ਹੱਥ ਵਿੱਚ ਸੀ 50 ਰੁਪਏ ਦਾ ਨੋਟ
ਲਖਨਊ: ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ ਤੋਂ ਇੱਕ ਦਰਦਨਾਕ ਤਸਵੀਰ ਸਾਹਮਣੇ ਆਈ ਹੈ। ਇੱਥੋਂ ਦੇ ਵੀਆਈਪੀ ਖੇਤਰਾਂ ਵਿੱਚੋਂ ਇੱਕ ਜਾਨਕੀਪੁਰਮ ਵਿੱਚ ਇੱਕ ਰਿਕਸ਼ਾ ਚਾਲਕ ਦੀ ਲਾਸ਼ ਮਿਲੀ ਹੈ। ਸੜਕ 'ਤੇ ਪਾਣੀ ਦੇ ਵਿਚਕਾਰ ਮਿਲੀ ਲਾਸ਼ ਦੇ ਗਲੇ ਦੇ ਦੁਆਲੇ ਬਿਜਲੀ ਦੀਆਂ ਤਾਰਾਂ ਦਾ ਜਾਲ ਸੀ।
ਗਰੀਬ ਰਿਕਸ਼ਾ ਚਾਲਕ ਦੇ ਹੱਥ ਵਿੱਚ 50 ਰੁਪਏ ਦਾ ਨੋਟ ਸੀ ਅਤੇ ਰਿਕਸ਼ੇ ਉੱਤੇ ਫਟੇ ਕੱਪੜੇ ਪਏ ਹੋਏ ਸਨ। ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ।
ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਮੀਂਹ ਦੇ ਵਿਚਕਾਰ ਤਾਰ ਟੁੱਟ ਕੇ ਹੇਠਾਂ ਡਿੱਗ ਗਈ ਹੋਣੀ ਹੈ ਅਤੇ ਰਿਕਸ਼ਾ ਚਾਲਕ ਇਸ ਦੀ ਚਪੇਟ ਵਿਚ ਆ ਗਿਆ ਹੋਣਾ। ਪੁਲਿਸ ਹੱਤਿਆ ਦੇ ਕੋਣ ਤੋਂ ਵੀ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਸਰੀਰ ਤੋਂ ਅੱਧੇ ਕੱਪੜੇ ਉਤਾਰੇ ਹੋਏ ਸਨ। ਇਹ ਵੀ ਸੰਭਾਵਨਾ ਲਗਾਈ ਜਾ ਰਹੀ ਹੈ ਕਿ ਕਿਸੇ ਨੇ ਲੁੱਟ ਲਈ ਮਾਰ ਦਿੱਤਾ ਹੋਣਾ।