ਏਅਰ ਇੰਡੀਆ ਪ੍ਰਸ਼ਾਸਨ ਨੇ ਇਕ ਪਾਇਲਟ ਵਿਰੁਧ ਢਾਕਾ ਤੋਂ ਕੋਲਕਾਤਾ ਦੇ ਹਿਲਸਾ ਮੱਛੀ ਲਿਜਾਉਣ ਦੇ ਇਲਜ਼ਾਮ ਦੀ ਜਾਂਚ ਦੇ ਆਦੇਸ਼ ਦਿਤੇ ਹਨ। ਪ੍ਰਸ਼ਾਸਨ ਨੇ ਉਸ ਤੋਂ ਪੁੱਛਿਆ ਹੈ...
ਕਲਕੱਤਾ : ਏਅਰ ਇੰਡੀਆ ਪ੍ਰਸ਼ਾਸਨ ਨੇ ਇਕ ਪਾਇਲਟ ਵਿਰੁਧ ਢਾਕਾ ਤੋਂ ਕੋਲਕਾਤਾ ਦੇ ਹਿਲਸਾ ਮੱਛੀ ਲਿਜਾਉਣ ਦੇ ਇਲਜ਼ਾਮ ਦੀ ਜਾਂਚ ਦੇ ਆਦੇਸ਼ ਦਿਤੇ ਹਨ। ਪ੍ਰਸ਼ਾਸਨ ਨੇ ਉਸ ਤੋਂ ਪੁੱਛਿਆ ਹੈ ਕਿ ਜਿਸ ਫਲਾਇਟ ਤੋਂ ਮੱਛੀ ਲੈ ਜਾਣ ਦਾ ਇਲਜ਼ਾਮ ਹੈ ਉਸ ਵਿਚ ਦੇਰੀ ਕਿਉਂ ਹੋਈ ਹੈ। ਹਾਲਾਂਕਿ, ਪਲੇਨ ਦੇ ਸੁਰੱਖਿਆ ਕਰਮਚਾਰੀਆਂ ਨੇ ਇਸ ਗੱਲ ਦੀ ਇਜਾਜ਼ਤ ਨਹੀਂ ਦਿਤੀ ਅਤੇ 8 ਅਗਸਤ ਦੀ ਘਟਨਾ ਵਿਚ ਇਹ ਪਲੇਨ ਇਕ ਘੰਟਾ ਲੇਟ ਹੋ ਗਿਆ ਸੀ। ਏਅਰਲਾਈਨਸ ਨਾਲ ਜੁਡ਼ੇ ਸੂਤਰਾਂ ਨੇ ਦੱਸਿਆ ਹੈ ਕਿ AI 229 ਜਹਾਜ਼ ਵਿਚ ਰਾਤ ਕਰੀਬ 9:15 ਵਜੇ 54 ਦੀ ਬੋਰਡਿੰਗ ਤੋਂ ਬਾਅਦ ਉਡਾਨਾਂ ਦੇ ਸਮੇਂ ਨਿਕਲਦਾ ਜਾ ਰਿਹਾ ਸੀ।
Hilsa fish
ਉਦੋਂ ਪਤਾ ਚਲਿਆ ਕਿ ਪਲੇਨ ਦੇ ਇਕ ਪਾਇਲਟ ਅਤੇ ਢਾਕਾ ਵਿਚ ਸੁਰੱਖਿਆ ਕਰਮਚਾਰੀਆਂ 'ਚ ਬਹਿਸ ਹੋ ਰਹੀ ਸੀ। ਦੱਸਿਆ ਗਿਆ ਕਿ ਇਹ ਬਹਿਸ ਇਕ ਪਾਰਸਲ ਬਾਰੇ ਸੀ ਜਿਸ ਨੂੰ ਪਾਇਲਟ ਲੈ ਜਾਣਾ ਚਾਹ ਰਿਹਾ ਸੀ ਪਰ ਸਟਾਫ਼ ਇਜਾਜ਼ਤ ਨਹੀਂ ਦੇ ਰਹੇ ਸੀ। ਉੱਥੇ ਮੌਜੂਦ ਲੋਕਾਂ ਨੇ ਦਾਅਵਾ ਕੀਤਾ ਹੈ ਕਿ ਉਡਾਨਾਂ ਤੋਂ ਕੁੱਝ ਸਮੇਂ ਪਹਿਲਾਂ ਏਅਰਲਾਈਨ ਵਿਚ ਕੰਮ ਕਰਨ ਵਾਲਾ ਇਕ ਵਿਅਕਤੀ ਪਾਇਲਟ ਨੂੰ ਹਿਲਸਾ ਦਾ ਆਇਸ - ਪੈਕ ਦੇ ਕੇ ਗਿਆ ਸੀ। ਸਟਾਫ ਨੇ ਪਾਰਸਲ ਕੈਬਿਨ ਵਿਚ ਲਿਜਾਉਣ ਤੋਂ ਮਨਾ ਕਰ ਦਿਤਾ। ਧਿਆਨ ਯੋਗ ਹੈ ਕਿ ਬਾਂਗਲਾਦੇਸ਼ ਵਿਚ ਹਿਲਸਾ ਦਾ ਨਿਰਿਯਾਤ 'ਤੇ ਪਾਬੰਦੀ ਹੈ।
Air India
ਏਅਰਲਾਈਨ ਨਾਲ ਜੁਡ਼ੇ ਇਕ ਅਧਿਕਾਰੀ ਨੇ ਕਿਹਾ ਕਿ ਜੇਕਰ ਉਹ ਪਾਰਸਲ ਹਿਲਸਾ ਨਹੀਂ ਵੀ ਸੀ ਤਾਂ ਵੀ ਉਸ ਨੂੰ ਕਾਰਗੋ ਦੇ ਨਾਲ ਜਾਣਾ ਚਾਹੀਦਾ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਭਾਰਤੀ ਨਿਯਮਾਂ ਦੇ ਹਿਸਾਬ ਨਾਲ ਫਲ, ਸਬਜ਼ੀਆਂ, ਕੱਚੀ ਮੱਛੀ ਵਰਗੀਆਂ ਚੀਜ਼ਾਂ ਬਿਨਾਂ ਲਾਇਸੈਂਸ ਦੇ ਨਹੀਂ ਲਿਜਾ ਜਾ ਸਕਦੇ। ਸੁਰੱਖਿਆ ਅਫ਼ਸਰ ਨੇ ਸਖ਼ਤ ਰਵੱਈਆ ਅਪਣਾਇਆ ਅਤੇ ਪਾਇਲਟ ਨੂੰ ਬਿਨਾਂ ਪਾਰਸਲ ਦੇ ਹੀ ਜਹਾਜ਼ ਵਿਚ ਜਾਣਾ ਪਿਆ। ਇੱਥੇ ਤੱਕ ਕਿ ਉਸ ਨੇ ਟੇਕ ਆਫ ਤੋਂ ਪਹਿਲਾਂ ਏਅਰਕਰਾਫਟ ਰੀਲੀਜ਼ ਸਰਟਿਫਿਕੇਟ 'ਤੇ ਦਸਤਖ਼ਤ ਵੀ ਨਹੀਂ ਕੀਤੇ।
Hilsa fish
ਢਾਕਾ ਏਅਰਪੋਰਟ ਪੁੱਛਗਿਛ ਕਰਨ ਪਹੁੰਚਿਆ ਅਤੇ ਜਹਾਜ਼ ਨੂੰ ਰੋਕ ਲਿਆ ਗਿਆ। ਪਾਇਲਟ ਨੇ ਬਾਅਦ ਵਿਚ ਦਾਅਵਾ ਕੀਤਾ ਕਿ ਉਹ ਹਿਲਸਾ ਜਾਂ ਕੁੱਝ ਹੋਰ ਪਾਬੰਦੀਸ਼ੁਦਾ ਸਮਾਨ ਨਹੀਂ ਲਿਜਾ ਰਿਹਾ ਸੀ। ARC 'ਤੇ ਦਸਤਖ਼ਤ ਕਰਨ ਤੋਂ ਬਾਅਦ ਉਹ ਉਡਾਨ ਲਈ ਪਹੁੰਚਿਆ। ਇਕ ਘੰਟੇ ਬਾਅਦ 10:30 'ਤੇ ਜਹਾਜ਼ ਨੇ ਉਡਾਨ ਭਰੀ।
