇ ਵਰਦੀ ਥੋਣ ਤੱਕ ਦਾ ਸਾਰਾ ਕੰਮ ਉਹ ਆਪਣ ਕਰਦੀ ਹੈ ਅਤੇ ਆਪਣੀ ਡਿਊਟੀ ਵੀ ਪੂਰੀ ਤਰ੍ਹਾਂ ਨਿਭਾਉਂਦੀ ਹੈ।
File photo
ਊਸ਼ਾ ਦਾ ਕਹਿਣਾ ਹੈ ਕਿ ਪਰਿਵਾਰਕ ਮੈਂਬਰ ਆਉਣ ਲਈ ਕਹਿ ਰਹੇ ਹਨ, ਪਰ ਮੈਂ ਉਨ੍ਹਾਂ ਨੂੰ ਮਿਲਣ ਨਹੀਂ ਜਾ ਰਹੀ। ਮੈਨੂੰ ਅੰਦਰੋਂ ਡਰ ਹੈ ਕਿ ਮੇਰੇ ਕਾਰਨ ਮੇਰੇ ਪਰਿਵਾਰ ਵਿਚ ਕੋਈ ਵੀ ਜੋਖਮ ਵਿਚ ਨਾ ਆ ਜਾਵੇ। ਇਸ ਲਈ ਮੈਂ ਇਕੱਲੀ ਹੀ ਰਹਿ ਰਹੀ ਹਾਂ ਪਰ ਉਦਾਸੀ ਉਦੋਂ ਹੁੰਦੀ ਹੈ ਜਦੋਂ ਲੋਕ ਬਿਨਾਂ ਕਾਰਨ ਲੌਕਡਾਊਨ ਨੂੰ ਤੋੜਦੇ ਹਨ ਜਾਂ ਸਾਡੇ ਨਾਲ ਗਲਤ ਵਿਵਹਾਰ ਕਰਦੇ ਹਨ।
File photo
ਉਹ ਇਸ ਤਰ੍ਹਾਂ ਦੀ ਇਕ ਘਟਨਾ ਦੱਸਦੀ ਹੈ। ਉਸ ਨੇ ਕਿਹਾ ਕਿ ਜਦੋਂ ਮਾਰਚ ਵਿੱਚ ਤਾਲਾਬੰਦੀ ਲੱਗੀ ਹੀ ਸੀ, ਉਸੇ ਸਮੇਂ ਨੇੜੇ ਦੀ ਝੁੱਗੀ ਵਿੱਚ ਰਾਸ਼ਨ ਵੰਡਣ ਲਈ ਰਾਸ਼ਨ ਥਾਣੇ ਵਿਚ ਆਇਆ। ਉਸ ਨੇ ਦੱਸਿਆ ਕਿ ਇਸ ਇਲਾਕੇ ਦੇ ਆਸ-ਪਾਸ ਝੁੱਗੀਆ ਦੀ ਬਹੁਤ ਵੱਡੀ ਸੰਖਿਆ ਹੈ। ਊਸ਼ਾ ਨੇ ਕਿਹਾ ਕਿ ਝੁੱਗੀਆਂ ਦੀਆਂ ਔਰਤਾਂ ਰਾਸ਼ਨ ਲੈਣ ਲਈ ਥਾਣੇ ਵਿਚ ਆਈਆਂ ਅਤੇ ਇਕੱਠ ਹੋ ਗਿਆ ਪਰ ਜਿਹਨਾਂ ਨੂੰ ਰਾਸ਼ਨ ਨਹੀਂ ਮਿਲ ਸਕਿਆ ਉਹਨਾਂ ਨੇ ਸਾਡੇ ਤੇ ਪਥਰਾਅ ਕਰਨਾ ਸ਼ੁਰੂ ਕਰ ਦਿੱਤਾ ਅਤੇ ਫਿਰ ਪੁਲਿਸ ਫੋਰਸ ਬੁਲਾ ਕੇ ਪੁਲਿਸ ਨੇ ਬਹੁਤ ਔਖਾ ਉਹਨਾਂ ਤੇ ਕਾਬੂ ਪਾਇਆ।
Corona Virus
ਊਸ਼ਾ ਦਾ ਕਹਿਣਾ ਹੈ ਕਿ ਇਹ ਇਕੱਲੀ ਘਟਨਾ ਨਹੀਂ ਹੈ, ਮੈਂ ਅਕਸਰ ਦੇਖਿਆ ਹੈ ਕਿ ਬਿਨ੍ਹਾਂ ਗੱਲ ਤੋਂ ਲੌਕਡਾਊਨ ਦੀ ਉਲੰਘਣਾ ਕਰਨ ਵਾਲਿਆਂ ਨੂੰ ਰੋਕਣ ਤੇ ਉਹ ਪੁਲਿਸ ਤੇ ਹਾਵੀ ਹੋਣ ਦੀ ਕੋਸ਼ਿਸ਼ ਕਰਦੇ ਹਨ। ਉਨ੍ਹਾਂ ਲੋਕਾਂ ਨੂੰ ਸੋਚਣਾ ਚਾਹੀਦਾ ਹੈ ਕਿ ਜੋ ਵੀ ਅਸੀਂ ਕਰ ਰਹੇ ਹਾਂ, ਅਸੀਂ ਲੋਕਾਂ ਦੀ ਸੁਰੱਖਿਆ ਅਤੇ ਆਪਣੇ ਫਰਜ਼ ਲਈ ਕਰ ਰਹੇ ਹਾਂ। ਤੁਹਾਨੂੰ ਨਿਸ਼ਚਤ ਰੂਪ ਵਿੱਚ ਇਹ ਸੋਚਣਾ ਚਾਹੀਦਾ ਹੈ ਕਿ ਸਾਡੇ ਨਾਲ ਬਦਸਲੂਕੀ ਕਰਨ ਤੋਂ ਪਹਿਲਾਂ ਅਸੀਂ ਵੀ ਤੁਹਾਡੇ ਵਾਂਗ ਇਸ ਵਾਤਾਵਰਣ ਵਿੱਚ ਜੀ ਰਹੇ ਹਾਂ।
